vendredi 12 septembre 2008

الرسالة7 الصيام في بلاد اللئام...وعودة المدون تيتوف تحت جنح الظلام

بعد عشرين شيشة و اربعطاش ترح شكبة و الف ترح رامي و الفين بيلوت قرر المدعو تيتوف العودة الى عالم التدوين لكن هذي المرة من حومة اخرى ولكن العودة هاذي باش تكون بعيدة عن الدين و السياسة موش من باب الهروب او حكاية اخرى و لكن اكتشفت مدى عبثية الصراع مع الناس هاذم الي في نهاية الامر باش يتصيرو في الجحيم و ينتهيو الى منتوج تونسي رمضاني اسمو طاجين ملسوقة و الا فريكاسي و الا يعملوهم قلايا هذا ايذا سلكوها دونك كونهم يسلمو يعبدو ربي يعبدو حكة جلبانة امورهم منيشباش نتحشر معاهم انشالله اما نشاالله نهار اخر يسمعونا طولة السان متعهم و ثانيا نتصور الي النخبة الموجودة هنا و كمايحلو لقاسم تسميتهم بزبدة تونس مينجمو يكونو كان فيراج متع نبارة مع عجزهم عن بلورة مشروع و طني واضح المعالم دونك انا هالبر معاتش يعنني يعلبوكم في حكك كالسردينة و يصدروك لصومال ...يزرعولكم بلادكم زطلة ونفة ......يبعوكم وفقة لدولة شقيقة حاجة متخصنيش يقول القايل شلزك يا تيتوف تكشف في شخصيتك الي لزني هو البريد الالكتروني الي تلقيتو من عند الاخت الفاضلة و الي تقول فيه يا تيتوف كشفنا خداعك بربي يا للا وين ترى فيه الخداع بلكش وعدتك بالماخذة و جبت بيك و الا داعبت كبتك العاطفي بجواب مسوقر ومن عبد اكتشفت انتي انو الجواب هذا موجه لوحدة اخرى على كل انا منيش مطول و نحب نقول الي الناس الكل تعرف الي تيتوف صاحب المدونة هاذي و الي عندو ريح يذر عشرة و بالنسبة للاشعات من قرصنة و غيرو وتيتوف و عمروش حاكم و كلام التراكن اهوكم تصاوري في الفايس بوك يا سي الناقد مذبيا تو انتي كان تكشف شخصيتك خلي نعرفو الي انتي موش حاكم و عيب عليك راو كلام التراكن موش خارج عليك و انا مسؤول عن كلامي و منيش متخبي ورا شخصية افتراضية بالنسبة لجماعة الي متخبيا و را شخصية بخار انفاسي يعطيكم الصحة عرفتو توجهو الضربة و استغليتو الحماس متاعي لكن عن قريب نشالله نكشف اني برىء من عملية القرصنة وهيا تو تفرقو لنجبد التريبولات و نبدا نضرب فيها عاري و لا بس حقا نسيت الى انا وليت رومنسي هههههههه تفرقو وهاكم كل واحدوردة

اصدمو ان الله مع الصادمين

قطع قطع

معا للقضاء على الطحين الافتراضي

شكرا لناس الي سئلت عليا


5 commentaires:

HNANI a dit…

أيا ع السلامة ، باهي كيف رجعت بتريبولات موش بحاجة أخري ههههه
الله يتولاك

lina ben Mhenni a dit…

mar7be bik fi 7ouchna eli howa houchek betbi3a

ولد بيرسا a dit…

يا تيتوف، انت وحدك وحدك حكيت على القرصنة و قلت بالحرف الواحد "اخترقنا" زوز مجموعات على قايسبوك و زوز ايمايلات
وحدك وحدك أشهرت العداوة ضدّ النّاس الّي ماهاش موافقة أفكارك
على كلّ المفيد كيف رجعلك شاهد العقل و لطّفت من طريقة خطابك و هاذي حاجة ما تنجّم تكون كان باهية، لأنّو العنف موش ديما يوصّل

black dark a dit…

ayya mar7bé bik, w 3awda maymouna... ama chnowa tawa titouf!! ti mouch enti bidek 5arajt hak elbayan elmach2oum, walla za3ma houma elli piratouk w katbouh!! loool ama 7lowa hadhi dawwart'ha macha3er w a7asis!! ama s3ib ken to5roj alik!! :-D

فراشة a dit…

mar7bé bik titof ;)