dimanche 28 septembre 2008

صرختان


من انت

و ماذا تريد من قريتنا

يامن دخلتنا مفرغا

الا من شهوة للقتل و رغبة

في الهدم

دخاتنا جائعا

عاريا

ليس عليك من الثياب

سوى الناسف من الاحزمة

ور قعة لوطن

سقط في الظلام

افترست عيون اطفالنا

و تعطرت بدمائنا

و غرست في ارضنا اشجارا من كره

ومضيت سهبا من نار تحرق ا حلامنا

ارحل

فلن نعود الى الخلف مرتين

مرة حين دخل و طننا الفاتحون

و مرة حين د خلت انت قريتنا


انا هنا منذ الف عام او يزيد

انا هنا منذ ان خانت الفرسان صهوة الخيول في قرطبة

انا من قبل سقوط الباستيل و من قبل ان اترثو انتم ركامه

انا هنا

منذ ان احرق طارق سفنه و صلبت الرجال في سجون المغول

انا هنا من قبل ان تتعلقو بلحية شي غيفارا و ترفعو صورا لم لقوم لم تعانق سنابل القمح الطيبة في بلدي و جوههم النتنة

و مدمت هنا دعوني اخبركم عن شيء بلون الهزيمة في عيونكم و بلون الخوف من مارد منتفض

دعوني اشرب نخب فضائحكم


انت هنا منذ الخطيئة الاولى

منذ ان امتدت يد الجريمة الى الانسان

انت قديم بقدم تخلف الفكر المتجذر فينا

ترونه بعيداو نراه قريبا

و ستسقط ورقة التوت

و ستخفق في قلوبنا

رايات الحضارة


عن اي حضارة تتحدثون و عن أي خمسين عام من المجد تتهامسون

فمااشبه نهجكم بحضائر الدجاج كيف لا و كلكم من حزب الديكة

تأكلون عهرا ..وتنمون عهرا و تسيرون على نهج الضياع

مأساتكم انكم لم تعرفوا من الكتاب سوى شكله

و لم تعرفوا من الفكر سوى اسمه

كانت هزيمتكم

للانكم عظمتم الغواني

و صفقتم للاصحاب المعالي

و تفوقتم في اسواق الجواري

انتم بقايا امة احترفت الخيانة

و صناعة الهزيمة

و الجبن و القذارة و الخطيئة الكبيرة

لطالما كنتم عاجزين

عن الوقوف على جبهات الجرح المفتوح

للحظة

كالابطال كالرجال



انكم تعودون

انكم في كل مكان

في بيوتنا و مكاتب عملنا و حتى في عيون اطفالنا

لكن لن تمروا

فاخرجو من جرحنا يا سبب بلائنا



نحن زغردة الجراح

و نزف الشهيد لحظة الارتقاء

نحن الحق يعد اجناده

و يعتد للموقف الفاصل

فدعنا نخبرك انك انت ومن معك لن تمروا


samedi 27 septembre 2008

تحت شعار اعلنت الحرب على عمار الصديقة -لينا بن مهني تخوض حملة شعواء ضد عمار وجه الفار

المقال في جريدة الطريق الجديد
و هنا في الموقع
عمار زعيم مليشية الحجب و المطلوب رقم 1 علا لائحة المقاومة في اصرار انو ينال من حرية التعبير و المرة هاذي شد في مدونة اك الزوز عشاق الي فاضين شغل سو و لينا فردة و لقات اختها و يحجبها ثلاثة مرات في فترة قصيرة

و العمل الجبان هذا خلا الاخت لينا تتكرز بالضبط و تشمر على سواعدها و تتفاضى لسي عمار و تشن عليه حملة برا و بحرا و جوا تحت شعار اعلنت الحرب على عمار و الي رفعتو على صفحات الفايس بوك

و لان الحجب يمس الناس الناس الكل و يهددها فان الحرب هاذي مهاش متع هالزويز عشاق برك بل حرب جميع العشاق الطواقين للكلمة الحرة و بما اني نعتبر نفسي و احد من هالعشاق الطواقين للحرية فاني نساند الاخت لينا و ننشر على صفحات مدونتي مقالها الي قامت بنشرو


Les internautes tunisiens sont maintenant très familiers avec ce message d erreur et ils sont allés jusqu a l imagination d un personnage imaginaire nommé Ammar les ciseaux de la censure en reference au conducteur du Peugeot 404 utilisé pour le transport de marchandise. Quand vous etes en Tunisie essayez d ouvrir youtube ou Dailymotion , vous allez tout de suite recevoir ce message d erreur .Vous
Vous voulez avoir des informations d El Jazeera.net ou Al Aarabiya.net , l Agence Tunisienne d Internet est désolée parce qu elle ne peut pas vous fournir ce service.Vous voulez mieux connaitre la vie quotidienne et les souffrances des Tunisiens a travers les écritures des Tunisiens sur des sites comme Tunisia news, aafaq.org , or nawaat.org, nous sommes encore désolés nous ne pouvons pas vous
accorder ce privilege. Vous etes un etranger en Tunisie et votre ami vous a passe le lien de son blog pour y jeter un coup d oeil, nous sommes desoles cela n est pas possible.

Les infos concernant la censure internet en Tunisie se propagent maintenant dans le monde entier specialement apres la censure du reseau social Facebook. J etais aux Etats Unis quand j ai appris la censure de Facebook dans mon cher pays.
J ai ete vraiment choquee par cette triste nouvelle.En effet, Facebook est utilise par des miliers de Tunisiens pour divers buts don’t le plus important c est le business et le travail et l un des deux operateurs de telephonie tunisiens y a lance une campagne publicitaire.
c est un site international qui s interesse au droit a l expression libre
Quant a moi Facebook a completement change ma vie ; il m apermis de rester en contact avec mes amis dans le monde entier, de retrouver des amis d enfance que j ai perdus de vue pour une raison ou une autre , de communiquer avec mes encadreurs et mes eleves, et d etre au courant des activites culturelles, sociales, et sportives dans mon pays ou outre mer. Et comme un malheur ne vient jamais seul ,
, deux jours apres j ai appris la censure de mon blog que je co-ecrit avec mon copin et la le choc a ete plus grand . Le symbolisme de ce blog est tres important pour moi ; c est comme si on a tue l enfant que j ai porte en moi et que je voyais grandir jour apres jour.
Ce jour la j ai passe toute la nuit a fouiller sur internet pour trouver des raisons convaincantesqui puissent expliquer l acte de la censure et voila ou je suis arrivee avec mes recherches minitieuses une definition des plus simples de Wikipedia : la censure est la suppression d un discours ou d une matiere de qui peutvent etre consideres comme objectionnels ,
interdits ou sensibles et cela selon la decision du senceur .Le raisonnement derriere la censure est different pour differentes matieres censurees.La censure peut etre morale comme dans le cas de la censure des matieres pornographiques, militaire dans le cadre du processus de proteger l intelligence militaire et les tactiques du combat des espions,
politique dans le cas des gouvernements retenant les informations secretes loin des citoyens dasn la logique d empeche la liberte d expression pouvant etre exploitee pour une rebellion, religieuse selon laquelle tout materiel s opposant a une croyance quelconque est supprime et finalement la censure d entreprise ayant pour but la protection des secrets des affaires.
Mais j ai decide d abandonner ces recherches virtuelles quand j ai trouve un article disant que de plus en plus de gouvernements sont en train d exercer un controle sur internet et que peu d entre eux sont prets a donner des explicatins et informations a leurs citoyens a propos de ce controle.
Il n y a pas un seul endroit ou on peut ,autant que citoyen, trouver des informations sur les methodes et les criteres selon les quelles la censure est effectuee et quelles sont les matieres filtrees par le controle d internet.le filtrage et la censure se font dans l ombre.Nous ( mon copain t moi)avons fini par decider de juste re activer le blogand continuer avec notre ecriture et de ne jamais b
ne jamais baisser les bras.
Par un mercredi 17 septembre j ai appris la re-censure du blog . La premiere censure a eu lieu un 21 aout ce que faisait une marge de moins d un mois .J ai encore une fois cogiter et reflechi pour trouver une raison pour cette censure car selon mes humbles connaissances une censure ne peut pas etre arbitraire.Et encore une fois j ai passe la nuit a lire et arelire les articles de mo blog dans l es
les articles de mo blog dans l espoir de trouver une reponse mais en vain . Quelques jours apres et suite a une discussion avec un autre blogeur et suite a la censure d autres blogs j ai fini par comprendre qu une annonce de la mort d un des manifestants de Rdeyef et Gafsa qui a cede a ses blessures par ballers tirees par la police tunisienne etait derriere la colere de Ammar et la censure du blog
Mais est ce qu un article est une bonne raison pour censurer un blog?Est ce que la transmission de l information est immoral ou est ce qu il peut toucher la securite de l etat?Nous avons decide de re-activer le blog une deuxieme fois. Mais en moins de 12 heures le blog est censure encore une fois.

Mais en moins de 12 heures le blog est censure encore une fois.
Mon blog n est pas le seul blog censure en Tunisie, la liste est longue.Rares sont les jours ou un nouveau soleil ne se leve sans la decouverte de la censure d un ou deux blogs.Astrubal, Mochageb, enne9ed, Samsoum, Pour Gafsa,Contre la censure, parole libre, race libre , etc sont tous passes par la case censure et re-censure9desolee si la liste n est pas complete mais elle est si longue que je n
mais elle est si longue que je ne ppas tout retenir.Mais le probleme c est que l oppression ne s arrete pas au niveau de la censure , elle la depasse pour atteindre l arrestation ,l interpellation,la torture, et l emprisonnement des internautes cela inclut les cas de Slim Boukhdir journaliste et bloggeur tunisien et Mohammed Abbou ecrivain sur internet et militant pour les droits de l homme .
Et encore une fois ma liste est incomplete.C est la realite d un pays qui se vante pour ses performances dans les domaines de la liberte d expressionet le respect des droits de l homme . Ou peut etre que je me trompe la liberte d expression n est pas un droit
:
.Pourquoi la censure ? Pourquoi les citoyens tunisiens sont prives de leur droit a l acces a une information neutre et vraie ? Pourquoi cette oppression ? Pourquoi ces attaques sur les mots libres ? Pourquoi cette tyrannie?Pourquoi les autres homes des autres pays ont le droit de s exprimer lors que nous ne pouvons pas avoir ce plaisir? Beaucoup de pourquoi qui attendent u
و تم نشرو في وقت سابق بالانقليزية في موقع دولي و هاي الحومة الي يحب يعمل طلة هنا
و تم نشرو اليوم على صفاحات جريدة الثنية الجديدة

و اختتم هذه التدوينة ببعض الاهازيج الوطنية التي لطالما صدحت بها جماهير النادي الافريقي في ملاعب هذا الوطن الغالي -قيرة و يا ربي ينصرنا ....الدنيا فانية و ما يبقى كان مولاها كيما نرفع لخونا عمار اعز التمنيات بهزيمة ساحقة و صا مدون صامدون
اما انشالله موش بوفردة و الا قلي اهوكة نتونسو جميع غادي هههههههه

vendredi 26 septembre 2008

مقومات المدنية في المجتمعات الجبرية2جمعيات التبندير في بلاد التنبير

مرحبا بيكم يا جماعة اليوم باش نحكيلكم على مقوم اخر من مقومات المجتمع المدني الا وهو الحياة الجمعياتية و الي ميقلش اهمية عن الاعلام في دورو بنشر الوعي المدني لدى الافراد و المجتمع و الي ايضا يعتبر مقياس هام و مؤشر في مدى مدنية المجتمع يعني انو مدنية مجتمع تتحسب بعدد الجمعيات و المنخرطين فيها
الموضوع هذا محبيتش نخوض فيه لانو مفرغ منو اما كزي يجيك وحيد و يبدى يبلفط فيك عناني و يقلك المجتمع المدني و الحياة الجمعياتية تشهد في تطور هنا برسمي و احد يفلقط
على خاطر الجمعيات الوحيدة الي رى فيها تتطور كان جمعيات الكورة و الريق البارد تو بالله جمعية كيما النادي الافريقي فيها عشرة الاف منخرط هذوما المعلن عنهم برك بخلاف انهم يدعيو انهم عندهم عشرة ملاين محب تي بربي منين جاتو المدنية هالمجتمع هذا
تو يا عباد ربي في فرانسا الي في العام تظهر 6000جمعية ذات اهداف محدودة يعني جمعية تأدي الهدف متاعها ومن بعد تتحل بخلاف الجمعيات الرسمية التي لا تحصى و لا تعد تي هيا البيلوت و عملولها جمعية لدرجة انهم معادش لا قين حاجة يعملولها جمعية
الجمعية و الحياة الجمعياتية نقطة هامة طرحت في حوار الشباب و تسائلت كبرات البلاد في براة الاطفال علاش شباب عازف عن الحياة الجمعياتية
الامر بسيط جداوهو تينوف باش يحاول يجاوبكم
شوفو ثمة زوز انواع متع جمعيات مهمين (منيش باش نحكي عالجمعيات الدينية او العرقية او غيرو فقط عالزوز و الي يتمشاو مع المعاهدات و الاتفقات و القوانين متع الدول يعني الزوز الي يكونو المقياس )
النوع الاول هو الجمعيات السياسية الي عندها اهداف سياسية و المنخرطين فيها يكونو ناس يحبو السياسة هذا في الغرب اما احنا ينخرطو فيها القفافة و اصحاب المصالح الضيقة يعني متعنيهش صفة الجمعية بقدر ميعنيه هو اش باش يدبر في الوقت الي ناسي فيه انو الجمعية تتطوع
النوع الثاني و الي موش موجود عنا هو الجمعيات المدنية و الي هيا بعيدة كل البعد عن السياسة و اهدافها الخدمة العامة على عكس النوع لول الي يخدم مجموعة معينة من الاشخاص و النوع هذا هو النوع المعني اكثر من غيرو بالجمعية و منتصورش كان باش يكون عنا منو النوع هذا على خاطر في هالبر كل شي سيسوه حتى الجرابع سيسوها و دخلوها في المقاربة الشاملة و ما حوجنا في هذا الوطن الغالي الى جمعيات الرفق بالحيوان
دونك ببساطة الجمعيات زوز انواع سياسية ومدنية
و الجمعيات المدنية يكون فيها القرار مستقل نابع من اتفاق مسبق من العناصر الي تمثل الجمعية هاذي و الدعم ينجم يكون حكومي اما هذا ميعطيش الحق للحكومة انها تدخل في سياسة الجمعية على خاطر التدخل هذا يأثر في النهج المستقل متع الجمعية و يخليها تحيد عن اهدافها
لكن في تونس نلاحظو انو ثمة تفاوت كبير في دعم الجمعيات و الي الدعم نورمالمون يخضع لعدة مقايس منها النشاط و عدد المنخرطين و غيرو لكن الدعم الحكومس للجمعيات في تونس موجود و الحمد لله لكنو ميخضعش للمقايس السابق ذكرها و انما يخضع لمقياس رؤساء البلديات يعني انتي و شيخة رئيس البلدية على خاطر تنجم تلقى جمعية فيها رئيس و شاوش و تصك في مليون منحة في العام و تعملك لك النشاط متع ذر الرماد في العيون يعني مثلا فلان باش يزور المنطقة هذيكة نقصد في مسؤول رفيع المستوى ليلة الزيارة يكريو جرار آلي و يعملو دورة في اك المنطقة و يلمو ماتيسر من العباد و يقدموهم لك المسؤول على اساس انهم منخرطين مع زوز تصاور من عام تسعين و هوما يعملو في حملة تنظيف و كلمتين باهين مضروبين بسفود من نوع مانفك و العناية الموصولة
الحاصل المسؤول الرفيع المستوى يبهم و يقلك اسمع ا سيدي هاو مزالت الناس الخدامة زيدهم منحة مدام يحبو يخدمو و هكذا دوليك
بينما تنجم تلقى جمعية يخدم في نفس الاطار لكن يختلف عن الاخر من حيث العناصر و الكم متع النشاط يعني السيد هذا امورو هانية مستوفي شروط المنحة الحكومية اما العزى تلقى رئيس الجمعية هاذي يبيع في الطابونة و الا الملاوي باش ينجم يوفر حق النشاط و نهار كامل وهو يكمبز و يحسب لين قريب يولي منظر اقتصادي و كي يجي يطلب منحة سنوية يقدمولو اك 200دينار و يقولو اسرح يولي مسكين يظطر للابرام عقود الشراكة و هنا اللطخة يا بوقلب على خاطر اغلب عقود الشراكة تتوقع مع البلدية و الي يسمع بلدية طول يتبادر الى ذهنو كرفي
وعلى اثر توقيع العقد هذا الي يتحول بمفعولو عناصر الجمعية الى عمال حضاير يبدى الاستغلال كل نهارت احد حملة تنظيف لين الجمعية هاذي معاتش تلقى وقت لنشاطها و عناصرها تطير عليهم النفحة بعد الي السيد في بالو جا لمنظمة كشفية و الا الهلال الاحمر يلقى روحو في مصب فضلات و هو هاو طاح عليه كوش هاو عفس على محروقات بشرية هاو درا شمنسخطة
منجمش نحكي على الوجه الثاني متع استغلال الدعم الحكومي للجمعيات و الي يمثل مساهمة رخيصة و خاصة اني و تجربتي الشخصية مكنتني من اني نطلع على نوع من الاستغلال هذا على كل ربي يهدي
زادة الجمعية معروف انها مفتوحة للجميع بمقياس الفئة المستهدفة يعني متخوش بعين الاعتبار الانتماء السياسي او الايديلوجي لشخص وترحمو من خلالها من النشاط
لكن في تونس راو عكس هكذا يقلك هاكة شيوعي و الا خوانجي متقبولش
الجمعية في اعلى هرم متاعها تخضع للانتخابات يعني باش يحطو اطار الجمعية ثمة اقتراع يقومو بيه اعضاء الجمعية لكن في الاسف في ربوع هذا الوطن الغالي رؤساء الجمعيات يتعينو و يتحطو حطان
و زادة حاجة غريبة تلقى منظمة شبابية شددها و حيد شباني ساق في البر و لخرى في القبر عقلية قديمة ميقبلش اراء الشباب و ميتفهمش حماسهم و انطلاقهم و روح المغامرة فيهم كش تحب السيد هذا يتواصل معاهم و ينجموا يخدمو
على كل التدوينة هاذي طوالة و باش نقص على خطرني نعرف انو اهداف الجمعية المساهمة في اعداد مواطن صالح و فاعل اما هالجمعيات المحنونة تمثل مركز اقليمي هام في انتاج مادة الطحين بشكلها المعنوي وزاد نعرف زايد الحديث

lundi 22 septembre 2008

المجتمعات المدنية في البلدان الجبرية 1الاعلام في بلاد اللئام كمثال

المشهد الاعلامي مقوم هام من مقومات المجتمع المدني و هو الي يعكس صورة المجتمع في الداخل و الخارج لكن المشهد الاعلامي الوطني التونسي بصفتيه المكتوبة و المرئيةو الى لحد الان منيش فاهم في انا تصويرة يعكس لانو وبساطة و انا نتفرج في القناة الوطنية مراش فرق كبير بينها و بين قناة اباحية رخيصة من الدرجة الثالة لا من خلال الشكل و لا من خلال المضمون بما انهم الزوز يعطيو نفس النتيجة من خلال انتاج مواطن مفلس فكري وخاصة نشرة الانباء الي تعمل 66كيف و الي تعطيك احساس غريب انك قاعد تتفرج في نقل حي موش متع مفاوضات سياسية او تنزلات اقليمية متع دولة لصالح اخرى و انما مفاوضات مبتذلة متع واحد بطال مع بائعة هواء باش ترفق بحالو و طيحلو دنوس

سامحوني على التشابيه المبتذلة اما الله غالب مقيتش حتى شي ينجم ينطبق عل الهم الي يسميو فيه قناة و طنية تو يا رسول الله كل ثلاثة شهور يعملولنا بركاج ابيض بالاشتراك مع اك التصاور متع الكهرباء و الغاز و الي تو نرجعلهم في وقت لاحق على خاطر الناس هذوكم كنت نعزهم قبل و نحبهم برشة و يعلم الله اما علاقتنا توترت ملي دخلوا بيناتنا ولاد الحرام و درا شكون مشالهم وقاللهم راو تيتوف عندو مفاعل نووي في الدار و الا يخصب في الاورنيوم في الفريجدار من وقتها دوزة فاتورتهم شنعت و تقولش عليا و ليت نخلص في عقوبات ايران تو يا رسول الله فاتورة ب80دينار للمرة الثالة على التوالي ياخي تحبوني نرجع نعيش عالشمعة و الا نعيش حياتي عازب ونتحرم من اروع رحلة في حياة التونسي الاوهي رحلة التكوين

تي ماكم قلتو سلكتوها باك الساعة و استغنيتو عادا خفو علينا شوية و الا انتم من الجماعة الي تستغنى تولي ا دزيد في الدوزا

عادا خممت في هالحكاية بيني و بين روحي قلت ما يكون كان عمار متع الحجب هو السبب أي نعم هو فد من الحجب وتكسير الراس هاو يحجب مدونة يطلعلو عشرة ولى اتصل بالستاغ و مدهم بالاسماء متع المدونين المطلوبين و طلب منهم انهم يركزو عليهم في الفاتورات لين المدون يفغم و يولي يتخلى على الحاسوب و الانترنات باش ينقص من كمية الاستهلاك الافتراضية

أي نعم الافتراضية على خاطر اك الفاتورة التقدرية الي يعملوها على اساس انهم يعرفو علم الغيب و مطلعين عليه و يعرفوا قداش انتي باش تتستهلك

و نتصور انو الستاغ تخدم فيها عند عراف كهربائي ولد عم العراف الروحاني اما متعاقد مع الستاغ موش كيما لاخر متعاقد مع الكنام

على كل طيش علينا من الكهرباء و الغاز و تو نرجعولها كان سي عمار متعداش على المدونة هاذي و نرجعو لموضوع المشهد الاعلامي

عادا قلنا الي القناة الوطنية مشكورين لوخيان الي يخدمو فيها على اساس المجهود الجبااااااااااااار و الخارق الي يقدمو فيه و ذلك من خلا ل البرامج العديدة الي تحمل صفة( اعادة) حسيلو وين نحل تلفزة سواءا ليلا او نهارا نلقى اعادة لين نشرة الاخبار و ليت نشك الي هيا زادة اعادة كيفاش منشكش و ماتلقى فيها جديد كان التصاور

و اللوغة هيا بيدها و الخطاب المقعور نفسو و حتى اك الاشكال الي يقدمو هوما بيدهم ملي عرفت التلفزة لا حبو ينقرضو لا حبو يموتو تقولش بلعاني حطينهم ثمة باش كي تشوفهم تجفل و تطفي التلفزة و هكاكة متفرجش في الاخبار

تي برا شوفو العربية و الا الجزيرة ساعة على ساعة يجبولك وحدة شقنوسة تهزك لقلب الحدث حتى تجي تبدل القناة صوابعك تعمل عليك حالة تمرد والكموند يقول فيها ووه و معاتش يخدم

اضافة الى الديكور الي يعطي للمشاهد احساس عميق بالارتياح و الثقة موش كيما الديكور متع قناتنا الوطنية الي تقولش مستوحينو من ضّبوط قرد ضاربو الايدز عفانا وعفاكم الله و الي من خلال هالديكور الي مجاش شي يمارسو عليك ضغط نفسي و بالتالي الارهاب و من موقعي هذا نطالب الو م ا بالتدخل العاجل و الفوري و تحويل مهندس الديكور متع تونس سبعة الى غونتنامو و محاكمته محاكمة شبه عادلة

على كل منيش باش نطول برشة و نتعدى لصحافة المقروءة الي كي تبدى تقرى في جريدة تحس بروحك في مقام حضرة من كثرة التنبدير و الصحافين هوما اعضاء الفرقة

و حقيقة من قوة مؤهلات الناس هاذم الي يسميو راوحهم صحافين في الضرب على البندير تدخل في حالات تخمر و تبدى من اك التنبدير الي تقرى فيه تتخيل روحك في فرانسا و الا دولة متقدمة

و منحكيوش عادا اذا دقك ربي و حليت صفحة السياسة و ين ثمة قمة الموضوعية و الحياد و الي تقولش عليك قاعد تقرى في حكاية على عركة في حمام النسا من خلال كمية المقذوفات اللفظية و نتصور انو الصفحة هاذي موش صحافين يكتبو فيها و انما فصايل ملقطين من حومة بوسلسلة و الا الحي دونك ميلزمش باش تكون عندك شهادة حتى تتمكن من الكتابة في الصفحة هاذي يكفي انك تعرف تسب مع ماعون الخدمة الي يعلمهولك مولى الجريدة من عبارات تخوين و تخونيج و تقزيم لطرف الاخر

اما في صفحة الحوادث حدث و الا حرج يا رسول الله ميزيش احنا حتى في الجرايم متاعنا متخلفين و كمل يجي صحافي بنادري للحادثة و ميعها و يردها حكاية و قاوق تو مثلا حادثة اغتصاب ماو كلمتين و سيب علاش تنورتها الحمراء التي التصقت بجسدها و كشفت ثمار صدرها المكتنز.............

بجاه ربي ياخي واحد شاري جريدة و الا فيلم بورنو و السيد هذا منين ليه ياخي معاهم ساعة الجريمة ثانيا شحب يقول و شنوا الميساج الي يحب يوصلو بصراحة انا عندي تصور شحب يقول السيد اما منحبش نقنع روحي بيه على خاطر كان طلع هالحيوان يخمم بالطريقة هذيكة حقيقة كارثة و عالدنيا السلام

والا من كثرت الاغتصاب و بالتالي المادة الخام توفى معاتش تلقى نحويل وجهة اتثى تولي تلقى تحويل وجهة حمار بعد الي بنات تونس الكل اغتصبوهم حسب الجرايد دونك دوروها حيونات

صفحة الرياضة هذيكة مذبيك تكون لابس لكاسكة وانتي تقرى فيها لانو مثمة شي فيها عندو علاقة بالرياضة الا اسماء النوادي بعد الي تقولش عليك قاعد تقرى في نص تاريخي متع و قائع الحرب العالمية الثانية و الا الحروب الصليبية و ذلك من خلا ل حضور المعجم الحربي الي طاغي على جل المقالات الرياضية و الي يخليها تتشابه لدرجة انك تتصور انو ثمة قالب جاهز الناس الكل تكتب بيه كيما احنا كنا نعملو في التعبير الكتابي و قت نوفاو الموضوع بعدت فرحا مسرورا

و هاي الامثلة باش تقولش ينبر

ولقد تشبث اصحاب الارض بمركزهم ............و تمكنو من تحقيق نصر ساحق و تشتيت الصفوف الخلفية لنادي..........

كماان الن.................لم يقف مكتوف الايادي بل ركز على الهجمات المرتدة و خاصة على الجناح الايمن و الايسر .........امام الهجمات المتعددة ظل دفاع .......صامدامؤمنا بحظوظه في الانتصار

تره نحطوه في اطار عسكري في الحروب الصليبية

و لقد تشبث اصحاب الارض بمركزهم و تمكنو من تحقيق نصر ساحق و تشتيت الصفوف الخلفية للصليبين كما ان الصليبين لم يقفوا مكتفوي الايدي بل ركزو على الهجمات المرتدة و خاصة على الجناح الايمن و الايسر و امام الهجمات المتعددة ظل دفاع المسلمين صامدا مؤمنا بحظوظه في النصر

بجاه ربي ياناس يلي تسميو في روحكم صحافين ميسالش اهبطو من برجكم العاجي اما ردبالكم ليهزوكم لبرج الرومي

على كل هذي نقطة النظر متاعي و هذا الراي متاعي و ميعكس حتى راي اخر

و المرة الجاية نشالله باش نحكيو في مقوم اخر من مقومات المجتمع المدني و الي ميقلش اهمية عن الاعلام و هو العمل الجمعياتي

و بصراحة حكاية الرومنسية هاذي مهاش ماشية لانو نشوف ثمة حاجات اهم باش واحد يحكي فيها موش من باب انو لا صوت لا يعلو فوق صوت المعركةبالرغم اني الي الحد الان منيش فهما المعركة هاذي شنية و منيش ناوي باش نفهم للانو وبساطة وحسب تجربتي الحياتية المتواضعة لاحظت انو كل انسان حاول يفهم يا انتهى بيه الامر في قلبو يا في الرازي و هيا تو فرق عليا الحضبة راي التريبولات خدامة و المرة هاذي بدلتلكم اللستيك متاعها بسترينغ هيفا و هبي هههههههههههه قالو يشيع الحجر اكثر على هذاكة ننصحو الاخوة في فلسطين باستعمالو هههههههههه

vendredi 19 septembre 2008

مغامرات تيتوف الوردية

في رحلة البحث المعقدة و المستمرة عن تيتوفا من عادة تيتوف انو كل مايلتقي بفتاة في جلسة حوار او عمل انو يطلق على اللقاء اسم و الاسم يختارو من المعجم العسكري على غرار عملية عناقيد الغضب او ثعلب الصحراء و غيرو في انتظار انو يلقى تيتوفا الاصلية
على خاطر حاليا منتصورش كان تيتوف باش يحقق انجازات او مكاسب على الجبهة بسبب ظروف يطول شرحها و مهوش لا المكان لا وقت المناسب باش نخوض فيها يكفي انكم تحطو في الحساب عامل الحديد و ارتفاع اجور اليد العاملة في حضاير المرمة
المهم المرة هاذي تيتوف حضر روحو لعملية جديدة و اخترلها اسم محلي عملية الوعد الصادق نسبة للعملية متع اللوخيان في جنوب لبنان لانو وكما يبدو الطفلة مختلفة برشة عالمنتوج المحلي الخام متع لا لتسريب الرمال و عاري اكثر انفتح اكثر
و بالفعل بدى تيتوف يعد في العدة من رباط الخيل و الكلمات المنمقة و التكتيكات المبتكرة لانو وبساطة تيتوف يكره الكلاسيكيات في تعامل مع الجنس الاخر و يرفض انو يستعير من المعجم الوطني التبزنيسي المبتذل
ومنساش انو يتعدى عالتليفون و يقوم بتغير بعض الاسماء على غرار سلمى الي تحولت الى عبد السلام من غير جراحة و انما بقدرة تيتوفية ههههههه
و بالفعل تمت عمليات ما قبل اللقاء بشفافية عالية وبتركيز و تمعن كبير لانو ملازم شي يقعد لصدفة و اذا فشل البلون ا يتم بصفة اتوماتيكية الالتجاء الى البلون ب و اذا فشل ا ايضا نتعداو للمبعدو وهكذا دواليك لين نتعداو عالابجدية الكل
و الموعد كان يوم الاحد بطلب مني لاني بساطة نتشائم منو السبت و نعتبرو نهار نحس بالظبط
لكن يبدو انو تيتوف معملش حساب لعامل الظروف متع الهدف أي الانسة و الي اتصلت بيه في وقت متأخر من ليل باش تعلمو انها مغادرة نهارت الاحد مع العايلة باش يحضرو سابع متع ولد خالتها و بالطبيعة حكاية كيما هكة تيتوف ميعمللهاش حساب و لانو وبساطة في بالي كيما الناس الكل السابع في شهر نوفمبر و مزلنا بعاد و بذلك طلبت الانسة انو الموعد نقدموه ليوم السبت وهكة تيتوف ملقاش قدامو خيارات برشة الا انو يذعن للقدر متاعو ويكون من اصحاب السبت
و اختار انو يغير اسم العملية من عملية الوعد الصادق الى عملية امطار الصيف و بما انو كل عملية عندها خصايصها و و استراتجياتها فانو عملية امطار الصيف تختلف برشة عن عملية الوعد الصادق الي تركز على الحوار و المركزية على عكس عملية امطار الصيف الي تركز على عامل المكان و الهجمات المرتدة و اللعب المفتوح و بذلك كان عامل الأرض او لوية في حسابات تيتوف و الي مقاش مشكلة في تحديدو لانو بنزرت الى جانب انها تمتاز بالزبلة في كل بلاصة و الريادة في تصنيف أقذر مدن قز درية في العالم رغم المجهودات الكبيرة الي تقوم بيها البلدية و الي مكنتها من حصد عدة جوائز في النظافة و العناية بالبيئة مشكورين لوخيان ربي معاهم عادا قلنا الى جانب هاذي القذارة تتميز بنزرت بوفرة الاماكن الرومنسية المطلة على البحر رغم انو البحر تظلي الريحة تلعلع بالمحروقات البشرية الي تصب فيه اما اش باش نعملو شد خشمك بمقراص و اقعد و على هذاكة عملية امطار الصيف خذات بعين الاعتبار العامل القاسي هذا و بذلك مركزتش في الاستراتيجية متاعها على الحوار بقدر مركزت على المكان نفسو نسمة وبحر و غيرو من الاجواء الرومنسية
هيا تعاداو الايام و جاء اليوم الموعود و بما انو الطفلة متحصلة على الاستاذية في الاقتصاد كان على واجب على تيتوف يظهر الجدية متاعو يبعد كل البعد عن الملابس الرياضية الي تحمل ايحاءات ايدولوجية او غيرو و اختار السورية و السروال قمارية رغم انو كان يحس بعدم الارتياح و ذلك بسبب كرهو التاريخي و الجغرافي للبزاة و اصحابها للانو بصراحة مهردو العالم كان التصاور هذوكم
و كذلك كان على تيتوف انو يتلز الى استعمال العطور الامريكية وكان مع كل طشة يشعر انو يطش في الدم الفلسطيني على روحو و مع كل استنشاق كان يستحضر في رائحة احتراق بغداد
على كل منتطولش عليكم
غادر تيتوف الدار و انطلق نحو الجبهة و كلو تطلعات بريادة و تحقيق مكاسب و انجازات تمكنو انو يتفاخر بيها و ترقى بيه لمصب القائمين و المنظرين لمثل الانواع هاذي متع العمليات
هيا وصل سي تيتوف للمكان المحدد و تعمد انو يتأخر عن الموعد لانو من خصايص عملية امطار الصيف تعمد التأخير و بالمناسبة هاذي عملية امطار الصيف عملية عسكرية قامت بيها قوات الاحتلال في مدينة غزة الصامدة و كان من ميمزات العملية كونو كانت رد متأخر على عملية اسر جلعاد الي عملوها لوخيان في حماس و الي جرت هالجربوع الي مجى شي لا من الشكل متاعو ولا من الرتبة و المضمون ماتو برشة ناس و دمرت مدينة كاملة و العملية هاذي مدامنا في باب العمليات تختلف برشة على عملية الثعلب الصحراء الي تقتضي التبكير في القدوم و الانبطاحية في الاداء و سياسة اللف حول الهدف و تحين الفرصة المناسبة للانقضاض
على كل و صلت للمكان الي كان يمثل مقهى مختلط في الميناء القديم او القصيبة كما يحلو للبعض تسميتها و ماكدت ندخل حتى ريت يد تشاورلي تلفت خلفي للانو منكذبش عليكم الانسة الي شاورت ممكن اول مرة نراها قلت بلكش وحدة خاطية تشاور على واحد اخر ورايا و لكن الانسة ابتسمت وقتلي
تي شبيك تيتو ههههههههههههه
ايواه بديناها بالتهنتيل و باش نقللها معقلتكش موش معقول نتيجة غير محسوبة
تيتوف يجبد كرسي
_السلام عليكم ...شحوالك عواطف
_لباس هههههههههه لباس هههههههههه شبيك يا خي معرفتنيش ههههههه
تيتوف بينو وبين نفسو
ايواه وقيل الطفلة قارية كتب متع عمليات و قاعدة تمارس في عملية الوعد الصادق الي قايمة كيما قلت عالمركزية دونك لازم الانتقال الى المخطط ب و عملية الشتاء الساخن الي تنجم تاقف في و جه العملية هاذي
تيتوف _لا عواطف ..جيست تلفت
عواطف _ههههههههه هيا باهي
منعرفش علاش المرة هاذي كانت مغايرة عل المرات الي التقينا فيها لقاءات عابرة و سريعة
على خطرني نعرف شعرها اكحل نلقاه بلون لتو مفهمتو بالرغم انو اختصاص عملي في الالوان
و عمبالي عينيها شهل نلقهم زرق الحاصل حتى باش تقول كلمة غزل توحل للانو هاو مثمة شي من الدار كولو مركب ميجيش تو صف شعر الناس و الى عيون مزيفة
تيتوف _هالشانطي الي حالتو في روحك يا بنتي يا خي في بالك ماشين باش نكتبو الصداق و الا تموه في القوادة و الصبابة
عواطف تبعد شعرها بيدها على كتفها في حركة مفاجئة يحفظها تيتوف و تخليه يبتسم ابتسامة سا خرة من الحركةالكلاسيكية هاذي
عواطف_ههههه عجبك اللوك الجديد
تيتوف يهز حواجبو في استغراب
_لا موش حكاية عجبني و الا معجبنيش انا نحبك تكون كيما انتي على خاطر في لخر الي باش يهمني بدرجة اولى هو الطاسة الي تحوص بيها شفيها
عواطف شنية الطاسة ؟؟؟؟؟؟؟؟؟؟؟؟؟؟؟؟
تيتوف _ مخك
عواطف بضحكة
ههههههههههههه مابلدك يا تيتوف
هيا احنا هكاكة و يقتحم علينا القعدة بياع الفل
بياع الفل
_ السلام مسيو تخوش مشموم فل
تيتوف_و عليكم السلام لا مستبرد خويا
بياع الفل و يبدو انو مصر و الحمد لله انو من ضمن استراتيجية عملية الشتاء الساخن طريقة لتصدي للاشكال هاذي
بياع الفل با هي شوف الانسة تخوش
تيتوف _ معندهاش صرف خويا
بياع الفل ميسالش نصرفولها قداش عندها
تيتوف ببرودة دم عندها 100فرنك
بياع الفل يوخر في اشمئزاز لتالي و ينطق و يتمتم بكلمتين مكبتيت منهم كان حرفي ال"ز"و ال"راء"الي يكونو متواجدين في كل شهادة شكر يقدمها التونسي لخوه التونسي على اثر فعل تكريزي او تهنتيلة
عواطف تتطرقش بالضحك
الزح قداكش بليد يا تيتو
تيتوف _ميسالش ماو طعيتلي محمد
عواطف لواه
تيتوف يذبل عينيه و يحاول انو يفسكي لقطة من فيلم الوسادة الخالية متع شادية و عبد الحليم و قت عبد الحليم قال لشادية نفسي اسمع الزاي بيطلع اسمي مابين شفيفك الحلوين و بالفعل تم اختيار اللقطة و تمريرها الى برنامج الترجمة من اللهجة المصرية الى اللهجة التونسية
تيتوف يعطيها حقها
_ لا نحب نسمع اسمي كي تنطق بيه وحدة في زينك شهوة عازب يا رسول الله و الا كان انتم الصبايا تشتهاو قالو شهوة بنت بكر
عواطف _هههههههههههه با هي تيت.........محمد
تيتوف يدعي انو اطرب
_يااااااااااااا محلاه اسمي خارج من فمك
_عواطف لا محمد هذاكة اسمك حلو
تيتوف
_ يعيشك (وبينو وبين روحو كان حبيت حتى هذاكة اسم الرسول و الا ناويا تهدرلنا دمنا )
عواطف(وملامح الجدية علا وجها ) قلي تيتوف ياخي موش في بالي بيك خاطب
تيتوف يتفاجىء و يتراجع الى الخلف
_ أي و انتي منين ليك و الا شكون المأفون الي قالك
أي نعم يا للا كنت خاطب بنت عمي تعيش في الخارج و بطلت
_ولواه
_تيتوف بنبرة ساخرة
_خفت لولادي يطلعو معاقين ههههههه اما هاو باش نحكيلك شوف يا للا(..................................................)

على كل يا جماعة منتطولش عليكم للانو ثمة حاجات متخصنا كان احنا الزوز (مهاش الحجات الي في مخاخكم هههههه
المهم حكينا في كل شي و حتى شي و مبدئيا الانطباع عليها طيب طفلة مثقفة و متربية و بنت عايلة و تمكنت من المرور من الدور الاول في بطولة لقب تيتوفا

vendredi 12 septembre 2008

الرسالة7 الصيام في بلاد اللئام...وعودة المدون تيتوف تحت جنح الظلام

بعد عشرين شيشة و اربعطاش ترح شكبة و الف ترح رامي و الفين بيلوت قرر المدعو تيتوف العودة الى عالم التدوين لكن هذي المرة من حومة اخرى ولكن العودة هاذي باش تكون بعيدة عن الدين و السياسة موش من باب الهروب او حكاية اخرى و لكن اكتشفت مدى عبثية الصراع مع الناس هاذم الي في نهاية الامر باش يتصيرو في الجحيم و ينتهيو الى منتوج تونسي رمضاني اسمو طاجين ملسوقة و الا فريكاسي و الا يعملوهم قلايا هذا ايذا سلكوها دونك كونهم يسلمو يعبدو ربي يعبدو حكة جلبانة امورهم منيشباش نتحشر معاهم انشالله اما نشاالله نهار اخر يسمعونا طولة السان متعهم و ثانيا نتصور الي النخبة الموجودة هنا و كمايحلو لقاسم تسميتهم بزبدة تونس مينجمو يكونو كان فيراج متع نبارة مع عجزهم عن بلورة مشروع و طني واضح المعالم دونك انا هالبر معاتش يعنني يعلبوكم في حكك كالسردينة و يصدروك لصومال ...يزرعولكم بلادكم زطلة ونفة ......يبعوكم وفقة لدولة شقيقة حاجة متخصنيش يقول القايل شلزك يا تيتوف تكشف في شخصيتك الي لزني هو البريد الالكتروني الي تلقيتو من عند الاخت الفاضلة و الي تقول فيه يا تيتوف كشفنا خداعك بربي يا للا وين ترى فيه الخداع بلكش وعدتك بالماخذة و جبت بيك و الا داعبت كبتك العاطفي بجواب مسوقر ومن عبد اكتشفت انتي انو الجواب هذا موجه لوحدة اخرى على كل انا منيش مطول و نحب نقول الي الناس الكل تعرف الي تيتوف صاحب المدونة هاذي و الي عندو ريح يذر عشرة و بالنسبة للاشعات من قرصنة و غيرو وتيتوف و عمروش حاكم و كلام التراكن اهوكم تصاوري في الفايس بوك يا سي الناقد مذبيا تو انتي كان تكشف شخصيتك خلي نعرفو الي انتي موش حاكم و عيب عليك راو كلام التراكن موش خارج عليك و انا مسؤول عن كلامي و منيش متخبي ورا شخصية افتراضية بالنسبة لجماعة الي متخبيا و را شخصية بخار انفاسي يعطيكم الصحة عرفتو توجهو الضربة و استغليتو الحماس متاعي لكن عن قريب نشالله نكشف اني برىء من عملية القرصنة وهيا تو تفرقو لنجبد التريبولات و نبدا نضرب فيها عاري و لا بس حقا نسيت الى انا وليت رومنسي هههههههه تفرقو وهاكم كل واحدوردة

اصدمو ان الله مع الصادمين

قطع قطع

معا للقضاء على الطحين الافتراضي

شكرا لناس الي سئلت عليا


mercredi 10 septembre 2008

الرسالة33

من أنت

و تضحكين في دلال....و يشرق وجه السماء

وتتساقط حبات المطر لتغرق في روعة تقاسيم وجهك

و تزدادين حسنا

و ازداد أنا احتراقا

و تسألين

من أنت

أنا يا حلوتي الصغيرة ذاك التائه فيك

الذي شيعوا جنازته في كفيك

و نسوا أن يدفنوا وجعه

أنا آخر المجانين

الذي لزال لم ييأس بعد من العثور عن قصيد غزل يليق بمقاس الجمال فيك

عزيزتي

الحلوة

اعترف امام البجر المتزين بكحل جمال عينيك

وامام شعاع القمر المتساقط خجلا من بهاء الوطن المرتسم في وجنتيك

انك ابهى من كل النساء

و اكبر من كل الكلمات

وانك الياقوت و المرجان والفردوس الموعود

اعترف

أنهم حين سألوني عن اسمي دونما ادارك نطقت اسمك

فضحكوا ساخرين و قالو مجنون كان الله في عونه

ودعوت ان لا يكون الله في عوني

حتى لا اشفى من من جنوني فيك

الرسالة10

ليتني كنت بحارا

فأبحر في بحر عينيك

دونما أشرعة

................

سأمضي مبحرا

في عينيك

اسرق منهما

الدفىء

للفقراء

..............

ليتني كنت شعاع وطن

يحيط بك في شغف

و يعانق

امتداد الحنان

في كفيك

ويزرع على وجنتيك

وردة

وقبلة

.........................

دخلت مدنك ذات ربيع

و لازلت تائها فيك

في وجهك

في كلماتك

.......................

فستنك الاسود الانيق

وترياق الحياة

وصراخ المعجبين

و الاحمر القاني

يشبه

زغردة العاشقين

لحظة الانتصار

..............................

عند مفترق التيه

وقفت

صامتا الا منك

عاجزا

الا من ذكراك

يوما ما سترحلين

الى حضن فارسك الامين

فمكانك قصور السلاطين

ولن تبقى سوى الذكرى و الحنين

حينها ستذكرين

انه في ما مضى

عاشق

تتطاول على السلاطين

و سرق من عينيك النار

للفقراء والشحاذين

.....................

دخلتك مفرغا

فملأتي اقداري

قطفت لي من السماء النجوم

وزينة ضحكات الزمان في شفتيك

دروبي

jeudi 4 septembre 2008

الرسالة14


صباح اليوم استيقظت من حلم ممتع

الليلة ككل ليلة داهمني و جهك في احلامي اسعدني ان اراك كالبدر الوضاح و كعقد من النجوم يزين صدر السماء

نهضتعلى غير عادتي مسرعا من فراشي و عانقت عيناي صورتك و امتزجت بنور وجنتيك فانطلقت تنشد للحياة لحنا ضاحكا مقسما ان لااعيش لغيرك

لا ادري منذ متى و انا احيا للاجل جمال عينيك و غالب الظن اني اهواك منذ ان نسوا ان يضيفوا اسمك في شهادة ميلادي

لان ما اكنه لك اكبر من الحب اكبر من مجرد كلمات عابرة اخجل مما تخط يداي فانت انا و انا انت لا يفصلني عنك سوى الجسد

كم قاس يا عزيزتي الحلوة انت تتورط في شيء لا يخصك ان تراه كل يوم يفلت من بين اصابعك وانت عاجز عن امساكه

قد ادفع من عمري صدقيني مقابل ان انظر في وجهك فقط

ولو نظرة عابرة

mercredi 3 septembre 2008

الرسالة37

رائعةانت كقطرات الندى تنساب في خيلاء بين ثنايا الورود ووجهك المشرق كقرص القمر يغازل في حياء دلال الوطن

كنت اشعر بك تنبضين داخلي وكنت ادرك انه حلم سينتهي الى كابوس وسيتساقط على دروب الطريق كأوراق تشرين

قدري ان احب امرأة تشبهني ولا ادركها ان ابتسم مكابرا امامي عجزي و امضي مترنحا بين الحان قيتاري

ثمة لحن حلو يدعى لحن الوفاء و هو لحن انقليزي رائع لا ادري ان كنت تعرفينه و قد ابتكره احد الانقليز حين عزفه امام حبيبته ليلة زفافها و منذ ان عرفت العزف كنت اكره هذا اللحن و اتحاشاه و لكني عزفته ليلة امس عزفته مرات و مرات حتى تورمت اصابعي

احاول الفرار منك احاول الابتعاد عنك لكن ما بداخلي اكبر مني و اكبر من ان يكون لي قرار

سا عدني كي اشفى منك فانا مدمن عليك اكثر من أي شيء ............

حين امضي مبتعدا في غياهب الذكرى والنسيان و لا يبقى مني سوى طيف يتيم يترنح في يأس كما الهذيان حينها لربما تذكرت سحر تلك اللحظات و انك كنت لي وطنا

اتدثر بنوره سا عات الضياع

ما ينتظرك سيعوضك

عن الحب

والكلمات

و اجزاء الحلم المبعثر

سأمضي موغلا في مدن الضياع السحيق

وهناك سأخط

اسمك في كل مكان

و سأرسم بالكلمات وجهك الملائكي الغائر في اعماق

حتى تعرف كل حارة عنك

ويلهج كل قصيد باسمك

لا تطلبي من ان انساك

فنسيانك كما نسيان الوطن خيانة

لا تطلبي مني ان اكف عن حبك

فحبك ترياق حياتي