jeudi 16 octobre 2008

هل صار فتح صفحة تونزي بلوغ اشبه بفتح صفحة موقع اباحي قبل متعملو حملة للحرية التعبير افهمو شمعناها حرية

خدمة الانحلال الاخلاقي اضغط هنا وستلاحظ النجاعة

عندي مدة تو قبل منحل صفحة تونزي بلوغ نتلفت قدامي وو رايا نشوف تلقاش امي و الا اختي و الا حتى فرد من عايلتي بجنبي تلمون الي المستوى الاخلاقي انحدر للهاوية و اصبح استعمال الكلام البذبء السوقي عادة يتغاضى عنها الجميع
الاشكالية ليست في سب الدين او الشتم المعتقد او حتى مقارنته عز و جل بعبارة و ضيعة فالله اكبر مما يصفون كبرت كلمة تخرج من افواهم ان بقولوا الا كذبا
و لكن الاشكال في الامر هو ان بعض هؤلاء عندما عجزوا عن اسماع صوتهم و ايصال افكارهم القادمة من وراء البحار اتخذو من اساليب القذف اسواها و انطلقو يتلونها على مسامعنا
سيد علاء انا هنا لا اتهجم على شخصك لكن دعني اسألك و اجب بصراحة
ماذا لو كان في تونزي بلوغ فرد من اسرتك امك او اختك لنتفرض ذلك و اجبني بصراحة هل ستكتب ما كتبت
ثم انك و حسب ما علمت و حسب ما تباهيت انت به انك حامل لشهادة عليا يعني متنور و الحمد لله وجاي لهنا باش دافع على قضيا يا بوقلب بكل ما تملكه القضية من ابعاد و تشكلات
اما جيتك بجاه ربي تنورني شنية القضية الي يدافعو عليها بالنص اللوطاني و الاعضاء التناسلية
و شنو ربحك كي مدونين تهج من تونزي بلوغ كيما صار مع سمبادي الي امو قرات السبان في تونزي بلوغ و ملقى مايقول المسكين و كي قال موش معقول كلاتو المتراك

mardi 14 octobre 2008

اعترافات صباحية

الناس الكل تتبدل ..عادي تلقاه ناصب بوعودو و احلامو واخلاقو في نصبة قدام مطار …ميهمش شكون يشري …..ميهمش

ارفع راسك فقد ولى عهد الاستعمار....... منعرفش وين قابلتها هالحكاية …ممكن عنوان مدونة في سوق المدونات…الي تصرخ و تصرخ و من بعد يجي عمار يهزها بمشطة و يخلي مولاها يعوم في الناشح

قوم يا عبد الصمد العدو عل الابواب برا و قفهم

مزالو بعاد يا امي خلي نرقد شوية و كي يجي خويا دافيد تو نهز الكرهبة ونمشي نحكي معاهم هيا طفي الضو خلي نكمل نرقد

يا لولاد جيبوها مثماش لعب درابو البلاد في اللعبة و الامال الكل معقودة عليكم حكاية فارغة تاك تاك كورة في الشبكة عل الاقل فرحو الزوالي و انتي من غادي سمعني حماة الحمى ...........و متنساش تتعدى للجامعة تتقللهم كان غدوة ميصبوش البريمات نسيبو الترح

تخلويض ..كلام فارغ ...............معندوش حب و وحلها ......كنتروه قللهم نسخايلو ديناري سامحوني...زعمة شكون اقوى اللص و الا الروا...و القصّة ذبان ولات تسكت قّصّة حب

سمحني خويا.......... العباد الكل تطلب في السماح .........سمحني نتعدى سمحني نتكلم...... سمنحي نقطع شعري و عروقي ........مدام الكلام بلاش خلي نتكلمو قبل ميعملولو تعريفة و معاتش احرار

احرار ايهههههههههههههههه كلمة كبيرة…. وقتها موش وقتها…… زعمة الحرية شنية ..زعمة كي تقول حاجة متعجبهمش متركحش فيك المشطة …ميقوللكش يا خوانجي .....و الا يا كافر..... و الا يا بهيم .....اسكتو منين تعرف منو انتي

كلنا نحبو نعرفو …ومناش عارفين كش نعرفو ..نحبو نعرفو الجن الازرق وين خبى اولادو ..نحب نعرفو احنا علاش هكة و الي يتعدى يحط فينا ساق ..نبحبو نعرفو علاش عكا تعاني …علاش العراق احتلوه ….علاش ..علاش.....الناس الحلوين الي نعرفوهم ميقعدوش …

و يمشيو …و يبعدو و الدنيا تجري

و العباد الكل تجري الي رابط خبزة ورا ظهرو ويجري قالك يزي ملي جرينا ورا الخبزة خلي هيا تجري و رانا .....و الي يجري هارب ..بربي خويا لحظة …..شارع الحرية يخرج……سمحني منيش من هنا اما الشوارع الي في بلادنا بلاد البرد الكل تخرج

على هذاكة مكش تجري هارب

هارب من غدوة

من كلام المرا المرزي

من فاتورات العطار الموش الخالصة من قصة قديمة

من روحك

هاو قالك يبني في مستقبلو وفى عليه الياجور و لاخر جا يصب في طموحو غلاو عليه الحديد قعد هكاكة ديكابوتابل عريان

كلنا عرايا موش هاذي المشكلة المشكلة انو منعرفوش نتغطاو نتغطاو بمتع غيرنا و المتغطي بمتع غيرو ديما عريان

حتى دوا الفار معاتش يقتل وحدة في الحومة شدوها متلبسة بقصيدة بعثهلها حبيب القلب خرجوها من القراية و حصروها شربت دوا الفار ….صتاعة تونسية …سلعة مرهدنة مغشوشة…تذوق الموت و متموش ..هزوزها دارهم لسبيطار و من بعد متحسنت و روحت قتلوها ..مفهمتش علاش…..و نتصور منيش باش نفهم …كيما مفهمتش علاش انت عملت هكة……….و علاش ………زعمة استبلاه وسوء تمركز وتراكم الاخطاء الدفاعية

المهم ثمة حاجة تبدلت

اليمين تبدل و اليسار زادة تأثر بالتغيرات المناخية متع اليمين

vendredi 10 octobre 2008

الرسالة 24 اهرب منك اليك

تسألني أوراق تشرين و قد بعثرها الخريف في عبث على وجه الرصيف الملتحف بحزن هذا المساء عنك

تسألني قطرات المطر المنحبسة عن مدينتنا منذ رحيلك في شوق

هل ستعود ؟؟؟؟؟

يسألني قلمي و على شفتيه ابتسامة مرتجفة

ماذا لو لن تعود؟؟؟؟؟ماذا لوطاب لها الرحيل ؟؟؟؟؟

حينها ستتوشح الشمس بالعزاء و سيمضي القمر مرتحلا الى مدن السراب و لن تمطر السماء على مدينتنا و سيجف الزرع و ستعرف مدينتنا الجوع

تلك الرائعة التي طالما استترت منها الشمس وراء حجاب حتى لايطفىء صفاء النور المنبعث من عينها احتراقها

تلك التي تركتني وحيدا الا من ليال حبلى بالعراء

تلك التي عجنتها الملائكة من طينة الطهارة ومسك الورود

تلك التي جعلت للعالم معنى و للانسان قدرا

لن تكون .........................

لكني لا اريد ان اشفى منها و لن تحتضن قدري امراة غيرها

الاسلام دين كرم المرأة وحفظها

ان الاسلام قد ساوى بين المرأة و الرجل في اصل الخلق وجعل المرأة من نفس الرجل حيث يقول عز وجل (يَا أَيُّهَا النَّاسُ اتَّقُواْ رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيرًا وَنِسَاء وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيبًا) ? النساء:1 ?
و في الاعرافهُوَ الَّذِي خَلَقَكُم مِّن نَّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا ? الاعراف:189 ?
وكذلك ساوى الاسلام بين الرجل و المرأة في التكاليف الشرعية الصوم و لصلاة و الزكاة و الامر بالمعروف و النهي عن المنكر كما سواى بينهما في الجزاء و الثواب حيث يقول عز جلاله
(مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ )? النحل:97?
وكذلك اكرم الاسلام المرأة بالميراث رغم انها كانت محرومة منه في الجاهلية و الذي كان لا يصح الى للذين قاتلو على ظهور الجمال و تقول الاية الكريمة
( لِّلرِّجَالِ نَصيِبٌ مِّمَّا تَرَكَ الْوَالِدَانِ وَالأَقْرَبُونَ وَلِلنِّسَاء نَصِيبٌ مِّمَّا تَرَكَ الْوَالِدَانِ وَالأَقْرَبُونَ مِمَّا قَلَّ مِنْهُ أَوْ كَثُرَ نَصِيبًا مَّفْرُوضًا )? النساء :7?
و كذلك لم ينسى الاسلام حق المرأة في التعليم فخاطبها من نفس الرجل
( وَقُل رَّبِّ زِدْنِي عِلْمًا ) ? طه :114)
كما أوجب علي أمهات المؤمنين أن يعلمن ذكورهن وإناثهن (وَاذْكُرْنَ مَا يُتْلَى فِي بُيُوتِكُنَّ مِنْ آيَاتِ اللَّهِ وَالْحِكْمَةِ )? الأحزاب:4?
السيدة نفيسة كانت تعلم الأئمة ، فقد تتلمذ الإمام الشافعي على يديها .
السيدة سكينة بنت الحسين رضى الله عنهما كانت تـنـقد الشعر
و قد مارست المرأة المسلمة حق العمل في عديد الميادين الاقتصادية و السياسية و غيرها واكبر دليل على ذلك توليت عمر رضي الله عنه للشفاء بنت عبد الله المخزومية قضاء الحسبة
كما ان الاسلام ساوى في حقها السياسي و المشاركة في القرار
حيث تقول الاية (يَا أَيُّهَا النَّبِيُّ إِذَا جَاءكَ الْمُؤْمِنَاتُ يُبَايِعْنَكَ عَلَى أَن لَّا يُشْرِكْنَ بِاللَّهِ شَيْئًا وَلَا يَسْرِقْنَ وَلَا يَزْنِينَ وَلَا يَقْتُلْنَ أَوْلَادَهُنَّ وَلَا يَأْتِينَ بِبُهْتَانٍ يَفْتَرِينَهُ بَيْنَ أَيْدِيهِنَّ وَأَرْجُلِهِنَّ وَلَا يَعْصِينَكَ فِي مَعْرُوفٍ فَبَايِعْهُنَّ وَاسْتَغْفِرْ لَهُنَّ اللَّهَ إِنَّ اللَّهَ غَفُورٌ رَّحِيمٌ ) ?الممتحنة:12?
وشاركت المرأة منذ صدر الإسلام بالرأي في مجريات الأمور ، وكانت تحضر مجالس الحكم وتراجع في قراراته ، ووجدنا في بيت النبي r نفسه الوزيرات والمستشارات له في شئون الدين والدنيا معاً .

فالسيدة خديجة أم المؤمنين وزوج الرسول r كانت وزير صدق لرسول الله r وبمالها شاركت في تأسيس الدولة الإسلامية الإقتصادية.

وأم سلمة رضى الله عنها استشارها الرسولr في الأزمة التي أثيرت أثناء صلح الحديبية فكانت وزارتها نعم الوزارة ومشورتها عين الحكمة .
وكانت المرأة المسلمة فقيهة في أمور دينها فقد راجعت عمر بن الخطاب في خطابه الذي دعى فيه إلي عدم المغالاة في المهور ، وقالت له إحدي النساء أتحدد أمراً أطلقه الله سبحانه وتعالى ( وَإِنْ أَرَدتُّمُ اسْتِبْدَالَ زَوْجٍ مَّكَانَ زَوْجٍ وَآتَيْتُمْ إِحْدَاهُنَّ قِنطَارًا فَلاَ تَأْخُذُواْ مِنْهُ شَيْئًا أَتَأْخُذُونَهُ بُهْتَاناً وَإِثْماً مُّبِيناً )? النساء:20? فرجع عمر عن رأيه وقال : أصابت المرأة وأخطأ عمر .

والسيدة عائشة أم المؤمنين رضى الله عنها كانت تحضر دروس الفقه والدين ونقل عنها العديد من الأحاديث النبوية الصحيحة ، كما إنها اعترضت علي خلافة على ابن أبي طالب وخاضت معركة الجمل إلي جانب طلحة والزبير .

والسيدة زينب بنت الإمام على بن ابى طالب والسيدة فاطمة الزهراء رضى الله عنهم جميعاً أرسيتا الأساس في شرعية مشاركة المرأة في العمل السياسي
و تنطرق الاسلام الى حق المرأة في البيت حيث وصف الرسول العلاقة بين الزوجين بالندية في قوله ( النساء شقائق الرجال لهن مثل الذي عليهن بالمعروف و لعل مساعدة الرسول للاهل بيته في الكنس اكبر دليل على وجوب صفة التعاون و دعوة الى الاقتداء بسيد الخلق منح الإسلام المرأة الحق في اختيار الزوج . عن النبى r قال (لا تنكح الأيم حتي تستأمر ولا تنكح البكر حتي تستأذن )
وكما أعطى الإسلام المرأة المطلقة الحق في العودة إلي زوجها إن أرادت بحريتها وإرادتها ( وَإِذَا طَلَّقْتُمُ النِّسَاء فَبَلَغْنَ أَجَلَهُنَّ فَلاَ تَعْضُلُوهُنَّ أَن يَنكِحْنَ أَزْوَاجَهُنَّ إِذَا تَرَاضَوْاْ بَيْنَهُم بِالْمَعْرُوفِ ذَلِكَ يُوعَظُ بِهِ مَن كَانَ مِنكُمْ يُؤْمِنُ بِاللّهِ وَالْيَوْمِ الآخِرِ ذَلِكُمْ أَزْكَى لَكُمْ وَأَطْهَرُ وَاللّهُ يَعْلَمُ وَأَنتُمْ لاَ تَعْلَمُونَ )? البقرة:232?
ويشترط في الزواج ان يكون الرجل كفأً للمرأة ، ومماثلاً لها في المنزلة ونظيراً لها في المنزلة الإجتماعية والمستوى المالى ، ولم يشترط أن تكون المرأة كفأ للرجل .

وعقد الزواج في الإسلام يقوم على الإيجاب والقبول ، كما أن الشروط الإلزامية علي اختلافها تعتبر مقبولة فيه باتفاق الطرفين عليها .

وأوجب الإسلام علي الرجل أن يقدم للمرأة مهراً يعتبر رمزاً لرغبة الرجل في الاقتران بالمرأة ، وهذا المهر حقاً خالصاً لها .

للزوجة علي زوجها حق النفقة الكاملة من مأكل ومشرب وخلافه وإذا عجز الزوج عن الإنفاق علي زوجته والأسرة فمن حق الزوجة طلب الطلاق إن أرادت .

ومن حق الزوجة علي الزوج إكرامها وحسن معاشرتها ومعاملتها بالمعروف ( وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا ) ?النساء:19?
ومن مظاهر اكتمال الخلق في الإسلام أن يكون المرء رفيقاً مع زوجته يقول أكمل المؤمنين ايماناً أحسنهم خلقاً وخياركم خياركم لنسائهم)

إن كل ما يحق للزوج طلبه وانتظاره من زوجته يحق للزوجة أن تطلب مثله من زوجها ويقول سبحانه وتعالى ( وَلَهُنَّ مِثْلُ الَّذِي عَلَيْهِنَّ بِالْمَعْرُوفِ)?البقرة:228
?
وأخيراً نجد المرأة شريكة ومسئولة مع الرجل عن الأسرة وتربية الأطفال وحمل الرسول r كل من الرجل والمرأة هذه المسئولية بالتساوى فقال ( كلكم راع وكلكم مسئول عن رعيته ، فالإمام راع وهو مسئول عن رعيته ، والرجل راع في أهله وهو مسئول عن رعيته ، والمرأة راعية في بيت زوجها وهي مسئولة عن رعيتها )

نعود بعد الفاصل
15جوان

بيني و بين صديقي الشيعي جدل حول زواج المتعة

rached dit :
مافماش هجوم على الشيعة
{★-»๑۞{titof}۞๑«-★} dit :
thama
{★-»๑۞{titof}۞๑«-★} dit :
7a9a iaja hna
{★-»๑۞{titof}۞๑«-★} dit :
chi3i inti
rached dit :
اخاطر باش نجيبلكم انصار حزب الله
rached dit :
e h
{★-»๑۞{titof}۞๑«-★} dit :
شمدخل السيدة عايشة يا ولدي و عمر بن الخطاب
rached dit :
صحابة رسول الاكرم
{★-»๑۞{titof}۞๑«-★} dit :
كلنا موالين للاهل البيت راو و اهل الكساء
rached dit :
صلى الله عليه و اله
{★-»๑۞{titof}۞๑«-★} dit :
اما كل حاجة في بلاصتها سيد عايشة ام المؤمنين و عمر الفاروق
rached dit :
اما خاطيتهم العصمة
{★-»๑۞{titof}۞๑«-★} dit :
في بالي
rached dit :
هانا متفهمين
{★-»๑۞{titof}۞๑«-★} dit :
لكن العصمة متعطيش الاحقية في الخلافة
rached dit :
هههههه
rached dit :
اشنوة تحب تفسد الصداقة الى بينتنا
{★-»๑۞{titof}۞๑«-★} dit :
لا صديقي انا رو حي و عقلي في الامام علي
rached dit :
سيف الله الغالب
{★-»๑۞{titof}۞๑«-★} dit :
اما منديلوش بوجوب الخلافة
rached dit :
الكرار
{★-»๑۞{titof}۞๑«-★} dit :
انا ضد الاموين
rached dit :
ايه
rached dit :
باهي
{★-»๑۞{titof}۞๑«-★} dit :
و ضد الي يقول انو احنا السنة منهم
{★-»๑۞{titof}۞๑«-★} dit :
و هوما الفئة الباغية
rached dit :
اما تؤمنش بالامامية
{★-»๑۞{titof}۞๑«-★} dit :
لا نؤمن
{★-»๑۞{titof}۞๑«-★} dit :
و موجودين
rached dit :
الاثنى عشر
{★-»๑۞{titof}۞๑«-★} dit :
الامام العسكري
{★-»๑۞{titof}۞๑«-★} dit :
و الامام الهادي و غيرهم
{★-»๑۞{titof}۞๑«-★} dit :
اما منؤمنش بالغيبة و انا اصلي على ابي
rached dit :
و الامام الحجة
{★-»๑۞{titof}۞๑«-★} dit :
المهدي و ليد زمانو
rached dit :
المهدي عجل الله ظهوره الشريف
{★-»๑۞{titof}۞๑«-★} dit :
نظرية المخلص
rached dit :
موجودة في الكل الاديان و المذاهب
{★-»๑۞{titof}۞๑«-★} dit :
انا ضد زواج المتعة
rached dit :
علاش
rached dit :
معناه انتي متفق مع الشيعة في الاصول و تختلف في الفروع
{★-»๑۞{titof}۞๑«-★} dit :
لانو المراة ليست اناء يفرغ فيها الرجل شهواتها و المؤسسة الزوجية مبنية موش كان على الجنس
{★-»๑۞{titof}۞๑«-★} dit :
صحيح
{★-»๑۞{titof}۞๑«-★} dit :
انا مزيج من السنة و الشيعة
rached dit :
ههههه
{★-»๑۞{titof}۞๑«-★} dit :
لكني ضد التكفير و اهدار الدم
rached dit :
قريت على زواج المتعة موجودة الاية في القران و حللوا النبي لكن عمر قال متعتان كانا في زمن النبي حرمتهم متعة النسااء و متعة الحج
{★-»๑۞{titof}۞๑«-★} dit :
في بالي عمر حرمو
{★-»๑۞{titof}۞๑«-★} dit :
مل متزوج انتي
rached dit :
زواج المتعة لازمتوا موافقة الولي
rached dit :
موش مسيبة
rached dit :
موافقة الولي و الا فهو زنا
{★-»๑۞{titof}۞๑«-★} dit :
فهمتك
{★-»๑۞{titof}۞๑«-★} dit :
على كل انا منرضاش روحي نتزوج امراة لهدف المتعة و اشباع الشهوة
rached dit :
معناه زواج المتعة حلال اكثر من الزواج التونسي
rached dit :
فمة ضرورات مجتمعية
rached dit :
مثلا الشرق و الشيعة محافظين ياسر
rached dit :
مايسمحوش لطفلة باش تقرا بعيد على الدار و الا في مدارس مختلطة
rached dit :
و لذا ولي هالطفلة يقلك يا خويا نسهلوها تتزوج متعة مع راجل يقرا معاها لخرا يصونها
rached dit :
خير ماتفسد
{★-»๑۞{titof}۞๑«-★} dit :
ومن بعد يلوحها
rached dit :
ههههه
{★-»๑۞{titof}۞๑«-★} dit :
كي يشبع غرايزو
rached dit :
لا زواج المتعة يشترط فيه ان تكون مدة الزواج محددة مسبقا
{★-»๑۞{titof}۞๑«-★} dit :
خير على خير
rached dit :
ههههه
{★-»๑۞{titof}۞๑«-★} dit :
وكان جابو ولاد تره
{★-»๑۞{titof}۞๑«-★} dit :
و الا يلبس الواقي
rached dit :
عاد يجيب ولاد في المتعة خير مالى يجبوا قفي الحرام و ينكر فيه
rached dit :
لخرا فمة شهود على زواج المتعة
{★-»๑۞{titof}۞๑«-★} dit :
يا ولدي يهديك مهاش اشكالية انو ينكر او يعترف الاشكالية الطفل كي يعيش بعيد عن والديه
{★-»๑۞{titof}۞๑«-★} dit :
المجتمع يخرب بالطريقة هاذي
rached dit :
زواج المتعة يختلف على العادي في انوا مؤقت و المراة ماعندهاش الحق في النفقة بعد الزواج او الميراث
{★-»๑۞{titof}۞๑«-★} dit :
نسبة الطلاق ترتفع
{★-»๑۞{titof}۞๑«-★} dit :
كارثة كارثة
rached dit :
لا ترتفع لا حتى شي
rached dit :
تعرف الى في بلاد سنية اي واحد ينجم يعلرس متعة
{★-»๑۞{titof}۞๑«-★} dit :
انا اختي منعطيهاش متعة و انتي تعطي اختك كتعة
{★-»๑۞{titof}۞๑«-★} dit :
متعة
{★-»๑۞{titof}۞๑«-★} dit :
جاوبني
rached dit :
يتفاهموا الزوجين في بيناتهم على الوقت و مايقولوا الحد و بعد يطلقوا
{★-»๑۞{titof}۞๑«-★} dit :
جاوبني
{★-»๑۞{titof}۞๑«-★} dit :
وينك
rached dit :
الواحد حر يعطيها و الا مايعطيهاش
rached dit :
لكن موافقة الاب ضرورية
{★-»๑۞{titof}۞๑«-★} dit :
انتي جاوبني
rached dit :
لا
{★-»๑۞{titof}۞๑«-★} dit :
مل كش تنادي بيه
{★-»๑۞{titof}۞๑«-★} dit :
زواج المتعة صديقي فيروس صحيح حل و قتي اما مخلفاتو جسيمة
{★-»๑۞{titof}۞๑«-★} dit :
العباد ساعة تولي تهربلو في الوقت الي ميكلفش و مسهل
rached dit :
ممكن
rached dit :
خير مالزنا
{★-»๑۞{titof}۞๑«-★} dit :
موش كان المتعة حل للزنا
{★-»๑۞{titof}۞๑«-★} dit :
الصوم
{★-»๑۞{titof}۞๑«-★} dit :
العبادة
{★-»๑۞{titof}۞๑«-★} dit :
العمل
{★-»๑۞{titof}۞๑«-★} dit :
الاجتهاد في الدعاء
{★-»๑۞{titof}۞๑«-★} dit :
و بحول الله ربي يعصمك كما عصم من قبلك يوسف
{★-»๑۞{titof}۞๑«-★} dit :

rached dit :
صحيح اما زواج المتعة ما هوش فرض
{★-»๑۞{titof}۞๑«-★} dit :
راشد نجم نهبطو الحوار هذا في مدونتي
{★-»๑۞{titof}۞๑«-★} dit :
؟؟
rached dit :
تنجم
{★-»๑۞{titof}۞๑«-★} dit :
merci
rached dit :
حضس يث نخه
rached dit :
pqs de koi
كلنا مسلمون فلا للفرقة و لا للفتنة

vendredi 3 octobre 2008

المشجوب في مسلسل مكتوب

منعرفش لوقتاش باش تستمر سياسة الاستبلاه الي مؤسسة الاذاعة و التلفزة التونسية تمارس فيها علينا بحجة دعم الانتاج الوطني و اك الكلام الكبير متع الشعب و المناسبات السياسية

خلال طيلة شهر رمضان امتعتنا مؤسسة الاذاعة بزوز اعمال تلفزية و الي مزالو متواصلين لحد الان و العملين هاذم يتمثلو في زوز مسلسلات

العمل الاول يحمل عنوان مكتوب ومجا يعكس في الواقع كان العنوان متاعو الي يجسد واقع المواطن التونسي قدام التلفزة الوطنية و الي مكتوب عليه يعاني من افلاس الاعمال هاذي و يخلصها من مكتوب جيبو

العمل الثاني و الي قاعد يتعرض على القناة الثانية قناة الشياب يحمل عنوان صيد الريم و بالرغم من انو العمل هذا هارب برشة على العمل الثاني الى انو و حسب و جهة نظر العبد لله يعاني من بعض الاسقطات و الخلل و الي باش نحكي فيها نشالله في هالتدوينة

دونك باش نبداو مع العمل لول مكتوب الي صارت حولو ضجة كبيرة باعتبار انو مسلسل لامس المسكوت عنه و انا منكذبش عليكم وين نسمع انو ثمة عمل يعالج حكاية المسكوت عنه باش يتعرض فس قناتنا الوطنية الي و يتبادر الى ذهني طول صورة بوطبيلة ...و المرة هاذي ممشيتش لبعيد بالفعل كان شاف هالمهزلة هاذي طبال جديد سامي الفهري الملقب بفراشة و القادم من برنامج الصندوق للبيع الاحلام و الي يمثل اكتشاف رائع على صعيد سياسة الطبل التونسي

بو طبيلتنا مقراش الاخراج و عمرو مكان مخرج لمن بعيد و لمن قريب و لاعندو في سوق ميذوق الا انو للاسباب ميعرفها كان سبحانو و مسكوت عنها اختفى المخرج لول متع المسلسل بالرحومة و حل مكانو بو طبيلة بخفة الفراشة

و اقنع تلفزتنا العزيزة انها تغامر و تدرج العمل ضمن شبكتها الرمضانية و الحمد لله تم ادراج العمل هذا بعد الافطار للانو كان ادراجو في فترة الصيام راو ارتفعت نسبة المفطرين و نسبة مرضى الدم و السكر

ان عبارة معالجة المسكوت عنه في حد ذاتها اصبحت بحاجة اكيدة الى اعادة التعريف بعد ما صبح استغلالها لتسويق الاعمال امر متتداول و عادي

و منعرفش شنو المسكوت عنه الي عالجو المايسترو بوطبيلة و الملحن الطاهر الفازع و كمشة المهرجين الي برفقتهم و الي قعدو شهرين يرسكلو فيهم باش صنعو منهم ممثلين و امتعونا بالتحف الفنية مع العلم انو عنا برشة مؤهلات من داخل الميدان و حاملي اصحاب الشهائد العليا في الدراما و المسرح و الي يتم تجاهلم و الالتجاء الى هالتحف الكركوزية

بالنسبة ليا و انا نشوف في القضيا الي يعالج فيها هالمسلسل و الي يمثلو محاورو الرئيسية ملقيتش هلي يسميو فيه المسكوت عنه

فحكاية القضايا الي تتولد من خلال العلاقات الاجتماعية مهاش جديدة على الاعمال الوطنية فعديد الاعمال قدعالجت القضايا هاذي على غرار النساء العازبات و غيرو وكونو انو نعتبرو انو الحكييات هاذي جديدة هو قمة الجهل للاعمال الدرامية و انعدام للمواكبة

الي حاز في نفسي هو طريقة بوطبلية و الملحن متاعو في تصوير المرأة التونسية على انها امراة منحلة و و غريزية و جريئة الى حدود انها تفقد مميزاتها الانثوية و هيا تتحول الى دائرة الهجوم و معاكسة الراجل و هذا تعكس من خلال اغلب الشخصيات النسائيا في المسلسل و بالتالي يعلن بو طبيلة انو هذيكة المراة التونسية

المسلسل حكى على حكاية المخدرات هايل نقطة لصالحو وخاصة انو الحكاية هاذي بدات تضرب بشدة في تونس ة تستدعي وقفة حازمة من الافراد الكل و خاصة انا في بلاد متنتج كان البلف و تعتمد بصفة اساسية على مواردها البشرية

و تراهن بشدة على العنصر في مسار التنمية

لكن الي خلاني بلحق نضحك و انو المسلسل من خلال تقديمو لشخصية شكو خلى تاجر المخدرات انسان نبيل و خلى المتلقي يتعاطف مع الشخصية هاذي و لا و الاغرب من ذلك انو صور تجار الافة هاذي على انهم ضحايا لظروف اجتماعية وكينو يبحثلهم عن مخرج و تبرير الحاصل السيد قريب يمجدلنا الناس هاذم و على هذاكة ما ستغربتش كي لقيت فون على الفايس بوك اسمو شكو و كي عرضني غشير في الحومة سارق الفرينة من دارهم و يفرق فيها على فروخ الحومة و يعيطلو شكو

على كل نأكدلكم انو ماثمة حتى شي مسكوت عنه و القضايا الكل تناولتها الدرامة التونسية سواءا على خشبة المسرح او في قاعات السينما او حتى في التلفزة

على كل كان هذا حديثنا عن مكتوب و المرة الجاية عنا موعد مع صيد الريم