mardi 5 janvier 2010

penser et agir

العقم الهجومي و الاستمناء الفكري هو ما يميز المرحلة الراهنة الي نعيشوها في البلوغسفار وسط البحث عن بطولات وهمية من خلال أخذ دور الضحية و كيل الشتائم والاتهامات

صاحب مهزلة الاسبوع هذاي هو صاحب مدونة "

penser et agir

الي على اثر مقال تكتب هنا تحركت فيه النزعة التقفيفية الله غالب الشي بالغريزة و خاصة انو نعيشو مع ناس ترى في الوشاية واجب وطني

اضافة انو كل واحد خبزتو وين جات تلقى واحد طموحو يولي دكتور وينفع بلادو من خلال العمل الدؤوب كيما يقول هالوطنين

و تلقى انسان اقصى امانيه شاوش في شعبة يقود بفلان ويطيب في التاي

الله غالب غلط ديكارت كي قال" كان العقل اعدل قسمة بين الناس" هاي ظهرت ثمة ناس في عوض ماعندها عقل عندها في بلاصتو فرينة

على كل موش باش نطول هات خلي نتعداو لحكاية سي التلفزة الوطنية كيما سبق و سميتو والي اعتمد في نقلو للخبر الطريقة البوليسية الي ما هاش غريبة عليه و الا على الايتش وان بي جي وان من خلا الكبتار دي ايكرون و غيرو من الافشاء بمعلومات شخصية للمدونين موش قلنا انو الوشاية واجب وطني مالا باش هوما وطنين

على كل نمشيو مع صحيبنا الي على اثر المقال هذا نحى شلاكتو وتبعث كرتوشة للبرلمان اضافة انو بعثلي مطلب متع صداقة عالفايس بوك قبلتو بصدر رحب ومنكذبش عليكم موجس منو شوية خيفة لا نسمع نقشتهم المعهودة متع الشرذمة الناعقة و المتمسحين على السفارات الاجنبية هذا اذا مقيتش عمار بيدو قدام الدار بحجة انهم عندهم الحق يحققوا شكون يعرف مدامني اسلامي بلكش شدني نحوص بعبوة ناسفة فوق سطح دارهم و الا نبيع في كارتا ت الباتش متع الجزيرة الرياضية في سوق المنصف باي

على كل سي التلفزة نصيحة من خوك انتي و الانفلونزا الي يوسوسلك كي الهجالة العايبة شوفولكم تهمة اخرى بخلاف الاسلامين على خاطر لحكاية هاذي اثبتت فشلها من اك العام و لات حكاية تضحك و معاتش تجد عالناس ومهاش سبب مقنع باش تبلعو خلق ربي في الحبوسات و تنشأوا محاكم طوارىء و تخوفو الناس من بعضها

على كل قلنا انو سي التلفزة غضب الله عنه بما انو كان على عين المكان ساعة وقوع الجريمة الي هنا تحركت فيه غريزة القفة و مشى لحيط البرلمان وحط مقال عالديمقراطية و بالطبيعة كالعادة مهوش هو كاتبو و انما يستعمل في تقنية القص اللصق على خاطر الناس هاذم المكسيسموم الي ينجمو يكتبوه جملة متع "عدت فرحا مسرورا" و من بعدها يضربو شهر مبهمين في محاولة شكلانها و فك شفرتها

على كل قلنا انو السيد حط مقال عالديمقراطية مع نبرة انا خوكم الكبير يالولاد و هاو مقال عالديمقراطية قبل ما تحلو كشخكم و تحكيو عليها

انا بدوري كان ردي رفض الحوار لعدة اسباب اما هاني باش نوضحها للانسة ساره باش متقعدش على عماها و الي هاني باش نرجعلها في وقت اخر من التدوينة

اول سبب لرفضي الحوار هو حجب الموقع متع البرلمان موش معقول التيار الي تنتمي ليه انتي هو مولى العملة متع الحجب وتطلب مني ناقشك في فكرك و خاصة موضوع الديمقراطية و الحرية

هكاكة تولي ثمة ازدواجية خاصة كي النقاش عالحرية في صفحة محجوبة و انا صاحبي انسان واضح وموقفي واضح و منحبش ريق الازدواجية و ذر الرماد في العينين

ثاني سبب هو القص و اللصق و الغوغاء يعني ميجيش ناقشك في حاجات اللهم اعلم منين تجيب فيهم من ضبوط القردة ثلاثة نقاط فوق القاف و الامن موقع صهيوني و الا حتى من موقع اباحي خاصة و انو الدعارة الفكرية من اختصاصك انتي و الافلونزا

ثالث حاجة كفاش نتحاور معاك وقت نشوف انو اكثر الناس الي امنت بالحوار وفا بيها المطاف في جيور يعزفولهم في معزوفة النهر الخالد على ظهوراتهم بالمتراك ...والا قعدين على شقف يمارسو في اليوغا و التامل العميق باش يراجعوا الافكار الغير الصحية متاعهم

اضافة انو سي تلفزة تكذب على روحك كان تعتبر نفسك اوروجينال و تفهملها و جايب الصيد من وذنو هكاكة نقلك فيق خاطر باش ترصيلك كالمهبولة الي زغرطولها في وذنها

والحقيقة انو مثماش فرق بينك وبين الانفلونزا و غيرو خاطر كلكم فرد كلمة و هيا عادة بباغائية مهاش جديدة يعني يكفي انك تقرى لواحد و الا تتفرج في التلفزة حتى تكون قريت لطرحة الكل

هذا التوضيح علاش" منحبش ناقش" للاخت ساره الي يبدو انها تعدات بافلونزا الطحين و الي نتمنالها الشفاء العاجل

ونحب نتعدى في موجز على تعليقها

Tout à fait d'accord avec Coes et Houssein. Lui ne représente pas l'opposition comme toi ne représentes pas le pouvoir.
Je me permets aussi de dire à "Tounsi dékhil fi hit" que quand on revendique la démocratie et la liberté d'expression, on se doit de l'offrir aux autres aussi opposés qu'on puisse être. C'est cela le principe de la démocratie et des droits, à contrario, je ne vois pas l'utilité des libertés que tu "penses" prôner.En refusant que penser & agir puisse donner son avis, je ne crois pas que tu fais mieux que ceux même que tu critiques. Autre chose, parler en français n'a jamais été une marginalisation ou un handicap, je trouve la remarque très déplacée.
Ensuite pour ce qui est de penser& agir, je n'ai presque jamais été d'accord avec les idées ni le parti qu'il défend, n'empêche qu'on est là pour dialoguer et échanger, chose qui nous a jamais été offerte, alors essayons d'en profiter et arrêtons d'avoir cet esprit carré et dogmatique.Faire un groupe que pour s'applaudir les uns les autres, n'avance à rien, faut bien avoir des échanges et des critiques de part et d'autres.

صديقتي سرح بداية خليلي نوضحلك كانك داخلتها على طمع راو ماعندك وين توصل ماكسيموم شاوش في شعبة هذا اذا حصلت حاجة

و كانك داخلة بمنطلق حرية التعبير نقلك صديقتي راو الازدواجية موش باهية وضربة بندير و ضربة كليمة حق ولات ديمودي لذى فيها اباس كان تتفاقد خلاياك الرمادية و تعمللهم ميز اجور خاطر لوغة هاذي ولات بايتا اكثر من ملاوي خالتك العكري

اما هات نهرو في تعليقك نلقاوش حاجة تصلح

انا يا بنتي ما نمثل كان روحي لا نمثلك انتي لا الجمعية لا ولاد الحومة و حتى دارنا ثمة شكون يمثلها

اضافة انو عيب عليك و ميخرجش في عمرك انك تولي نفسك منصب يعطيك الحق انك تعطيني درس في الحرية و الديمقراطية عل الاقل" انا" خاطر و قت انتي لاهية في مدونتك تحكي عالزمزومية المشوية و الوزغة الي طايبة بالفابور و لاعبتهالي خفيار سولانا نظرة عالعالم و خيك بلحوحي ميترو نمارس في الحرية اضافة انو مكش انتي باش توريني مع شكون نحكي و راي شكون نقبل خاطر يا للا يلي تمارس في الحياة من خلف شاشة حاسوب و نحلف عليك في الدنيا عمرك ما تعاملت مع واحد منهم وكان جيت تعاملت معاهم راك عرفت اش معناها الاقصاء وراك عرفت شكون تناقش و شكون متناقشش

اضافة اذا عندك دبارة دبرها في عشاك يعني اهوكة برى اتصل باقرب شعبة واشري ميات قرام كاكوية باهية للخلايا الرمادية متاعك اقعد ناقش معاهم منا لصباح

اضافة انو المجموعة متع البرلمان منيش انا الي عملتها وانما انا عضو فيها تم انتخابي و منيش حتى رئيسها

اضافة انو التعاليق متاعي الي تفسخت موش انا فسختها و فسخها الموديراتور و السيد عامل فيها فيلم و حاطط الروابط كاينو ليلة القبض على فاطمة و الا كاينو شدلي يدي في مكتبو و" معروف شكون يحط في المكتوب" مهاش اكثر من عملية غوغائية لتهميش عملية فريدة و تجربة ناجحة من خلال استهداف رموزها

و اخر قولي هو قوله تعالى

قل اعملوا فسيرى الله عملكم و رسوله و المؤمنون صدق الله العظيم

4 commentaires:

Tunsi_7urr a dit…

ارجومن الجميع تخفيف وتيرة الحساسيات و التخلي على طريقة تبادل التهم, فالرئيس بن علي معلمنا و ملهم الشعب التونسي في كل مكان و حتى في مناطق الظل مؤخرا يقول الديمقراطية اولا الديمقراطية اخيرا الديمقراطية دائما و ابدا و لا مجال لاستعمال العنف و الحبس و مسيل الدموع ضد المواطنين فهي ممارسات لا يقوم بها الا الشواذ فكريا و جنسيا و هاك الجماعة السوفيات و جماعة كولومبيا كما قال ايضا في مؤتمر معا مع بن علي لرفع التحديات "ايها المواطنون سنجعل من هنا فصاعدا كما وعدتكم منذ اول وهلة من يقمع حرية التعبير الله لا تربحه لا دنيا ولا آخرة وهذاكا عمار راهو ماهوش تبعني و انطلعه انطلعه"
و اخيرا و ليس آخرا اقول دعونا جميعا يدا واحدة لنقظي على ظاهرة هزان القفة و القوادة و استعمال الآلات الحادة في المناطق الحساسة للمواطنين
و كما يقول المعلم الملهم التونسي للتونسي رحمة و السلام

Arabasta a dit…

ما فماش إنخراط سياسي يجي بالساهل، ما فماش تحرير و تغيير يصير في طريق مليئ بالورود، الحجب و الهرسلة و الصنصرة حاجة لازم منها على طريق الديموقراطية الحقيقية

H.B.J a dit…

tu me fai vraiment pitié

Sarah Ben Hamadi a dit…

J’avoue avoir hésité avant de te répondre, car il faut dire que parfois l’indifférence est la meilleure des réponses, d’autant plus que les sujets à fond vide ne sont pas vraiment ma tasse de thé. Mais bon, puisque tu t’es directement adressé à moi (apparemment ça t’a vraiment touché), je me suis dit que finalement, je me dois bien de te répondre, par respect aux efforts que t’as employés pour me sortir tout ça…
« الطحين بافلونزا تعدات انها يبدو ليا ساره للاخت » : ça en dit long sur ton état d’esprit. Malheureusement pour toi, des propos pareils ne m’atteignent pas. Mais si tu commences à répondre à chaque personne qui n’est pas d’accord avec toi de la sorte, on n’est pas sorti de l’auberge. Pour ma part, je suis au dessus de tout ça, mais c’est pour toi que je le dis. Taches d’y penser…
Tu penses m’accuser de «الازدواجية » ce qui veut dire « dualité ». Juste pour info, la dualité n’est pas le fruit de la pensée mais c’est une philosophie propre à la nature humaine : la joie et la tristesse, le bien et le mal, etc. Si tu veux parler de ce que j’ai dit sur le blog de penser & agir, ça aurait été plus judicieux et surtout plus juste de parler de « jugement » : j’aime et je déteste, je veux et je ne veux pas, je pense et je ne pense pas, etc. On ne va pas faire une leçon de philosophie ici, mais au moins j’aurai contribué à te défaire d’une confusion…
Ensuite «بالفابور طايبة ليا الوزغة و المشوية عالزمزومية تحكي مدونتك في لاهية انتي قت و »: à ma connaissance, j’en ai jamais parlé et ce ne sont pas des sujets qui m’intéressent, alors un peu de sérieux et de justesse dans tes propos n’est pas trop demandé, rien que par avoir un peu de crédibilité…
« عالعالم نظرة سولانا خفيار لاعبتهالي » : apparemment, t’étais tellement pressé de publier ce post, que t’as balancé le nom de la première personnalité politique étrangère qui t’est venu à l’esprit. Tu me renvois désolée, mais ma vision du monde ne colle pas vraiment avec Solana, t’aurais pu le conclure tout seul, mais bon ce n’est pas bien grave…
Maintenant pour finir, je veux te dire que ma vie n’est pas restreinte ni à un blog ni à un parlement virtuel. N’empêche que ce je dis sur mon blog, je le dis en dehors de mon blog (à vérifier si c’est le cas pour toi), j’assume tout ce que je dis, et je n’ai pas peur de le dire avec franchise. Quand quelques chose me déplait, je le dis, et je l’assume. Je n’ai pas besoin de soutenir qui que ce soit pour me faire valoir, je soutiens mes idées, mes pensées et je n’impose à personne à être d’accord avec moi. Je suis indépendante, je ne défends aucun parti, et aucune idéologie stérile, mais je défends mes principes et mes valeurs à moi. Si t’arrives à comprendre ça, tu comprendras peut-être ce que c’est que d’avoir des principes et de revendiquer la liberté et la démocratie.