mardi 12 janvier 2010

demain je brule اللي حرق صحّا ليه...و اللي م نجّمش يحرق مرحبا بيه

كملت دراستي الثانوية و تحصلت على شهادة البكالوريا او ما يعبر عنو بالمفتاح باش نلتحق بعدها بالجامعة و تحديدا المعهد الوطني لتصرف الاقتصادي و الاجتماعي و منعرفش علاش مشيت نقرى في التصر و الاقتصاد في بلاد اقتصادها خايخ و مبني عالجعالة لدرجة انك لتفهمو لا راسمالي لا ليبرالي وهو وجو وهو نفحة المسيرين متاعو

الحاصل ضربت عومين باهين غادي ومن بعد بن ليلة و ضحها قررت نبدل التوجيه متاعي و مسيت طرقت شعبة اخرى جسيت انها تواتيني اكثر و تخرج مع جوي

المهم كملت دراستي و تحصلت على شهادتي بدرجة حسن جدا لين قريب ننقب السقف

وقتها اعتقدت انو تونس الامتياز شعار المرحلة الي صادف حصولي عالشهادة باش تفتحلي احضانها و منيش باش نعرف فترة بطالة و ركشة في الديار الي بصدد البناءات و التسكع على طرقات

الا انو كيما أي تونسي عرفت فترة البطالة الي كانت بالنسبة للمجتمع واجب وطني ميقلش اهمية على الجيش

و بالرغم انو كانت فترة قصيرة برشة الا انها اعتبرت فترة حلوة مابين تبطشير الكريستال و دنوي سلف حتى لراس الشهر و اللمات في القهاوي و النقشات الهادفة و الغير هادفة و عيش كابوس الرافل

الفترة هاذي خلاتني نطلع على لوغات اخرى و ثقافات اخرى من خلال الانترنات الي وقتها لاكان لاثمة لاعمار و لاهم يحزنون

الحاصل الحلم متاعي تحقق و تحثلت على خديمة وقتها اعتقدت اني ملكت العالم و مشوار التعب وسهر ليالي انتهى

الا اني لقيت نفسي في دوامة اخرى دوامة الروتين الي تصاحبها اهم فترة في حياة الانسان هي رحلة التكوين و ما ادراك ما التكوين و الي في الغالب تكون كيمام خطاطات الدولة تضربها عشريا كاملة و مثمة شي

و لاول مرة نفهم اش معناها المقاربة الشاملة و رفع التحديات

وخاصة انو الفترة هاذي رافقتها تسؤلات من الدار و من غيرهم من نوع اش قولك في بنت فلان

الى جانب الدعوات من زميلات العمل للعشاء باش تعرفك على بنتها او اختها الي زمر بابورها و بقات تبكي على شبابها

الحاصل الامر اشبه بالصيد في القلت او كيما يقولو الماء العكر

ولاني انسان نتمتع بالنجاعة الهجومية و معنديش مشكلة مع الجنس الاخر حتى باش نطلب من شكون يلوجلي

و بالفعل حضرت الدوسي متاعي من بطاقة عدد ثلاثة نظيفة ومضمون و براءة في ذمة الملية و بعض الممتلكات و الشهايد العلمية و رخصة السياقة و وغيرو

وبعدت عل كل انواع الكلسيكيات من لعب مغلق منحصر في وسط الميدان و اصريت اني نلعب عالاجنحة و اعتمدت اللعب المفتوح و الواضح

الا انو في كل مرة تلقاني نقدم الدوسي نظطر باش نحضر لزفاف الانثة الي قدمتلها الدوسي

7 commentaires:

Arabasta a dit…

et la suite, elle est ou?

Je suis resté un peu sur ma faim franchement...

Clandestino a dit…

tawa 9a3ed ta3mel fel psychanalyse wella chneya 7keytek ??

bent 3ayla a dit…

تكتب في مذكراتك؟ تطلعشي بش تودع؟

3amrouch a dit…

ياخي هاذي قصة حياة كلندو ولا قصتك

مهرج.tn a dit…

rabi m3ek kouye Tito, heye idji tet3eche be7thene hhhhhh, w metensech edouciii hhhh

Borborygmes a dit…

J'ai adoré ton post et j'ai beaucoup rigolé. Ecoute je suis divorcée et je vis à Paris et mon ancien mari ne m'a pas achetée plus qu'une bague ( en faux diamant) car il était étudiant. Mais allah ghaleb Beriz t7il il 3inin. 7asilou si tu veux je peux lui demander une lettre de recommandation (c'est un blogueur lui aussi) et on inverse c'est moi qui t'envoie ma candidature :))))))) et nwaraklek comme on dit ici. J'ai pas de nationalité ama oumouri henia.7athka et karia (mon ex mari te le certifiera, un vrai cordant bleu et très cultivée) . taw nabrathlek le CV :)))))))))) zidni 3al lista:)))))))

Borborygmes a dit…

J'ai adoré ton post et j'ai beaucoup rigolé. Ecoute je suis divorcée et je vis à Paris et mon ancien mari ne m'a pas achetée plus qu'une bague ( en faux diamant) car il était étudiant. Mais allah ghaleb Beriz t7il il 3inin. 7asilou si tu veux je peux lui demander une lettre de recommandation (c'est un blogueur lui aussi) et on inverse c'est moi qui t'envoie ma candidature :))))))) et nwaraklek comme on dit ici. J'ai pas de nationalité ama oumouri henia.7athka et karia (mon ex mari te le certifiera, un vrai cordant bleu et très cultivée) . taw nabrathlek le CV :)))))))))) zidni 3al lista:)))))))