عادا قلنا انوالوزرى دخلو و كل وزير خذى موقعو بجنب السلطان و حكالهم السلطان و ضحلهم الحكاية و طلب مشورتهم

هنا وقف و زير من الوزراء متع سيدنا السلطان و اثنى على السلطان و قال
سيدنا السلطان انا نشوف و القرار ريك انو نوضحو لاهل المملكة متاعنا الاشكالية و نفسرولهم ونجاوبهم عالعلاشات متاعهم

هنا يقاطعو نصيب السلطان و يقول
لا سيدي السلطان كان جاوبناهم وفسرنالهم عينهم تزيد تتحل و خاصة سيدي السلطان انو الامر و لى يهدد في عرشك و يبداو يحاسبو فيك على كل كبيرة و صغير ة

و يبدو انو كلام نصيب السلطان معجبش وزير المملكة لول على هذاكة تتململ في مجلسو و تنهد
و حس السلطان انو الوزير يحب يحكي فاعطاه الاذن
قام الوزير من بلاصتو و كالعادة اثنى عالسلطان و الحكم الرشيد في المملكة السعيدة و قال
مولاي احنا اعمالنا الكل في الشفافية (الكلمة هاذي خلات نصيب السلطان يرمق الوزير بنظرة كل كره و حقد و خلات كذلك وزير مالية المملكة و الي قايم على شؤونها المادية يكح وجه يزراق و يخصر لنصيب الملك بخصرة كلها استعطاف متع اجريولي راني باش نتخنق)
دونك ميقلقناش انو نجاوبو شعب مملكتنا العزيزة و توفى الاشكالية
ينقز نصيب السلطان و يقف بين الوزير و السلطان و يقاطع لوزير
مولاي انتي عرشك جبتو بذراعك و قت اهل المدينة كانو الكل متخبين كي الفيران انتي عرضت صدرك لنار و دفعت عليهم الشر و كنت لاقدر الدنوس و الدنوس هذا الهة نصيب السلطان خاطر نصيب السلطان كان يعبد في الدينار
تمشي فيها اضافة انك خرجتهم من الظلام الى نور و فرتلهم سبل العيش الكريم دونك موش من حقهم انهم يساؤلوك اضافة انو دستور مملكتنا و الشريعة متاعنا تمنع الشي هذا
و يبدو انو كلام نصيب السلطان لاقي استحسان اكثر الوزراء و الوزير لول و الوزير لاخر برك و قفو في الموقف الثاني و كانت الاغلبية لنصيب السلطان و الوزراء الموالين ليه
على هذاكة في فترة لاحقة كاد نصيب السلطان مؤامرة للوزير لول بعثتو ماوراء الشمس و خلات الساحة فارغة لنصيب السلطان الي كانت عينيه موجهة في شجع نحو تركة السلطان الي يحب غير العادة يورثها و عين سلطان تغصر
دونك في الجلسة هاذي اتفقوا نهم يبعثو 404حرس لقهوة من اشداء الحرس الغلاظ و لبسوهم لبسة غير لبسة الحرس و زودوهم بالمتركات و الكريموجان و ارسلوهم طابور404في اتجاه القهوة
و بينما كان اهل المملكة في اخذ ورد شافو الطابور هذا جاي بثيادة عمار جنان قصر السلطان
ولاو الكل سكتو واعتقدو انو الملك بعثلهم شكون يجاوبهم على حيرتهم
و خرجت الناس الكل قدام القهوة و قعدو يستناو حتى و صل عمار ليهم و شد انتباهم اللبسة الغريبة متع حرس السلطان الي مراوها كان في الحاسوي و قت المتراك تخيط في بعض الشعوب متع الممالك الوقحة
و متصوروش نهار انو في مملكتهم يوجد مثل النوع هذا متع الحرس
عمار يوصل لباب القهوة و ياقف نافخ صدرو و يعيط و يقول
_اش بي ر...كم ...تحب ني....امكم و بوكم واحد واحد
الموقف مكانش يستحق برشة تفكير باش يتفهم و لكن اهل المملكة الكل جاوبو بصوت واحد عل الاقل نقولو ثلثي اهل المملكة على خاطر ثمة ثلث منهم متع السيد القزوردي تخبى ورا عمار و قعد الثلث متع الحراقة و جماعة اللحية
عاد قلنا جاوبو الكل بصوت واحد
نحبو نفهمو علاش
و هنا يتلفت عمار لطابور404و قللهم فهموهم وينك عينك ما ترى كان النور وبدات المتراك تخيظ و الكرموجان و شدت بعضها ثمة ناس فصعت و ناس قعدت و الي ثعدو كل شدهم عمار و رجع لسلطان فرحان بانجازو
عمار ...سيدي السلطان انتهت المهمة
نصيب السلطان....برافو عمار ...و يتلفت لسلطان مواصل موش قتلك احسن الحلول راي الي تتبنى عالمتراك و تفريق الحضب
السلطان و اضح انو الحل موش عاجبو برشةو يتسائل.....اي ..زجعتوهم كي ضربتوهم
عمار ينفخ صدرو و يقول ...تلعب سيدي السلطان ...الي سلكها خرج بنص ساق
اما شدينا منهم برشة ....منعرفش اش نعملو بهم
نصيب السلطان ...لوحوهم لتماسح سيدي السلطان ويقعدو عبرة
السلطان اما تماسح يهديك لا لا ..انا عندي حل نحبسوهم في حبس
عمار الله يبارك
و بما انو المملكة السعيدة مكانش فيها حبوسات قرر السلطان انو يبنيو الحبوسات و لانو مقاوش بلاصة خيروا نهم ينحيو شوية مباني عمومية و يحطو في بلاصتها الحبوسات
و تحولت المسارح و دور السينما الي معتقلات و علات الاسورا الشايكة و الجدران متع الاسمنت المسلحة
و الناس و لات معاتش تسئل علاش الى ان كان النهار هذاكة
..........................

....
يتبع