jeudi 16 octobre 2008

هل صار فتح صفحة تونزي بلوغ اشبه بفتح صفحة موقع اباحي قبل متعملو حملة للحرية التعبير افهمو شمعناها حرية

خدمة الانحلال الاخلاقي اضغط هنا وستلاحظ النجاعة

عندي مدة تو قبل منحل صفحة تونزي بلوغ نتلفت قدامي وو رايا نشوف تلقاش امي و الا اختي و الا حتى فرد من عايلتي بجنبي تلمون الي المستوى الاخلاقي انحدر للهاوية و اصبح استعمال الكلام البذبء السوقي عادة يتغاضى عنها الجميع
الاشكالية ليست في سب الدين او الشتم المعتقد او حتى مقارنته عز و جل بعبارة و ضيعة فالله اكبر مما يصفون كبرت كلمة تخرج من افواهم ان بقولوا الا كذبا
و لكن الاشكال في الامر هو ان بعض هؤلاء عندما عجزوا عن اسماع صوتهم و ايصال افكارهم القادمة من وراء البحار اتخذو من اساليب القذف اسواها و انطلقو يتلونها على مسامعنا
سيد علاء انا هنا لا اتهجم على شخصك لكن دعني اسألك و اجب بصراحة
ماذا لو كان في تونزي بلوغ فرد من اسرتك امك او اختك لنتفرض ذلك و اجبني بصراحة هل ستكتب ما كتبت
ثم انك و حسب ما علمت و حسب ما تباهيت انت به انك حامل لشهادة عليا يعني متنور و الحمد لله وجاي لهنا باش دافع على قضيا يا بوقلب بكل ما تملكه القضية من ابعاد و تشكلات
اما جيتك بجاه ربي تنورني شنية القضية الي يدافعو عليها بالنص اللوطاني و الاعضاء التناسلية
و شنو ربحك كي مدونين تهج من تونزي بلوغ كيما صار مع سمبادي الي امو قرات السبان في تونزي بلوغ و ملقى مايقول المسكين و كي قال موش معقول كلاتو المتراك

5 commentaires:

mandela a dit…

اساليب القذف اسواها و انطلقو يتلونها على مسامعنا.....تي شنية يا تيتوف حتى القذف ولا عندو اساليب وطرق مختلفة...تقول في العيب راك...حفظك الله ورعاك

Legend Of The Fall a dit…

انا معاك. قبل ما يعملو حملة للحرية، من المفروض نفهمو الكل آش معناها حرية. كيما سبقلي قلت، حتى في الدول المتقدمة و الديمقراطية، الحرية عندها مجموعة ضوابط و تنظيم. أما أحنا، كعور و عدّي للأعور. شيء يحشّم. و المشكلة إنو نتعاملو مع عباد متعل"مة و متثقفة...دخلت للجامعات و سافرت للخارج و مع ذلك عندها مستوى منحط يخلّيك ما تهزهمش بمقص النار

titof a dit…

يا ديانا الاشكال كونو اننا نسميو في الاشياء بغير اسمائها
قالك الكلمة هذيكة تعبير مباشر و احنا المكبوتين و نخافو
و قالك ا سيدي هذاكة ادب كينو احنا جهلة و منفهموش في الادب هاي سياسة الاستبلاه الفكري و الا لوح
حملة 4 نوفمبر مهاش لا قية صدى كبير على خاطر ثمة مرحلة هامة تحرقت الي هيا تعريف الحرية

Legend Of The Fall a dit…

@titof: wallahi ken bech ensammiouw el ashye2 be asme2iha, tawa el we7ed i walli ya7ki men ta7t el 7zem wenti habbet m3a oummou w bouh ou 3arfou! c du n'importe koi!

ferrrrr a dit…

هنا انوافقك يا تيتوف، الكلمة القوية ما يزمهاش تكون عندها علاقة بالكلام البذئ، مع الاسف يقع عادة الخلط، يبدو لي عن عجز في صياغة نص قوي بكلمات سليمة