vendredi 16 janvier 2009

بين قطر و عباس

اول الواو بس الواو خلي الواو يصح ......
-الو
-الو شكون معايا عباس
-لا مرتو يا وخي
- عيطهولي براس اميمتك....قولو وزير الخارجية متع قطر حاشتو بيك
- شكون ؟؟؟ ....بجاه ربي لا تفجعو ..تو كلمتو اك الزرقة متع امريكا ..هاو دخل لتولات و لتو لخرج
-تهنى عيطهولي برك ...الدينار قريب يوفى ..و التكسيفونات مسكرة
-باهي باهي لحظة
.................................
-الو
-الو محمود ..علاه هكة ياراجل من الصباح نكلم فيك و تلفونك مشغول
-لا هي يا خويا لا هي ..ماك تعرف مقتضيات المرحلة وكمل سمعت امريكا عاملة برمسيون في السلام قلت نغتنم الفرصة
-باهي باهي شعملتنا في اك الحكاية
-و الله دبرت كان كعبتين و مبارك موصني على كعبة نشا الله المشية الجاية للامريكا ندبر لخويا كعبة
-يا ولدي فاش تحكي .....نحكيلك عالجية متع غدوة للقمة ...اش قررت
-اه .....صارت ثمة قمة .....و الله قبيلي كلمت موسى قالي الي الفدرسيون متع اسرائيل معاقبة الجماعة ...و القمة باش تتعقد بلا جمهور ..وخاصة انو فيها كعبات بلبازا وماو تعرف خوك يحترم برشة الفدرسيون و انسان نظيف مسالم ميحبش الخلط و التبلبيز
-تهنى يا ولدي دبرنا تصريح و القمة ثمة و امورنا واضحة اما ناقصين جوار فلسطيني يحكم باسم القضية
-و الله مذبيا اما ماك تعرف الحصار و ظروفو منجمش نخرج
-ياولدي اش مجيبك للحصار راك في الضفة والحصار في غزة
-ماو وخيك نقتسم في المعناة مع شعبنا الاعزل الصامد
-باهي باهي متشليش هم تو نسمسرلك في كارت سيجور تو نكلم التيجاني متع الداخلية يضربلك كعبة غير ايجا برك
-با هي باهي تو نخمم و نقلك نصيف ساعة و نطلب خويا
...................................................................................
ترم ترم ترم
- الو
8 الو عباس معاك ...نكلم فيك من التكسفون الي مقابل الدار
-براس اميمتك مدامك في التكسفون ابعث دنوس ..و راس اميمتي رجعهولك في الحصار الجاي

-با هي باهي ..اما من لخر برجولية منجمش نجي
-لواه
-ظروف يا وخي شدين عليا شلاكة ..و راس اميمتي يذبحوني ..علاه بو ضغار ولادي تيتم

-با هي باهي لا يجعلنا جرة ...برا ربي معاك

3 commentaires:

ghaza a dit…

ya weldi chnya hadha malla ka3ba wahdek

titof a dit…

لا ومن بعديقلك قوى معتدلة موش طابور خامس

abu arabi a dit…

مادام خيل وليل بدا يتكلم عالصوارخ..بربى حتى عباس خليوه يتكلم عالوطنية