mercredi 7 janvier 2009

الى صاحب مدونة خيل و ليل لا لتقزيم صواريخ المقاومة

صواريخ القسام او كما يحلو لصاحب مدونة خيل وليل تشبيهها بالفوشيك وذلك من باب الجهل بها و بتأثيرها على الكيان الصهيوني وحتى لا ادخل في نوايا الناس واطلق الاحكام جزافا ارى من واجبي كداعم لقضية المقاومة سواءا كانت اسلامية او يسارية او حتى لادينية ان اضع بعض النقاط على الحروف لتوضيح الرؤيا امام الجاهلين بها
فصاوريخ القسام تلك التي وصفتها بالفوشيك و التي تمثل اعجازا تقنيا للاسرائيل و ثورة في خيارات المقاومة اثبتت و بالكاشف ضعف اسرائيل عسكريا وجغرافيا و قد ذهب احد خبراء الجغرافية السياسية بتشبيهها اي اسرائيل بدولة خيوط العنكبوت
التي لا تمتلك أي عمق جغرافي أو استراتيجي..
"إسرائيل" التي لا تتجاوز مساحتها (21 ألف كيلو متر مربع ) بدون الضفة الغربية وقطاع غزة تعتبر من الدول القزمية في العالم، وشكلها الطولي الذي افقدها لأي عمق جغرافي أو إستراتيجي جعل كل النقاط الحيوية داخل الدولة العبرية ممكن أن تكون في مرمى صواريخ يطلق عليها "بدائية".

ومننساوش زادة انوالصواريخ هاذي بفضل التطوير صارت دقيقة لدرجة رهيبة بحيث انو نادرا ماتخطىء الاهداف متاعها
مع العلم انو كل صاروخ واحد يكلف اسرائيل 40الف دولار دون الخساير البشرية التي تكتم عليها اسرائيل طبعا بون الخساير مهاش كبيرة لكن الخساير موجودة و نعرفو انو واقع الموت لدى الاسرائلين يختلف عن واقع الموت عند.الفلسطنين
وهاو الاسرائلين شقالو على الفوشيك
حيث شهد شاهد من اهلها و الجربوع هذا عضو في الكنسيت الاسرائيلي و اسمو
"يسرائيل حسون" إن إسرائيل أصبحت رهينة لصواريخ حماس!
ونزيدك زايدة ياعم الراجل
ثمة مراسل عسكري اسرائيلي قالك
رغم أن هناك أجيالا تكنولوجية طويلة تفصل بين السلاح الدقيق الذي يستخدمه الجيش، وبين القذيفة البدائية التي تطلقها حماس على عسقلان، فإنها قنبلة ذكية بفضل قوتها النفسية، لأن قذيفة واحدة أدخلت عشرات آلاف الإسرائيليين إلى دائرة الرعب!.
ثم ان لصاوريخ القسام تأثيرات عميقة الاسرائلين
كفقدانهم الثقة في اكذوبة الامن و مناعة الجبهة الداخلية
وعلى هذاكة لحظنا المدة الاخيرة مع استمرار رشق المستوطنات بالفوشيك هروب العديد من الصهاينة فمنهم من نزح شمالا في انتظار عم حسن يقوم معاهم بالواجب غادي
ومنهم من فر من اسرائيل متجها من حيث جاء
الى جانب تعطل المدارس وخلو الشوارع من المارة تقولش حظر تجول كما انو دوزة الاطباء النفسين المبعوثين للامكان المستهدفة في ازدياد
ثم انو هالكفوف المتتالية متع الفوشيك داخل الخط الاخضر وخارجه خلات الصهاينة يخرجو في مظاهرات لضغط على الحكومة للايقاف صواريخ المقاومة وخاصة انو الصواريخ ولات توقع خساير و جرحى هنا معاتش نحكيو على قسام و احد و لينا نحكيو على قسام ثلاثة و قدس
انا في بالي الفوشيك ميخرجش الناس تتظاهر

ثم انو الصواريخ جات كبديل على العمليات الاستشهادية يعني المقاومة خرجت من مأزق الحصار على تحركاتها في الداخل الاسرائيلي ببديل فاعل و ناجع

وفي لخر ننصحكم بلي نصحتكم بيه و لادة اخفضوا اصواتكم

وموش عيب راو واحد ميعرفش ميسالش ينجم يسأل باش ميطيحش في المغالطات

وموعدنا يوم النصر



7 commentaires:

kmr a dit…

merci pour les clarifications,

je tiens tout de meme a vous demander une "faveur": veuillez, s'il vous plait, traiter l'auteur de 5il w lil avec plus de respect, Azwaw est, selon la plupart des bloggueurs tunisiens, l'un des piliers de la blogosphère tunisienne, sa culture, son expérience, ainsi que simplement son age, exigent un respect énorme.

Merci d'en tenir compte la prochaine fois.

titof a dit…

وشبيه هو ما احترمش صواريخ المقاومة
و ما احترمش المقاومة نفسها

وشنوة على خاطروكبير في العمر ملزمش نقلولو راك غالط ومينجمش يكون جاهل بمعلومة

Z Y E D a dit…

je ne connais pas azwaw mais je crois que comme moi il pense qu il faut pas comparer et mettre sur le mm niveau les F16 et les rockettes et la douleur que cause l epee du bourreau ds sa main et sur le cou de sa victime
comparer les F16 et les roquettes fera de ce qui se passe une guerre alors que c une execution massive
cependant en depit de nos divergences d avis sois sur que ce que a quoi on aspire tous c une terre de palestine libre et virege de toute goutte de sang

Azwaw a dit…

كنت نتصور باش تجيب معلومات نقنية و تكنولوجية تنورنا بيهم كيف مثلا المواد المصنعة منهم هالصواريخ و المادة المحترقة الصالحة الدفعما و الشحنة المتفجرة باش تقدر و تقنيات قيادتها لكن ما جبت كان أشياء لا تغني و لا تسمن من جوع متاع مفعولها النفسي على السكان متاع عسقلان و أسدود و غيره ماذا بية تحدد مثلا المواقع الحيوية اللي تنجم إسرائيل تركزهم على بعد 40 أو 50 كلم. المقصود من تعليقي هو الإبتعاد على التهويل نظرا لمحدودية تصنيع هالصواريخ بحكم الحصار و بحكم بدائيتها من ناحية انعدام المواد الأولية فضلا على أنها من تكنولوجيات قديمة و تنعدم للقيدو و التوجيه عن بعد فهي موجهة بصفة تقريبية و لا بالإعتماد على منظومة إيلكترونية، و في الأخير العبرة بالجدوى و المردودية و مدى الدمار اللي تحدثه . لللأسف النتائج هاذي من باب التعويض النفسي لأنفسنا العاجزة على مواجهة السلاح الفتاك و المدمر اللي اليوم يقصف في الأرواح بالميات. و لا فايدة أنه نمنيو أنفسنا بانتصارات افتراضبة للأسف الشديد و أنه كيف نعبر على رأيي بها الوضوح موش معنتها أني ضد المقاومة و الشيء المؤسف و المحزن أنه في صباح الهزائم الكبرى السابقة من 48 إلى أسقوط بغداد تخمد كل الأصوات المقعقعة و اللي قبل بأيام كلانت تملى الدنيا بتباشير النصر القادم و نلفاو أنفسنا الكل في الدرك الأسفل من الإحباط و الإنكسار و نبقى يقية حياتنا نجترو في الهزيمة تلو الهزيمة و في كل مرة نعود لنفس التخميرة الإنتصارية دون اعتبار الهزيمة السابقة. هل تعلم علاش ما ثمة حتى دولة عربية تحل فمها والا تخمم تهدد الكيان الصهيوني؟ لأن إسرائيل تحت يدها 200 قنبلة نووية و لذا قضية التسلّح و المواجهة المسلحة و خاصة بعد صقوط عراق صدَّام هو من باب الخرافة. فيما عدا ذلك الرحمة لمن استشهد و لمن سيستشهد و الصبر و الجلد لمن هو تحت القصف و ـحنا ما أنجم نكون مع اخوتنا في غزة إلا بعجزنا و انكسارنا و قصورنا لأننا لم نرتق حتى لدرجة المواطنة لنؤثر بشكل من الأشكال على واقعنا فما بالك على ما يعانوه سكان غزة من دمار و تقتيل و تجويع. و اللسان راهو ما فبهش عظم.

islam_ayeh a dit…

كانك على المناطق الحيوية، صواريخ المقاومة أصبحت تهدد تل أبيب وديمونة وماك تعرف اش فما في ديمونة!!! هذه الصواريخ تستطيع حمل 5 كغ من المتفجرات !

إلى جانب ذلك، الرعب الصهيوني من صواريخ المقاومة يؤدي إلى شل النشاط الإقتصادي في مغتصبات العدو ويظهرلي تتذكر اش صار في نهاريا و حيفا في صيف 2006...

الكيان الصهيوني لا يتوسع في ضم الأراضي الفلسطينية ولا ينتعش اقتصاده ولا ترتفع نسبة المهاجرين إليه إلا في أوقات المفاوضات العبثية وسلام الجبناء.. نهج المقاومة وتوازن الرعب هو السبيل لتحرير الأرض..
ترونه بعيداً ونراه قريباً والأيام بيننا إن شاء الله !

abu arabi a dit…

والله يا تيتوف فيك النية اللى تجاوب فى خيل وليل..ياخى ماتعرفوش..جاك جديد..هاكا عندو بوست لازمو يكتبو..كتبو..خويا تيتوف فى المستقبل يعيش خويا ناقش واحد يقبل النقاش..اما البروفيسيوننال ارخيك منهم.

abu arabi a dit…

انا ما نقرالوش لكن عندى عليه فكرة واضحة...وقاعد يقوم فى اللهجة البربرية من القبر...وطبعا الحاجات هاذية معروفة ومكشوفة لكل من هب ودب..ولا فايدة باش نقللك هونية بير