vendredi 27 février 2009

التيتوفوبيا

مكنتش نتصور اني باش نمثل عقدة لعديد و العديد من المدوين بشتى افكارهم و خنارهم و انو البعض منهم باش يولي يحلم بيا ناهيك عالمدونين الي تبعثلي في رسائل سبان الوالدين و تجي تحكي في مدوناتها عالاخلاق و الحوار و احترام الاخر
حكاية ها تيتوفوبيا بدات بجملة اتهامات رافقة حملة 15جوان اول اتهام كان من كلندو وعاشور الناجي الي اتهموني زوز اني انا صاحب مدونة لا لغباء متع صحافي الغلبة مندلا الي بالمناسبة نحب نوجهلو تحية عالطريحة الي كلاها من عند بعض الناشطين في قوى الامن الداخلي لتجلطيمو على مقدسات البنفسج ونقلو تكبر تنسى
ثاني اتهام كان من سفيان الشورابي اني انا صاحب بروفيل عمار404و صاحب شخصية ابو جهل تقولش الجماعة بايتا تحلم بيا
ثالث اتهام من الزبراط اني انا ابو العربي
و الاتهام الرابع و لو انو صاحبو اعتذر عليه و منشوففش فايدة في الاعتذار و قت التدوينة متتحينش اني انا عمروش ههههمزالش تو
هيا ملا انا نبشركم و نقللكم راني انا هو الي متخبي ورا مدونة البرباش و اللص رقم و احد والطابور الخامس و فري رايس و مطرقة وحتى مسلم سابق بخلاف العشرين مدونة الي متكتم عليها للاسباب امنية
بون كنت نحب انو التدوينة السابقة تكون هيا مسك الختام على خاطر ايام قليلة تفصلني على فراق هالخندق العفن الي اسمو تونزي بلوغ وان نشالله بلارجعة
المدونة الي فاتت حبيت نوصل بها رسالة معينة للاشخاص معينين يعني مسألة انو الانسان ينحدر من قرد او من بهيم او من اي حاجة اخرى تاكل لحسشيش و انو من بعد عمل تطور كيما سيبار ماريو كي ياكل الخسة و يضرب البونيس متعنينيش و حتى الوقوف عليها لمجرد دقايق هو بالنسبة ليا مضيعة للوقت
هاذي النقطة الاولى
النقطة الثانية حكاية الاسلاموفوبيا او الخوف من الاسلام و هات من اك اللاوي انا زادة المسألة هاذي متعنينيش برشة نظر لانها تسمية لحاجة من غير اسمها
يعني الكفر اسمو كفر و الردة اسمها ردة زايد باش لطفو العبارات و نحسنوها
ثالث نقطة
و الحكاية الي محبيتش نرجعلها نقطة اغبياء لو كانو يعقلون متع سي بخار انفاسي
تو يا بخار كي انتي عديتها على دكتور الطارق الكحلاوي و بلع الطعم حسب تعبيرك و شبعت انتي وياها عليه بالضحك ومن بعد قتلك كتب عليها الغباء بون منتصورش مزال عندها وجها بعد المؤامرة الرخيصة الي عملتها
ومن بعد جبدت عليك الساش علاش كل مرة تجبدها لحكاية و تقعد تفتخر بيها كينك كي شوهتلي الصورة متاعي جبت شارون من خشمو هاو طلعت ثمة تيتوفوبيا في لحكاية و ثمة ناس تحلم بيا



8 commentaires:

jenni a dit…

يااااااااااااااااااا
باش تمشي ؟؟؟؟؟؟
خسارة
.............
من ناحيتي .. و من تجربتي معاك .. نقلّك بكل صراخة
كي تمشي كي تقعد
كي بيك كي بلاش
..............
فكّ عليك مالتدوين
و برّه حلّ مشاكلك ههههه من هاك النّوع ههههههه
راهو مهم ياسر حلان المشكلة هاذيكه للتوازن ههههههه النفسي ههههههههه
ايه ههههه ايه ههههه هاذيكه هيّ
........................
براس اللي يعزّ عليك ههه يا تيتوف هههه قبل لا تمشي و نترزو فيك ههههه احكيلنا كيفاش هنتلك هاك المصري
هههههههههههههه

abu arabi a dit…

اسلاموفوبيا وتيتوفوبيا...انا نعرفهم انهم فى الاخير باش يوصلو لحالة البشروفوبيا...او مايعبرعنه بالخوف والرهبة من البشر ككل...هؤلاء لا يمكن ان يطمئنوا الا للقردة..لهم ميل مفضوح للاستقراد...الجنس البشرى اصبح يمثل لهم تحديا خطيرا بل عدوا وهميا يتمنون ازالته عن اخره من الكوكب الارضى...المكان الطبيعى اللذى سيجدون فيه راحتهم هو كوكب اخر اسمه..لا بلانات دى سانج...اعداء البشرية هؤلاء لن يهداوا قبل سماع نعيق الغربان مؤذنا بفناء الانسان...حقد دموي مزروع فى نفسيات مشتاقة للخراب...هؤلاء هم زبانية التاريخ ..ارباب التعصب اليساري الخبيث والتطرف العلمانى البغيض...هم قتلة بامتياز..تاريخهم يدل عليهم ..بصقت عليهم الشعوب ولم يرتدعوا...تبولت على اصنامهم فى كل عواصم الدنيا ولم ينتحروا...احرقت راياتهم فى الساحات ولم يستوعبوا الدرس ..وهل استوعب سليل قرد درسا فى يوم من الايام...دعهم يناطحون الصخر..دعهم يلتهمون الاشواك اللتى زرعوها...فمالهم الفناء ولاشيء غير الفناء او الرحيل لكوكبهم اللذى ذكرته سابقا...وهناك هناك فقط سيحافظون على استمرار سلالتهم.

abu arabi a dit…

jenni ماهذا التحالف بين الجن والقردة...لن تمرروا ولو اضفتم الخنازير لصفوفكم

jenni a dit…

بولعربي
قدّاكش غبي
تيتوف يبعث في التعاليق الخامجة باسمك للعباد
و انت شادد ذيلو
قداكش غبي

abu arabi a dit…

jenni...يعطيك الصحة..غدويكا نحاول نبعثلك دينار ...حق الخدمة

jenni a dit…

ماله خلّصوك الجماعة اللي بعثوك ليهم اخيرا ؟؟

3amrouch a dit…

تيتوف
هون عليك صديقي
انت اخطات اليوم في حاجة وحدة
علاش كل مرة تجبدها لحكاية و تقعد تفتخر بيها كينك كي شوهتلي الصورة متاعي جبت شارون من خشمو
غالط راك كيف تقول تشوهتلي صورتي غالط برشة
عن اي صورة تتحدث؟ وتشوهت عند شكون؟
عند الزبلة(الجن او الجني) الي وين انت تكتب يجي يجري يعلق؟ سبحان الله وين انت وين هو تقول يسالك فلوس ولا قدمتو في حاجة؟
تشوهت عند شكون؟
عند الاستاذ الي يدرس من الثمانينات وجايبها تضحية وندرس على ضوء شمعة ونحترق باش يضوي تلميذ ومن بعد يقلك
(تخ** فيه .. و تش** منّو.. انا راني متحضّر و متربّي و هادئ و فنان و رومانسي...مع اللي يستاهل .. اما مع امثالك انت .. من الهمّال ، المعقّدين.. نولّي كلوشار كبير ... انا ولد بيران .. و ولد جبال .. و ولد عرك....... و راك ما تنجّمنيش... و انت اش ما دخــّـــل ديرّرّرّبــّك..فيّ ... ينعل دين ربّ بووووووك)
انت مستاء انو سمعتك تشوهت عند هاذم؟
انسان يقلك راني جدي قرد وكيف تهديلو كعبة بنان يخر ساجدا وتقلي تشوهت صورتي؟
انت مستاء انو سمعتك تشوهت عند هاذم؟
واحد يكتب يقلك كلكم كيف كيف (ا نت ولاهو كلكم كيف كيف )ماعادش نفرق معناه لم يقرا حتى حرف من مدونة موطني الي مافيها حتى حرف دين
مافهمتش كيفاش يتلمو هاالصفات ( متحضّر و متربّي .... نولّي كلوشار كبير ... انا ولد بيران .. و ولد جبال .. و ولد عرك ..) في انسان واحد ومن بعد يحكيلي على العقد
انت مستاء انو سمعتك تشوهت عند هاذم؟
تشوهت عند شكون؟
عند الي انت تحل الميسانجر متاعك وهو يجيك يجري ويقلك ...اسمع انا راني وليت كيفك فلان نكرهو وطلع عندك الحق هاني معاك؟؟؟ ياولدي برى ابعدني .....فوتني منكره حد راني ومنعرف حد ...منحبش لعوج اكاهو
يجيك واحد اخر يقلك اسمع ريت فلان؟ يحكي على الحرية والفكر ونحالي تعليق؟ علاش يعمل هكة؟ يضهرلي وليت نكرهم كيفك؟ ياولدي برى ابعدني قيليني قالو هاني معاك شبيني نحارب في الاندوشين انا
يجيك الاخر يقلك اسمع ريت شسمو؟ سرقلي نص متاعي وحطو من غير حتى اشارة وراو بيه وعليه وووو ومن بعد نهار بركة تسمعو يمجد ويبارك ومتسيبناش ومين لينا غيرك
تشوهت عند شكون؟
عند الي عندها انفصام شخصية (تحكي في الدين كمفكرة واختصاص عربية مبعد مكة على بوحمار) وعاملة بالموازي مدونة تصف في المقاومة بالشغب ومحلاها فيهم وسخفت على العلوش مسيكن في العيد وماسخفتش على الاطفال الرضع قاتلك يستاهلو
تشوهت عند شكون؟
عند الي لبسلي مريول في غيفارا وسيب روحو شوية (قالك بوهييمي) وعيط شوية (حرية ودم ونفديك ونموتو نموتو ويحيا البشكوتو) ومن بعد كلى كف ومشطة متع حاكم وروح فرحا مسرورا قالك انا مناضل وانت تمثل الاختراق متع السلطة ويا صباب؟
تيتوف هاذوما ناس تخاف من ظلها كيف يتبعها وتشك في روحها وفي جارها وفي خوها وهو الساحر لكبير يضحك عليهم راكب عليهم عشرين سنة وهو يسخايبو رواحهم باش يحركولو شعرة بشوية هتافات ولا مدونة؟ هههه
ريت روحك كيفاش تغلط خويا
ناس هبلهم ابو العربي الي عل راي الاخ قالك حكاية ابو العربي اللي مانستغربوش يطلع انتي ولا تيتوف) هههههه
شوف خوية الي جبدنا عليهم لحديث الكل (اكيد عرفو رواحهم واحد واحد) راهم يقعد(احب من احب وكره من كره) يقعدو اصفار،ناس فارغة ، معندهم شيء في امخاخهم ، اللهم كعبة بيرة وصحن فول
احنا مشكلتنا مع الاعشار (الناس الي تحرك في الدمى) ناس يمثلو كتلة داخل و خارج السلطة ويلعبو وراء الستارة يقولو في العلن أنهم يحبو العلمانية و انهم مش ضد الدين... لكنهم عمليا يشجعو في الاسلاموفوبيا (كيما هاك الي قالك اسلامو لوبية ههه طباخ اش تحب تعمل كل واحد واختصاصو)هاذوما ناس من شيرة يعرفو أنهم اسلاموفوبيين و تلقاهم يتصرفو بطريقة المجراب تهمزو مرافقو و من شيرة أخرى يبداو يفرفطو لا ماناش اسلاموفوبيين... يعرفو أنها مشكلة كبيرة كيف يتكشف الجزء هذاكة
هذوكة مربط الفرس
موش بابوش بو مصة الي مكبش فيك ،بعدها قالك العياش الي يفهم في فن العيشة يدعوني انا باش نتناقش معاه
سالو الكبار قالولو اشبيك ديما تنبت في اعالي الجبال موش كيفنا اللوطة
قاللهم الي يعلي يعلي روحو ....
فامتنزلش للحضيض والتونسي نفحاوي عدكم بيهم قلقو من لوبانةواااه حليلي زحف الرمال
خويا الايام اثبتت لنا صحة اختيارنا ومن صار على الدرب وصل
فمتحط شيء في بالك وراجع معلوماتك بخصوص تشويه الصرة وثق اني معاك وهاني بحثاك كان استحقيت اي حاجة
دمت بخير خويا القرصان المقنع ههههه

الله أكبر a dit…

بكل صراحة مليت البلوغ سفير من قبل ما نعمل بلوغ
ما فما كان النفاق و شقول فمي
يا تيتوف راهو عمروش إنسان رزين و عندو الحق
و ربي يكون في عون الجميع
السلام عليكم