vendredi 27 février 2009

فاصل

زعمة كنا هكة ؟ياذنوبي
راو مثمة حتى نية لتمقعير هوما قالو رانا كنا قرود بون ممكن هذا يفسر سبب التهريج متاعهم

9 commentaires:

عياش مالمرسى a dit…

هو لما حالة صحيح النرجسية متاع الإنسان تضربت مع داروين، كيف ما تضربت مع كوبرنيكس و مركزية الشمس و تضربت مبعد مع فرويد و تحطيم قوام الوعي...أما باقي لي قلتو غالط و يثبت عدم فهمك للتطور، ما كناش قرودة تيتوف، حتى القرودة لي تشوف فيهم متطورين، أما متأقلمين مع بيئة معينة و احنا متأقلمين مع بيئة أخرى.. يعني القرودة ماهمش أجدادنا، أما احنا و القرودة ليوم ننتميو لنفس الفرع الّي هو فرع الرئيسيات "البريمات" و هذا ماهوش نظرية ولاّ شي أما حقيقة بيولوجية.. أما حكاية التطور فهي تقول أننا ننحدر من نفس الفصائل الّي كل وحدة في شيرتها تأقلمت، مش احنا جينا مالقرودة. عشرة ملاين سنا لتالي كلمة قرد ماعندها حتى معنى.. افتحوا الكتب بالله

abu arabi a dit…

اشبيك يا تيتوف راقد ..اشبيك ماكشى براغماتيك...تى هاذاكا علم ياتيتوف..علم ...عرفت اش معناها علم...اذا انتى تحب ما تصددقشى العلم ..هاذيكا حاجتك...انا بصراحة بوددى انك تصددق العلم ..على خاطر حتى انا نصددق العلم...الدنيا والعلم...الله يعطينا علم على روسنا...على غير علم

brastos a dit…

الجمال و الاستيتيقا .. مسائل نسبية ياسر ..
قد يبدو لك هذا القرد .. بشعا .. لانّك لست متعوّدا عليه..او لانّه لا يستجيب لمقاييس الجمال اللي توارثتها انت على اسلافك و اجدادك و محيطك

لكن هذا لا ينفي انّو القرد .. اللي هوّ ولد عمّك بالسيف عليك .. حبيت و الا كرهت .. ينجم يكون أشبّ منّك بياسر .. موش في الفاطشة .. اما في خفة الروح ... و الذكاء

brastos a dit…

القرد .. ابن عمّك رغما عنك .. لا يتخفّى وراء اسماء مستعارة .. انثويّه .. ليمارس التجسس على من عجز على مقارعتهم بالفكرة و الحجة

القرد لا يمارس القرصنه على زملائه .. و يقع طرده من حظيرة الحيوانات .. كما حصل معك انت

القرد ، عكسك تماما ، يتّجه الى هدفه مباشرة .. و بكل شجاعة و ثقة و توازن
فلتتعلّم من ابن عمّك هذه الصفات

abu arabi a dit…

الكومنتار اللى هابطين الليلة خللاونى ننحاز لنظرية داروين رغما عننى...بصراحة حكاية اللى بعض الناس جدودهم قرودة بدات تدخل مخى...الشيء وللى بالادلة والبراهين يا تيتوف...الحق الحق ولليت ننحاز للنشوء والارتقاء

jenni a dit…

بولعربي
احكيلنا تره علاش انت ضدّ نظرية النشوء و الارتقاء
عندك حاجتين : يا تقول علاش انت ضدّها و تبيّن لنا غلطها و الا تمشي وين بعثوك الجماعة

abu arabi a dit…

jenni ...التواضع راهو موش معناتها الواحد يقوم يحكى مع الاراذل...لكن نصيحة من عندى ..حاول اتصل بديوان تربية الماشية وتوفير المرعى ...غاديكا لعلهم يدللوك لشكون يقبل يحكى مع امثالك

عياش مالمرسى a dit…

تيتوف، كيفاش تفسّر انتي أننا نتقاسموا 99 في الميا مالجينات احنا و القرد؟ كيفاش تفسر العثور على هياكل عظمية متاع حيوانات لاهي عباد لاهي قرودة؟ كيفاش تفسر المزاواة في الأعضاء بيناتنا و الشمبانزي بالعرق بالعرق؟ كيفاش تفسر أنو في حيوانات الكون هاذا الكل القرد هو الوحيد لي يستعمل أدوات نسبية التعقيد؟ حاجة أخرى و أخيرة، كيفاش تفسّر الّي حيوانات العالم الكل عندهم فصل تكاثر، إلا الإنسان والقرد، التكاثر عندهم مستمر و الأنثى تحيض؟؟؟ جاوبني عالأسئلة هاذي خويا و تو نحكيوا

3amrouch a dit…

تيتوف
هون عليك صديقي
انت اخطات اليوم في حاجة وحدة
علاش كل مرة تجبدها لحكاية و تقعد تفتخر بيها كينك كي شوهتلي الصورة متاعي جبت شارون من خشمو
غالط راك كيف تقول تشوهتلي صورتي غالط برشة
عن اي صورة تتحدث؟ وتشوهت عند شكون؟
عند الزبلة(الجن او الجني) الي وين انت تكتب يجي يجري يعلق؟ سبحان الله وين انت وين هو تقول يسالك فلوس ولا قدمتو في حاجة؟
تشوهت عند شكون؟
عند الاستاذ الي يدرس من الثمانينات وجايبها تضحية وندرس على ضوء شمعة ونحترق باش يضوي تلميذ ومن بعد يقلك
(تخ** فيه .. و تش** منّو.. انا راني متحضّر و متربّي و هادئ و فنان و رومانسي...مع اللي يستاهل .. اما مع امثالك انت .. من الهمّال ، المعقّدين.. نولّي كلوشار كبير ... انا ولد بيران .. و ولد جبال .. و ولد عرك....... و راك ما تنجّمنيش... و انت اش ما دخــّـــل ديرّرّرّبــّك..فيّ ... ينعل دين ربّ بووووووك)
انت مستاء انو سمعتك تشوهت عند هاذم؟
انسان يقلك راني جدي قرد وكيف تهديلو كعبة بنان يخر ساجدا وتقلي تشوهت صورتي؟
انت مستاء انو سمعتك تشوهت عند هاذم؟
واحد يكتب يقلك كلكم كيف كيف (ا نت ولاهو كلكم كيف كيف )ماعادش نفرق معناه لم يقرا حتى حرف من مدونة موطني الي مافيها حتى حرف دين
مافهمتش كيفاش يتلمو هاالصفات ( متحضّر و متربّي .... نولّي كلوشار كبير ... انا ولد بيران .. و ولد جبال .. و ولد عرك ..) في انسان واحد ومن بعد يحكيلي على العقد
انت مستاء انو سمعتك تشوهت عند هاذم؟
تشوهت عند شكون؟
عند الي انت تحل الميسانجر متاعك وهو يجيك يجري ويقلك ...اسمع انا راني وليت كيفك فلان نكرهو وطلع عندك الحق هاني معاك؟؟؟ ياولدي برى ابعدني .....فوتني منكره حد راني ومنعرف حد ...منحبش لعوج اكاهو
يجيك واحد اخر يقلك اسمع ريت فلان؟ يحكي على الحرية والفكر ونحالي تعليق؟ علاش يعمل هكة؟ يضهرلي وليت نكرهم كيفك؟ ياولدي برى ابعدني قيليني قالو هاني معاك شبيني نحارب في الاندوشين انا
يجيك الاخر يقلك اسمع ريت شسمو؟ سرقلي نص متاعي وحطو من غير حتى اشارة وراو بيه وعليه وووو ومن بعد نهار بركة تسمعو يمجد ويبارك ومتسيبناش ومين لينا غيرك
تشوهت عند شكون؟
عند الي عندها انفصام شخصية (تحكي في الدين كمفكرة واختصاص عربية مبعد مكة على بوحمار) وعاملة بالموازي مدونة تصف في المقاومة بالشغب ومحلاها فيهم وسخفت على العلوش مسيكن في العيد وماسخفتش على الاطفال الرضع قاتلك يستاهلو
تشوهت عند شكون؟
عند الي لبسلي مريول في غيفارا وسيب روحو شوية (قالك بوهييمي) وعيط شوية (حرية ودم ونفديك ونموتو نموتو ويحيا البشكوتو) ومن بعد كلى كف ومشطة متع حاكم وروح فرحا مسرورا قالك انا مناضل وانت تمثل الاختراق متع السلطة ويا صباب؟
تيتوف هاذوما ناس تخاف من ظلها كيف يتبعها وتشك في روحها وفي جارها وفي خوها وهو الساحر لكبير يضحك عليهم راكب عليهم عشرين سنة وهو يسخايبو رواحهم باش يحركولو شعرة بشوية هتافات ولا مدونة؟ هههه
ريت روحك كيفاش تغلط خويا
ناس هبلهم ابو العربي الي عل راي الاخ قالك حكاية ابو العربي اللي مانستغربوش يطلع انتي ولا تيتوف) هههههه
شوف خوية الي جبدنا عليهم لحديث الكل (اكيد عرفو رواحهم واحد واحد) راهم يقعد(احب من احب وكره من كره) يقعدو اصفار،ناس فارغة ، معندهم شيء في امخاخهم ، اللهم كعبة بيرة وصحن فول
احنا مشكلتنا مع الاعشار (الناس الي تحرك في الدمى) ناس يمثلو كتلة داخل و خارج السلطة ويلعبو وراء الستارة يقولو في العلن أنهم يحبو العلمانية و انهم مش ضد الدين... لكنهم عمليا يشجعو في الاسلاموفوبيا (كيما هاك الي قالك اسلامو لوبية ههه طباخ اش تحب تعمل كل واحد واختصاصو)هاذوما ناس من شيرة يعرفو أنهم اسلاموفوبيين و تلقاهم يتصرفو بطريقة المجراب تهمزو مرافقو و من شيرة أخرى يبداو يفرفطو لا ماناش اسلاموفوبيين... يعرفو أنها مشكلة كبيرة كيف يتكشف الجزء هذاكة
هذوكة مربط الفرس
موش بابوش بو مصة الي مكبش فيك ،بعدها قالك العياش الي يفهم في فن العيشة يدعوني انا باش نتناقش معاه
سالو الكبار قالولو اشبيك ديما تنبت في اعالي الجبال موش كيفنا اللوطة
قاللهم الي يعلي يعلي روحو ....
فامتنزلش للحضيض والتونسي نفحاوي عدكم بيهم قلقو من لوبانةواااه حليلي زحف الرمال
خويا الايام اثبتت لنا صحة اختيارنا ومن صار على الدرب وصل
فمتحط شيء في بالك وراجع معلوماتك بخصوص تشويه الصرة وثق اني معاك وهاني بحثاك كان استحقيت اي حاجة
دمت بخير خويا القرصان المقنع ههههه