mardi 10 février 2009

شباب صفاقس يطالب بالاستقلال


نتصور كان جا الحاج مارتن لوثر كنج حي و دقو ربي و دخل للفروم هذا راهو شرا لام و قطع عروقو و سلم في القضة متاعو
بعد الي ناس هاذم تلمون الي ضربهم التخلف وتفشى فيهم يحبو يردولنا لبلاد كالسودان و صفاقس تولي دارفور و علاش لا يجبولنا قوة متع قباعات زرق تراقب الحدود و اهوكة يولي عنا جدار عازل و الا شريط اخضر تماشيا مع موضة الحركات الانفاصلية الي خارجة هالمدة
وعلاش لا نزيدو نطورو من لحكاية و تولي ساعة كل حومة تتطلعلنا بفيديو تبعثو للجزيرة تعلن فيه الحكم الذاتي متاعها
و انفصالها و تعمللنا مليشيا
و اهوكة تولي عنا برشة امارات في تونس الفدرالية على غرار امارة المعز لدين الله بن ادريس في سوسة
و تبقى العاصمة منطقة متنازع عليها بين مليشية النادي الافريقي و عصابات الترجي الرياضي التونسي
الحاصل لين السفراء يولي اكثر من المواطنين و السكان بعد الي كل كعبتين يعملو دولة

8 commentaires:

islam_ayeh a dit…

وحدك كي تنقش يا تيتوف !
ملاحظة : طيش عليك مل اكسبلورر و دورها فايرفوكس

titof a dit…

نخدم بزوز يا اسلام ماك تعرف خوك ميرضاش بجهبة برك و كي ميبداش حالل عشرة جبهات مع بعضهم حكاية فارغة

3amrouch a dit…

hhhhhhh
و كي ميبداش حالل عشرة جبهات مع بعضهم حكاية فارغة
lol

Adem Salhi a dit…

هذي الحكاية قديمة او باش تقعد ديما في صفاقس؛ اما الحاجة اللي نموت او نفهمها هي انو هل النفخة هذي شنوة سببها؟؟ لا صفاقس مدينة خارق العادة لا الصفاقسية فيهم حاجة متميزين بيها من العباد

Sarah Ben Hamadi a dit…

je préfère en rigoler:) non, mais sérieusement,ça dénote beaucoup de choses. D'ailleurs, j'ai remarqué que le régionalisme est de plus en plus présent chez nous: swé7lia, sfé9ssia, jnédba et 08 et j'en passe.. je ne sais pas si c'est le foot qui a tout déclenché (avec les slogans merdiques entres les clubs surtout entre l'ESS et les clubs de la capitale), mais si c'est le cas, je ne pense que ça soit l'unique raison.. On crée l'union européenne en occident et nous on nous parle de principauté de sfax, et puis quoi encore?! on est tous tunisiens, alors faut arrêter ces conneries

Hamadi a dit…

Je suis sfaxien et je peux vous dire que ces gens la n'ont rien compris de la vie et disent des conneries qui ne depassent pas leurs cercles fermés.
Je suis originaire de la ville de sfax et fiére de l'être (comme la fiérté d'appartenance de chacun à sa ville) parce que j'ai un héritage précieux mais cet héritage n'est rien si il n'est pas alimenté par un échange avec mes concitoyens.

Bej a dit…

Les gens parlent de ça parce qu'il y a un problème à Sfax! Un pays ou l'anarchie totale règne, le nombre de crimes ne cesse d'augmenter, avec une infrastructure de l'age de glace, etc... Je suis tout a fait d'accord qu'ils ont torts, mais ils faut focaliser sur les causes plus qu'attaquer ces gens en direct!

abu arabi a dit…

http://abuarabi.blogspot.com/