منعرفش هالمدة سمعت انو ثمة 1200حارق تونسي موقفين في لمبدوزة الجزيرة الايطالية الي هيا في الاصل تونسية اما اهوكة في اطار عملية تقريب طالية الى سواحل التونسية قصد تسهيل عملية الحرقة تم التغاضي على هاذي الجزيرة و التفريط فيها
على كل هالعدد المهول متع الحارقين و الي كلهم من الشباب و الي في انتظار ترحيلهم من لمبدوزة الى تونس و لله اعلم اش باش يصير فيهم وخاصة مع تشديد العقوبات المسلطة على الحراقة و المتعاونين معاهم
ورغم التشديد الا انو عدد الحراقة في ارتفاع متواصل و كل مرة هاو نسمعو 40 حارق ببقبقو وسط البحر و كلاهم الحوت و هاو مرة حفنة شدوها الا ان وصل الامر ل1200يا بو قلب
1200حراق علاش ميملوش بعضهم الحراقة التوانسة مدامهم بها الاعداد المهولة و يعملو نقابة و الا جمعية اهوكة ساعة ساعة نقراو في اك البوند متع الاخبار متع الجزيرة
جمعية حراقة بلاحدود التونسية تتضامن مع حراقة المكسيك وتطالب اوبوما وحكومته بنزع الاسلاك الكهربائية من الحدود الامريكية
و الا نقابة الحراقة تصف العدوان على غزة بأنه عمل همجي و ترصد مجموعة من المساعدات لفائدة المنكوبين
اهوكة عل الاقل الحرقة تتهيكل و يولي عندها سياج سوسيال و حق الحراقين ميضيعش و علاش تصحح اتفاقيات شراكة و توأمة مع جمعيات مماثلة بهدف تطوير القطاع هذا
وتولي ثمة ايام مخصصة للحرقة ونلقاو بوندرولات في البلاد كيما البوندرلات متع المهرجنات و التظهرات الثقافية
الجمعية الوطنية للحراقة تحتفل بربيع الوطني للحرقة ايام15و16و17مارس
و الا تحي ذكرى شهداء الحرقة ماو باش يولي عندهم رموز فلوسة و جطلة و غيرو
و هكاكة عل الاقل نوليو نشوفو برشة ايطالين ملي يديهم مسخة بالدم التونسي اما م المحاكم خاصة و انو هناك شكون باش يدافعلهم على حقوقهم
بصراحة شيء مؤسف انو الشباب التونسي ولى يلوح في روحو للموت من اجل اوهام واحلام بالثروة
اما الغريب في الامر انو ضمن الحراقة ثمة ناس حاملة لشهايد اي نعم شهايد كنا نعرفو مفهوم هجرة الادمغة اما تو تقريبا في عصر تغير المفاهيم باش نولي نعرفو مفهوم حرقان الادمغة و علاش في تطور العنصر البشري الحارق من بطال متيقر الى حامل شهادة يزيد يطور الامر و بعد مديدة نسمعو بوزير حرق و الا مسؤول رفيع المستوى بون هيا العملية صايرة اما موش بالمفهوم المجرد متع الحرقة على خاطر وجهة الناس هاذم في الغالب مدينة البنوك و تذكرتهم ديما ذهاب بلا اياب
الامر هنا يخلينا بلحق ناقفو وقفة تأمل ونطرحو على انفسنا مجموعة اسألة ومنجمو نعالجو هالظاهرة او على الاقل نحدومنها الا منكونو صادقين مع انفسنا
علاش الشباب التونسي يحرق و هنا كي نحكي عالشباب نحكي عالشباب من مختلف الجنسين حتى البنات زادة و لات تحرق اي نعم البنات زادة
تصورو شمعناها بنية تحرق في الوقت الي موش هيا مطالبة فيها باش تحل دار بون ممكن حرقتهم عندها اسباب خاصة بعالم البنات منجموش نفهموها اما افهمو شمعناها طفلة وصلت تحرق
ملا خلي لولاد الي هوما مطالبين باش يحلو دار
على كل قلت انو الاسباب تتلخص في زوز محاور كبار
اسباب اقتصادية
غلاء المعيشة و تجاهل بعض الجهات و اغفالها من المخطاطات وكمل الازمة المالية بدات تبربش وهو ما ادى ببعض رؤوس الاموال من الحد من حجم استثمارتها
اسباب اجتماعية
انتشار البطالة ...الفقر...و الحاجة
بون انا متعمقتش فيهم زوز اسباب نظرا لانهم اسباب معروفة لدى الناس الكل
لكن الي باش يخيلنا نحدو من الظاهرة هاذي هو نشر الوعي والوعي الوطني
لازمنا نوعيو الشباب انو العملية الانتحارية هاذي و قوارب الموت متهزش لجنة واما لرحلة اخرى من التمرميد والعذاب هذا اولا ثانيا انو لازم زرع الروح الوطنية في الشباب انو نخليوهم يتشبثو ببلادهم مهما كانت الظروف تي احنا راس مالنا الشباب و الموارد البشرية
لعنا لانفط لا ذهب
على كل ربي يهدي ماخلق يفتحها في وجه كل حراق
على كل هالعدد المهول متع الحارقين و الي كلهم من الشباب و الي في انتظار ترحيلهم من لمبدوزة الى تونس و لله اعلم اش باش يصير فيهم وخاصة مع تشديد العقوبات المسلطة على الحراقة و المتعاونين معاهم
ورغم التشديد الا انو عدد الحراقة في ارتفاع متواصل و كل مرة هاو نسمعو 40 حارق ببقبقو وسط البحر و كلاهم الحوت و هاو مرة حفنة شدوها الا ان وصل الامر ل1200يا بو قلب
1200حراق علاش ميملوش بعضهم الحراقة التوانسة مدامهم بها الاعداد المهولة و يعملو نقابة و الا جمعية اهوكة ساعة ساعة نقراو في اك البوند متع الاخبار متع الجزيرة
جمعية حراقة بلاحدود التونسية تتضامن مع حراقة المكسيك وتطالب اوبوما وحكومته بنزع الاسلاك الكهربائية من الحدود الامريكية
و الا نقابة الحراقة تصف العدوان على غزة بأنه عمل همجي و ترصد مجموعة من المساعدات لفائدة المنكوبين
اهوكة عل الاقل الحرقة تتهيكل و يولي عندها سياج سوسيال و حق الحراقين ميضيعش و علاش تصحح اتفاقيات شراكة و توأمة مع جمعيات مماثلة بهدف تطوير القطاع هذا
وتولي ثمة ايام مخصصة للحرقة ونلقاو بوندرولات في البلاد كيما البوندرلات متع المهرجنات و التظهرات الثقافية
الجمعية الوطنية للحراقة تحتفل بربيع الوطني للحرقة ايام15و16و17مارس
و الا تحي ذكرى شهداء الحرقة ماو باش يولي عندهم رموز فلوسة و جطلة و غيرو
و هكاكة عل الاقل نوليو نشوفو برشة ايطالين ملي يديهم مسخة بالدم التونسي اما م المحاكم خاصة و انو هناك شكون باش يدافعلهم على حقوقهم
بصراحة شيء مؤسف انو الشباب التونسي ولى يلوح في روحو للموت من اجل اوهام واحلام بالثروة
اما الغريب في الامر انو ضمن الحراقة ثمة ناس حاملة لشهايد اي نعم شهايد كنا نعرفو مفهوم هجرة الادمغة اما تو تقريبا في عصر تغير المفاهيم باش نولي نعرفو مفهوم حرقان الادمغة و علاش في تطور العنصر البشري الحارق من بطال متيقر الى حامل شهادة يزيد يطور الامر و بعد مديدة نسمعو بوزير حرق و الا مسؤول رفيع المستوى بون هيا العملية صايرة اما موش بالمفهوم المجرد متع الحرقة على خاطر وجهة الناس هاذم في الغالب مدينة البنوك و تذكرتهم ديما ذهاب بلا اياب
الامر هنا يخلينا بلحق ناقفو وقفة تأمل ونطرحو على انفسنا مجموعة اسألة ومنجمو نعالجو هالظاهرة او على الاقل نحدومنها الا منكونو صادقين مع انفسنا
علاش الشباب التونسي يحرق و هنا كي نحكي عالشباب نحكي عالشباب من مختلف الجنسين حتى البنات زادة و لات تحرق اي نعم البنات زادة
تصورو شمعناها بنية تحرق في الوقت الي موش هيا مطالبة فيها باش تحل دار بون ممكن حرقتهم عندها اسباب خاصة بعالم البنات منجموش نفهموها اما افهمو شمعناها طفلة وصلت تحرق
ملا خلي لولاد الي هوما مطالبين باش يحلو دار
على كل قلت انو الاسباب تتلخص في زوز محاور كبار
اسباب اقتصادية
غلاء المعيشة و تجاهل بعض الجهات و اغفالها من المخطاطات وكمل الازمة المالية بدات تبربش وهو ما ادى ببعض رؤوس الاموال من الحد من حجم استثمارتها
اسباب اجتماعية
انتشار البطالة ...الفقر...و الحاجة
بون انا متعمقتش فيهم زوز اسباب نظرا لانهم اسباب معروفة لدى الناس الكل
لكن الي باش يخيلنا نحدو من الظاهرة هاذي هو نشر الوعي والوعي الوطني
لازمنا نوعيو الشباب انو العملية الانتحارية هاذي و قوارب الموت متهزش لجنة واما لرحلة اخرى من التمرميد والعذاب هذا اولا ثانيا انو لازم زرع الروح الوطنية في الشباب انو نخليوهم يتشبثو ببلادهم مهما كانت الظروف تي احنا راس مالنا الشباب و الموارد البشرية
لعنا لانفط لا ذهب
على كل ربي يهدي ماخلق يفتحها في وجه كل حراق
3 commentaires:
تيتوف حتى الواسطة خلات ديار برشة ناس و إلا اش معناتها ثمة ناس تقرا و حارمة رواحها من أبسط الأشياء باش يمترز و يعدي الماستير و المرحلة الثالثة و في الأخير يجي واحد مصطك و وبواسطة قوية يفك بلاصة هي في الأصل مش متاعو و لازمها خونا القراي و إلي كافح باش وصل لمستوى تعليمي مرموق. ساعات تجي تلوم تعذر و تقول علاش واحد يجازف بعمرو من أجل حرقة يا صالحة و إلا طالحة و للأسف أكثر الحرقات تنتهي بكوارث و يرجع شاب صغير لبلادو في صندوق. الله يهدي و اكهو
يموقعي المتميز كطفلة، نجم نكمل ها المقاربة بالجزء الناقص وهو علاه طفلة تحرق. الاسباب المباشرة و غير المباشرة و التاريخية و السوسيو-جيوغرافية تنجم تكون حارقة بش تكون و تزهز و تعرس. كيما تنجم تكون حارقة بش تشرى موزاريلا للبيتزا اللي ناوية تطيبها!
زعمة علاه يحرقو؟ لا عالم بنات لا عالم جن، ف ها الحالات عند الياس و انسداد الافاق، الكلو يولي حارق، ماغير تاء مربوطة.
Je ne comprends pas pourquoi tu fais la différence entre les femmes et les hommes quant a l immigration illégale.Cela existe depuis toujours , on voit les immigrants Africains hommes te femmes depuis une éternité et j ai des femmes de mon quartier "7ar9ou" il y a 20 ans . Peut etre que le nombre a augmenter mais ce phénomène existe depuis toujours . Et comme fille je te dis que les femmes ont les mêmes motifs que les hommes pour immigrer illégalement .
Walla chmjeyebni lamericia ena ?
Enregistrer un commentaire