بيدوفيل الريف و صاحب التفاحة الخامجة الفنان قنوط او لا يكون

السلام عليكم و رمضانكم مبروك شماتة في النبارة الي جايبتها تفهملها و صمو راكم تدخلو في حيط و هات من اك اللاوي و من اك الحكاية المقحولة متع ناس فاضية شغل
كيما صحيبنا متع التفاحة الخامجة كان مشى تسحر بيها و الى عصرها وشرب ماها ثماش ما يلم نموسة صغيرة في مخو راو ربي راه و هو جيبهالنا هو و اك البيدوفيل متع مناطق الظل و منعرفش علاش اختار مناطق الظل بال>ات باش يمارس فيها انحطاطو وهو يعرف كيما انا نعرف الي هو منحط بالضبط ورمز من رموز الانحطاط و موش لازم نجبدو الحكاية القديمة يا مرامدي يا معركي يلي هوايتك سبان الوالدين
عاد قلنا مناطق الظل ممكن على خاطر بلايص ضاربها الظل و مفيهاش عنين و ناس بسطاء و حدهم حد رواحهم باش يمارس المرض متاعو الي يعتبرو فن و هاي ضربة يا بوقلب و قت يجيو يحكيولك عل الفن و يبداو يعطيو فيك في دروس على الفن كينا احنا ناس ترضع في صوابعها و متفهمش في الفن و الا هابطين من تل بوعوفة
عاد سي البيبدوفيل و صحيبو مولى التفاحة الخامجة كي مخو و مولى الطبرنة لاخر زميمهم مطرقة الي نهار كامل يمجدولنا في الشراب و نحلف عليهم في ثلاثة اقوى حاجة شربوها راي كعبة جودة خلطوها بالكوكا
و الجودة هاذي موش جفال و انما كحول لشعول اك الي يشعلو بيه ببور القاز
و الغلبة وين و قت يقرنو الخمر بالفن و يقلك الفنان قنوط او لا يكون
هاذا شي موش غريب من ناس مقاتش فرصة انها توصل فنها و بالحرى معاهم هوما منجموش نحكيو على فن و انما نحكيو على غربة الفن في ظل حضور فن و غياب فنان عبارة بهيم يعرف يهجي
انا مننكرش عليهم كفنان و قوي عليهم برشة في دموناتهم الفنية باعتراف الاجانب قبل العرب انهم عندهم موهبة و ممكن تتحسن اذا تلهاو بيها و حاولو انهم يعيشو كفانين و ينحيو لوغة الفنان قنوط و غيرو وحاولو ولو للحظة فهم الواقع و استيعابو ومحاولة عكسو بطريقة انسانية و حضارية و تكون بالطبيعة طريقة شخصية حاجة اوروجينال موش نفس المعبوكة متع غيرهم يعاودو فيها مع لمسة شخصية ضعيفة برشة علا هاكة نلقاو نظرتهم للواقع ضيقة كيما تفكيرهم و نلقاوهم متخبطين في محيط ضيق هوما بناو جدرانو
منيش في دراسة نفسية و الا تحليل لحفنة السوقة او الحرافيش كيما يسميوهم جماعة الطابور على خاطر الناس هاذي بان بالكاشف انها متستحقش اكثر من انك تجبد عليها الساش و تتعدى
و الله غريبة قد ما كبيت فودكا و مالبو و مارتيني و ويسكي و غيرو في التوالت و مارسة فني بعيد عليها مصادفتش عوائق بون نعرف الي انتم الانواع الي ذكرتها تسمعو بيها سمعان و خاطيتكم
عاد قلتلكم مارسة فني و تمسكت بهويتي و عكست هويتي العربية الاسلامية في فني و مالقيت من الاخر اي الاجنبي كان الثناء و الاحتفاء على تمسكي بهويتي و تاريخي و جذوري و سط تيار و محيط من المتغيرات و المغيرات
هاذي نقطة
النقطة الثانية
صيام رمضان و نظرة الاخر و الفم الابخر و اك اللوغة
و الله صدقوني الاوربيون الي خافو منهم الحرافيش و يحبو يسقولنا نظرياتهم و يقنعونا انها بديل عن هويتنا المتخلف حسب نظريتهم عاملين جو على رمضان و البعض منهم حاول انو يصوم و حتى الموش مقتنع فانو احترم الناس و كي يفطر يتركن
على كل هاذي تدوينة خفيفة بحكم معنديش وقت تو اما نبشركم راني راجع و تو نتلهى بيكم