هنا الدوحة هنا القمة

وجاء اليوم الموعود و تلمت سادة العرب في بار الدوحة من اجل مناقشة القضايا المستعصية وبالطبيعة جابو معاهم طرف قربش و لا فتات باش يرفعوها في وجه التحديات
المشهد اقل ما يقال عنو كركوزي و اي محاولة متع نقد بناء و الا بياض هيا في حد ذاتها حكاية داخلة في حيط و معندها وين باش توصل للانو بالكاشف بان انو الناس هاذي متنجم تكون كان بوطبيلة متع رمضان التاش الوحيدة الي ينجم يعملها يصدعلك راسك بالحس ويزيد يكرزك قبل السحور

اولا باش نحكي عالفرقة الفلكلورية و الي جات بزعامة الاخ ملك ملوك افريقيا يا بوقلب كان هههه الجماعة الفاتحين قطعت عروقها باش تفتح افريقيا من عقبة للفاطمين لغيرو باش يجي ببوشة بومصة شعرو كالتل بوشوكة يقلك انا ملكها
نأكدلكم كان عقبة جا في بال بها البيعة المقطعة و انو شعر التل باش يحكم افريقيا راو عمل كي عاملت الرجال دردر فيها سطل بسيسة و قبللها لمبدوزة و كمل ايماتو غادي و نحى من راسو حكاية الفتح زايد تقولوش تكور مع المرسة جماعة تفتح و لخرى تسكر

عاد سي الاخ ضربها لينات شمسية حتى في سوق طبس يحشمو باش يبيعوها و حاطط الحطة تقولش بياع فيكس في نصبة غير مرخص لها في باب بحر و الا سمسار فاشل متع زرابي في سوق الكونترا متع الزاربي في بن قردان

سي ملك ملوك افريقيا و الفاتح متع درا شنوة و الي يعجبك في هالحكاية مسخ حوايجك و لي فحام الطرحة كلها فاتحة و كلها عاملة مزية و الله غرايب في هاليبيا حشى الي ميستهلش وبعد يقلك التوانسة ظالمينا

الحاصل السيد عمل قصة عربي تقولش عليه يحكي في برنامج رخيص على قناة 7من انتاج الطابية للهندي متع سامي الفهري و خطف الكلمة من غير حتى مينتظرها
و هذا موش غريب على حاكم عربي يعتبر النظام العدو الاول متاعو بعد الشعب الي قاعد في قفص الاتهام حتى تثبت برائته تحت شعار تهمة لكل مواطن و عربي مذنب حتى تثبت برائته

لكن ملك الدوحة و الاهو اميرها و الا دراشنوة اثبت انو 404لها عنوان واحد و لا احد فوق 404و الناس سواسية كأسنان المشط اما الحجب فال404عندما يضرب لا فرق لديه بين زعيم او مواطن كل كيف كيف

سي القذافي قلنا باش ينصرها و عالاقل يبهبر علينا شوية كبشار الاسد لكن من نقاشة صاحب السمو ظاهر بهيم و قدم قرعة و من بعد بدون اذن سيد قام و خرج

مفهمتش انا هالمهازل و العجز على ظبط النفس و خاصة انو الامر يتعلق بناس شادة مقاليد الحكم وين باش يهزنا اذا انتم عاجزين باش تكونو منظمين عالاقل علاش تحكمو في مصاير الناس و كيفاش تحبوهم يكونو منظمين
و كيما يقلك و اذا رايت رب البيت على الطبل ضاربا فلا تلمن الصبية على الرقص

الحاجة الثانية انو تم تسجيل غياب ابو تفليقة الي هاو غاطس في التحضير للانتخابات 2009عملا بالنصيحة عاند جارك لا يعيروك لكن منتصورش انو هذا السبب الي خلى ملك الجزاير يغيب و بالمناسبة هاذي نوجهلو التحية على اصرارو و عزيمتو في المحافظة على تقاليد الحكم الرءاسي المملكي العربي و نطمنو كيما طمنتو الا الانصار متخافش ميفكهالك حد

لكن انا رى انو غيابو وراه حاجة اخرى و خاصة انو الحكام العرب عندها الحاسة السادسة تلقاهش الحزين شم ريحة انقلاب و يقلك انا نخرج و هوما يتعقربو و نقعد عقاب عمري ملوح في دار مسنين في الدوحة و الا السعودية عاد شلز حمة يغني

على كل الله يصبرنا و لك الله ياغزة

ظاهرة التدخين الجزء 1

سمعت انو 2009هو عام مكافحة التدخين في تونس حسب ماحكاو جماعة الرديون نهارت ثلاثةهنا
مشكورين الاخوة انهم حكاو عالظاهرة هاذي
لكن بما انو انا من انصار الظاهرة هاذي ومن المنادين بمنح الاخ فليب موريس حفظه الله ورعاه جائزة نوبل لسلام و الادب و الفيزياء و الكل و تصنيفو ضمن العشرة الاوائل من عضماء الانسانية نظرا للابتكار العظيم الي طلعلنابيه و المتمثل في سيجارة المالبورو خاصة المالبورو احمر الي بتديك جوانح و تخليك مع كل صباح تبدى نهارك و فايضة عليك السعادة
هذا احساس مينجم يحسو كان المدخن و علا هذاكة نلقاو المدخنين يقدسو برشة الدخان و خاصة سيجارة الصباح او ما يعبر عنه في ثقافة التدخين "سقن الحياة"للانو السيجارة هاذي تخليك تفيق و تمنحك دوزة من السعادة تخليك قادر على تحدي العالم كلو و كان ضربتلك بعد سقن الحياة تنجم تمشي تحرر فلسطين و حدك انرجي كبيرة سقن بثلاثة نقاط فوق القاف
كانو الاخوة حكاو على القانةن الصادر في فيفري 98و القاضي بمنع التدخين في الاماكن العمومية و القانون هذا جا كنية مبية للقضاء على الاكثرية العرقية المدخنة للانو الدخان كيما قلتلكم تجاوز فعل اجبد و انفث الى ثقافة و ممارسة متحضرة و يخضع لطقوس على هذاكة الدخان نلقاو عندو اسماء متعددة و التفنن في اشتاق الاسماء لسقيارو مردها الحب و العشق المرتبط بين السيجارة و المدخن
دونك القانون الجائر هذا و الي منجحش و الي اصطدم بعزيمة التونسي و ارادتو القوية في المحافظة على ممرساتو و ثقافتو و روافدو و الارث الحضاري الي خلفهولو اجدادو عملا بموتو على ما مات عليه اباؤكم
و بالمناسبة هاذي نحب نحكي فازة صرتلي في مطار قرطاج من ورا الدخان
مرة في المطار شعلت سيقارو و قعدت شايخ معاه و قت جاني احد الاوربين كان قاعد موش بعيد عليا و طلب مني اني نطفي السيجارة بحكم انو مكان عمومي و بلاكة المنع قد راسي
بصراحة حسيتها ثقيلة كونو سيد براني و يحكم في سلوكي في بلادي اضافة انو السيد يحمل ملامح ايطالية و مع احترامي لشعب الايطالي ههههه
الحاصل طفيتو و كيما يقول نزار و غرقت في دخانه و اذا بيها تشد بعضها في اك البافل الرجاء التدخين في الاماكن المخصصة و هبطت الطامة و العامة و ستار ربي مسلكت كان بالسيف و الترحيم عالوالدين و تقولش شعفت بعدها خرجت و عاودت شعلت تحت شعار صامدون صامدون
الدخان صحيح اكبر قاتل و لكن ليس هناك اروع من قتل الحبيب ههه و مايموت حد ناقص عمر اضافة الى انو احنا ميتين من عند ربي
و الناس الكل نعرفو انو الكثافة في بلاد البنفسجة برشة خاصة العاصمة مع العلم انو الدخان كل عام ينقصلنا 16000جبري من البلاد
يعني عالاقل يوفرلنا 10000موطن شغل و 6000خبزة و صحن كفتاجي يا بوقلب اضفة انو يسكتلنا 16000نبار و الاهم انو يرتحنا من 3000منخرط في مليشية النادي الافريقي
الاحصائية هاذي تو بربي متساهمش في التنمية و دفع العجلة الاقتصادية
باش تقلي الدولة تخسر في الدوا
اش تخسر بربي في باكو فيرلغون و زوز حرابش راس و طشاشة فدة
ثانيا ياجماعة في بالكم انو الدخان داعم بالضبط و لاعب ارتكاز في اقتصادنا العزيز يعني اي محاولة لنيل منو هيا محاولة لنيل من اقتصادنا و مؤامرة على بلدنا العزيز تاقف وراها جهات مشبوهة
تي انا برك كان نبطل الدخان هذا اذا ممتش و الا ارتكبت جريمة الخبزة معاتش تخلطو عليها عاد لواه نضحي انا في سبيلكم و في عوض تمجدوني و تمجدو المدخنين و تاقفو في صفنا وفي وجه اعداء التدخين و الي صار واجب انو نسحبو منهم الجنسية التونسية للانو بان بالكاشف انو ميستحقوهاش لسعيهم الدائم لنيل من اقتصادنا العزيز
على هذاكة انا نادي انو 2009تكون سنة فيليب موريس
و2009تكون سنة المدخنين
و علاش لا نحيو تمثال ابن خلدون و نحطو في بلاصتو تمثال سيقارو علاه مدام العباد متعرفش ابن خلدون و تعرف السيقارو
يكون هذا الاخير احق
و على هذاكة انا ننصحكم ان كنتم تحبون بلدكم بحق انكم دخنو و دخنو لين تتخنقو فالفرد من اجل الكل
و مهما زتدم في ثمن الدخان فلسنا له بمبطلين و جعلناكم على ماقلنا من الشاهدين
و سيبوني خلي نمشي نعمل سيقارو

المراة1

دعوني احدثكم عن غالية تلك التي احببتها وكرهها كل رجال قبيلتي
غالية كانت منا و لكنها لم تكن تشبه شرقنا
فشرقنا رجولي الملامح لامكان فيه للانثى
فالانثى حسب شيخ قبلتي عار يجب مدارته
ومنذ نعومة اضافري لم اسمع رجال قبيلتي يسمون نسائهم بأسمائها فقط كانو يكنون عنها بزراعة ابليس و كنت اكره هذه التسمية كما كانت غالية تكرهها
غالية تلك التي قبروها حية للانها تجرات على رجولتهم
كان اعصارا يعصف بضعفهم المتخفي وراء رجولة زائفة و نرجسية تافهة كالخرافة التي تسكن عقولهم
غالية حلمت بشرق انثوي الملامح
ابت ان تكون شهرزدا يضرب عنقها كل صباح
او مجرد بهيمة على فراش الخليفة يقضي منها وطرا و يرميها
و اصططدمت احلام غالية بالاسطورة المتربعة في عقول اهل قبيلتي
وحين قبروها وعادو الى ديارهم يتضاحكون مبررين ضرب عنقها بأن الله اراد
لكن الله يحب غالية و انا احب غالية و الله يكره رجال قبيلتي هكذا اخبرتني غالية عندما سألتها عن الله
فلماذا سيبارك الله قتل غالية ان كان هو راضيا عنها

ماذا بعد

هذه التدوينة رد على من سمحت له نفسه الدنيئة اتهامي باني من اقف وراء مدونة بخار انفاسي ومن لف لفهم
و الصورة اهداء الى المريض زياد او فسفيساء او لا ادري ماذا

ايه القصص المههبة الي انتو عمال بتجيبوها ...هو انتو موركوش حاجة تعملوها ...غريب حال البلد وغريبة حلتكو وياها ...عمال بتجيو وبتنيلو وموش عارف ايه
بس الحكومة عرفة ايوه عرفة صدقوني دي دبيب النملة مبيفتهاش اصل المخبرين في كل حة ..عالقهوة ..و عالبار ...ومستخبين كمان في عفش البيت
دي حكاوي موش غريبة اهو انا بقلهلكم زي موصلتني من المخبرين بتعتهم
هيا الحكومة ما بتشغلش الا بالحرامية عرفين ليه وعرفين مين هوما الحرامية انا موش حقلكم المر دي عشان لما حقولكم الحكومة حتزعل و موش حيصلي طيب خالص
انا عارف كويس انكو موش فاهمين بس فيه اتنين منكم هوما الي فاهمين و الاتنين دول هوما الحكومة و انتو بقى الحرامية ايوه
انتو الحرمية
انتو الي سرقتو واقتلتو وبعدين جيتو بتلطمو زي الوليا ال ايه عوزين يموتنا
روح ياشيخ جاتك نيلة هو انا عارف اصلا افك شيفرة الخزنة عشان اموتك
و الا التنية ام بتحكاني ال ايه الحكومة ظالمة
يامفترية هو فيه حكومة بتظلم اما ناس بصحيح
بس انتي شفتي الناس الي عمال تشتم في الحكومة اكيد لاء...عشان كده لما بتتكلمي عالحكومة اوعي وبحذرك اوعي تقولي عن الحكومة ظالمة عشان الحكومة مبترحمش و لحمها مر
والواد الامور الحليوة ابو شعر مسبب و الواد التاني الحليوة بس شعرو مو مسبب زي الاولاني عمال بيلعبو عالترعة وكانو عاوزين يسرقو الجاموسة بتع سعت العمدة عشان يبيعوها في السوق السودة اصل سعر اللحمة بقى نار الايام دول و لحد سائل عالفقيروالغلبان غير ربنا
بس دي لحمة جاموسة ...ولحمة الجاموسة مهرها غالي ....ودي موش اي جاموسة جاموسة سعت العمدة
بس الواد الحليوة الامور ابو شعر مسبب ..مقدرش يبيع الجاموسة ..عشان اصلو ذهب
وراجل مقدعة بصحيح و امور وحليوة
وسمعني اقدع سلام

نظفولي البطاقة عدد3 يهديكم ورجعولي حقوقي التدوينية لنقرصن واحد ههه

بعد التدوينة هاذي كنت نتمنى انو ردة الفعل تكون بنفس السرعة الي كانت فيها ردود الافعال على اتهامي بالقرصنة الله غالب طبيعة في التونسي عامة و جماعة تونزي بلوغ خاصة انهم كي يغلطو ميعترفوش بغلطهم ثم شكوني انا باش نطلب من عند عباقرة التاريخ الي مهمش مقصرين الحق في نضالهم و تضامنهم ...الي يسمع يقلك الجماعة نهار كامل في اعتصمات و المتركات تخيط....باش ينورونا و ينحيولنا من مخخنا الغبرة والخرافة الي عندها 14قرن
عادة عالاقل قلت الجماعة تتكرم و ترجعلي حقوقي المدنية وينظفولي البطاقة عدد3الي تخولي نشترك في المدونات الجماعية
يعني منستناش باش نطلب منهم انهم يرجعوني لمدونة لا للحجب على الاقل
و انما تم العملية بصفة الية بالطبيعة اذا ما كانتش هناك اسباب اخرى و قتها تولي حكاية اخرى و من حقي الي قايمين عالمدونة هاذي يفسرولي علاش خاصة و انو نخمم باش ننسحب من مدونة عبر انها تونس بعد مولات منتدى متع سكارجية ضاربتهم الاسلاموفوبيا و حاوية متع افراغ عقد و كراهية للاسلام و المسلمين و بدات تحرق في ميثاقها القاضي بالتنويع باش هكاكة منسقطوش في التكرار
ثانيا حكاية مدونة الزبراط الي تقرصنت و الجماعة الكل شبت فينا
نحب نسئل سؤال برك ونمشي ياخي متأكدين الي الزبراط مدونتو تقرصنت ؟؟؟
ياخي عندكم دليل الي موش هو فسخها ؟؟؟
واخر قولي
لاحوار مع الاوباش

هنا يرقد الزبراط بسلام
بعد اغتياله على يد قوى الظلام المسلمين يعني

حول اصل الانواع لداروين

بالرغم اني سبق وقلت انو نظرية داروين متعنينيش و انو بالنسبة ليا الخوض فيها مفروغ منو نظر للانو الموضوع هذا كنت تعرضتلو في حياتي تو قرابة 6و 5سنين في مقاعد الدراسة وخذا حقو من نقاش ودراسة نقدية وقعدت النظرية مجرد انتاج انساني يقرافقط كتاريخ للعلم لا ليأخذبها
بون الي لاحظتو عند انصار النظرية هاذي و الي هوما الكل ملاحدة اصرارهم على الاقرار بصحة هاذي النظرية برغم البراهين الي اسقتطها وهذا يعود الى التوظيف الشخصي و اللااخلاقي لنظرية هاذي بما هيا قايمة في مبدئها على الصدفة و فكرة الغاء الاله الخالق
و هنا الاقرار بحتمية النظرية هاذي هو تعارض واضح مع مبدىء العلم الي قايم على الاحتمال اي انو اي نظرية علمية لايمكن اضفاء صفة الحقيقة المطلقة عليها
علا هذاكة قلت انو النظرية هاذي وظفت لاسباب طابورية لاعلاقة لها بالعلم
بون نظرية التطور الي ظهرت في القرن 19على يد تشارلز داروين الي صاحب الاهانة البيولوجية الموجهة الى الانسان الغربي و الي خلاتو يبحث في اصلو من بعد متهزت نرجسيتو بزوز اهانات اخرين
المهم تشارلزداروين في كتابو اصل الانواع الي بالمناسبة نشكر عاشور انو وفرلي نسخة خلاتني نتأكد الي انا على حق و نزيد من المضي في الرمي بعرض الحائط بهذه النظرية وقراتها كقراة تاريخ لتاريخ العلم

عاد قلنا انو تشارلز في كتابو اصل الانواع سنة 1859انكر فكرة الخالق وكان العالم بالنسبة ليه و الاحياء ومكوناتو جات نتيجة صدفة

و الكتاب وقتها حسب مانتذكر وقت حكالنا استاذ الفلسفة انو لقى رواج كبير برشة حتى اكثر من رواج اللبلابي في بلادنا والرواج هذا موش مردو المحتوى العلمي للكتاب وانما المحتوى الايديولوجي على خاطر الكتاب هذا مثل سند قوي برشة للفلسفة المادية الملحدة وعلى هذاكة انصار الفلسفة المادية الملحدة سارعو الى تبني النظرية هاذي و حتى اليوم مزالو متبنينها ومن اهمم في الوقت هاكة ماركس واضع الفلسفة المادية الي هدى كتابو لتشارلز وكتب في الاهداء اشد المعجبين

مزلنا ديما في التقديم و خلي نحط النظرية في اطارها التاريخي و قت طلعت فيه على خاطر الاطار تاريخي لاي نظرية يرفع الملبسات و يوضح برشة حاجات

الكلنا نعرفو انو اوربا في الوقت هاكة كانت تخضع للكنيسة الي كانت ترى في العلم تهديد واضح لوجودها على هذاكة كان العلم بمثابة الجريمة و نتذكرو اي انسان يقر بكروية الارض راصو يتضرب
و بالتالي كان الجهل متفشي بصفة غريبة وكان اوربا القرون الوسطى تعيش في الظلام علا هذاكة العلم كان يخوض في صراع مع الدين و بالتالي لازمو نظرية يحطم بيها عدو الكنيسة وقلت الكنيسة ومقلتش الدين على خاطر دين الاسلام يتوافق مع العلم و يشجعو ويدعو الى الاخذ بالسبل و علا هذاكة قال ابن الجوزية ان توافق العلم و الدين حتمي
بون كيما لاحظنا الاسباب الانف ذكرها خلات النظرية الدروينية تاخو مكانها و تستعمل في اكثر الاحيان لغير غرضها العلمي

يرى داروين انو الانواع الكل جات من سلف واحد واحد مشترك ثم انفصلت وتطورت بمرور الزمن وداروين لم يستطع تقديم اي برهان يثبت به صحة النظرية متاعو وكان على وعي كبير بالحقايق الي تعارض النظرية متاعو على هذاكة اظطر الى اضافة فصل اخر في كتابه مشاكل نظريته وكان يأمل انو المشاكل هاذي يتم تجاوزها بتطور العلم و تقدمه ولكن العلم فاجىء داروين بدحض نظريته فكلما تقدم العلم اسقطت هذه النظرية الي اعتمدت في تحقيقها التقدم العلمي المستقبلي

يقول داروين ان لم يثبت العلم نظريتي فهي باطلة ويتساءل كيف نشأاول خلق ولايتطرق داروين ابدا لهذا الموضوع الذي من الواضح انه سيخلق مشكلة كبيرة في نظريته و انما يوضح كيف بدا الخلق مقدما الاجابة و هاذه ليست اجابة وهذا التصور يعود الى تخلف العلم في عصره الذي اعتبر ان القضية و الانسان مشروع دراسة بسيط

فالخلية اليوم تدرس و ينكب عليها الاف الباحثين المعاصر لمحاولة فك اسرارها الخلايا الدماغية مثلا فما بالك قبل قرن يحدثك انسان عن اصل الخلق ؟؟؟

اعتقد تشارلز انو الاحياء يمكن ان تصدر من غير الاحياء كضفادع التي تصدر من الطين الامر اشبه باساطير الاولين او تلك الحكايات التي كانت تحدثنا بها جدتنا قبل النوم عن الضفدع الاخضر الشجاع الذي يبعث من الطين و يتحول الى امير ههه جدتي تؤمن بالتطور رحمها الله من ضفدع الى امير

او الحشرا تنبعث من فضلات الطعام كبقايا اللحم التي ينبعث منها الدود لكن العلم اثبت ان الدود يأتي من بيوض الذباب التي تنقلها الى اللحم

ولعل تجربته الطريفة الي حط القمح فوق لقشة و قعد يستنى في ظهور الفيران غنية عن اي تعليق

امام تقدم العلم برشة علماء نقضو النظرية و اهمهم باستور و الكسندر و عديدون اخرون

و المعروف في عصر داروين انو الجراثيم كانت تنشىء من اجسام غير حية فكرة تلقى رواج كبير عند الناس
لكن بعد 5سنوات من نشر نظرية اصل الانواع الي قايمة عليها فكرة التطور يدحضها باستور من خلال العديد من التجارب ليستنج من خلا مقولته
ان زعم في انبساط الحياة من مواد غير حية ليس صحيحا ابدا مع العلم انو باستو كان من اكبر المؤمنين بنظرية داروين ومن بعد في اوائل القرن العشرين جا العالم الروسي الكسند اولفر و الي كان يبحث في اصل الانواع بغاية شرح ظهور الخلية الاولى التي وحسب داروين الخلية الاولى الي نشأت منها الاشياء

وحاول هذا الاخير في الثلاثينا تقديم فرضيات بصحة نظرية داروين لكن جميع محاولات فشلة و انتهى للاعتراف بالاتي من المؤسف أن قضية ظهور الخلية الأولى تعد أظلم نقطة في نظرية التطور ، وانتهت جميع التجارب أن هذه العملية التي عجزت عقول البشر جميعاً مع كل التقدم التقني عن تحقيقها قد تمت سابقاً عن طريق المصادفات
داروين بنى نظريته انو الاشياء الغير حية ممكن تخرج منها الاشياء حية و بالتالي الفكرة لولة متاعو انو الكون كان صخور و حجارة وهاتي من اك القربج الموش حي لكن العلم رفض هذه النظرية مقرا باستحالة استخلاص شيء غير حي من شيء حي

التطور العلمي الذي امل فيه داروين اسقط نظريته اسقطت الميكروسكوبات و التقنيات الحديثة ما بناه هو على تصورات و فراضيات
كذلك نقض فرويد هوي نظرية داروين علم الرياضيات و الفلك نظرية داروين بقوله

: فقال : إن ظهور خلية حية في الوجود نتيجة المصادفات يشبه ظهور طائرة بوينك ، وقتها كان 747 ، الآن هناك 777 ، عن طريق المصادفات نتيجة هبوب عاصفة على محل لأدوات الخردة ، فيستحي أن تظهر خلية من مادة غير حية كظهور طائرة بوينك 747 من محل خردة حديد ، ظهرت عاصفة ، قام فظهرت طائرة .

لقد أظهر علم الكيمياء الحيوي أنه ليست الخلية هي التي تملك تلك النظم فحسب ، بل إن الجزئيات ( دي إن إي ) الموجودة في نواة الخلية كل خلية بجسمنا فيها غلاف ، و هيولى ونواة ، بالنواة ( دي إن إي ) ، لما يتأكدون من شخصية إنسان ، فإن نواة الخلية تملك تصميما معقدا ومذهلا

يتبع