بلوغ البلفدار دافعوا عن اصلكم يا احفاد القردة

حبيت قبل ما نعمل تدوينة نوضح فيها سبب رفضي لنظرية داروين وعلاش نعتبرها نظرية بالية ومعاتش توكل الخبز و التوظيف متاعها خرج عن اطارو العلمي لينتقل الى اطار طابوري
عياش من المرسى كان طرح جملة من الاسئلة حول اشتراك الانسان مع اجداده في عدة اصعدة كالجيينات و غيرو
و بالمناسبة نحب نحيه على دعمو لسفيان دافيد في الفايس بوك الي حسب تعبير هذا الاخير انو انا و سي عمروش ناس عنا اسبري بلوكي و منكذبش عليكماو مرة نحس بالفخر كي ناكل سبة خاصة انها من عند اسرائيلي
يعني اذا اعتبرك اسرائيلي انك من المتطرفين و انكمن اصحاب الافاق الضيقة فذلك دليل الي انتي على صواب و اما اذا بدى يشكر فيك كيما قاعد يشكر في عياش و غيرو من المدونين الي عاملة قروبات بالشراكة مع جماعة اسرائلين و يدافعو على الحرية الجنسية فس تونس
فماذابيك و حدك في وحدك تسمي مدونتك الطابور الخامس
ثاني حاجة و قت سي العياش يجي يحكي ورب عذر اقبح من ذنب و يقلك ما تهمتكش انك انتي عمروش و انما مثماش فرق في التفكير و الافكار
هنا نستغرب ونتسائل ياخي بالنسبة ليك مليار ونص مسلم يخمو كيف كيف ....وزعمة قريتها انتي مدونتي الي فيها اكثر من 100بوست مفيهم كان واحد والا اثنين يحكيو عالدين
بينما الطابع الغالب في مدونة زيغ زاغ و الطابع الديني .....وكي يجي واحد يصبكم في خانة وحدة تقلو كيفاش بينما انتم صابين مليار و نص الي بالمناسبة كل يوم قاعدين يزيدو وكل ما انتم طالبتم بمكسب علماني يعملولكم قناة دينية
على كل بما انو الموضوع الي طرحتو سي عياش تحبلو شوية وقت هاو طرف بنان صبر بيه انتي وجماعتك رواحكم حتى نحضرلك البوست

واصل في الدفاع عن اصلك
انا اساند لاخر رمق وكان لزم تو نوصيلك على مضمون من البلفدار

نظرية نشوء وتطور اللية في علاقتها بالاسلاموفوبيا
لبراسطوس

اكبر بهناس في البلوغسفار
فنان ويحب البنان
(بربي بلا ايحاءات)ههههههههههه

ماله خلّصوك الجماعة اللي بعثوك ليهم اخيرا ؟؟

27 février 2009 15:22

3amrouch a dit...

تيتوف
هون عليك صديقي
انت اخطات اليوم في حاجة وحدة
علاش كل مرة تجبدها لحكاية و تقعد تفتخر بيها كينك كي شوهتلي الصورة متاعي جبت شارون من خشمو
غالط راك كيف تقول تشوهتلي صورتي غالط برشة
عن اي صورة تتحدث؟ وتشوهت عند شكون؟
عند الزبلة(الجن او الجني) الي وين انت تكتب يجي يجري يعلق؟ سبحان الله وين انت وين هو تقول يسالك فلوس ولا قدمتو في حاجة؟
تشوهت عند شكون؟
عند الاستاذ الي يدرس من الثمانينات وجايبها تضحية وندرس على ضوء شمعة ونحترق باش يضوي تلميذ ومن بعد يقلك
(تخ** فيه .. و تش** منّو.. انا راني متحضّر و متربّي و هادئ و فنان و رومانسي...مع اللي يستاهل .. اما مع امثالك انت .. من الهمّال ، المعقّدين.. نولّي كلوشار كبير ... انا ولد بيران .. و ولد جبال .. و ولد عرك....... و راك ما تنجّمنيش... و انت اش ما دخــّـــل ديرّرّرّبــّك..فيّ ... ينعل دين ربّ بووووووك)
انت مستاء انو سمعتك تشوهت عند هاذم؟
انسان يقلك راني جدي قرد وكيف تهديلو كعبة بنان يخر ساجدا وتقلي تشوهت صورتي؟
انت مستاء انو سمعتك تشوهت عند هاذم؟
واحد يكتب يقلك كلكم كيف كيف (ا نت ولاهو كلكم كيف كيف )ماعادش نفرق معناه لم يقرا حتى حرف من مدونة موطني الي مافيها حتى حرف دين
مافهمتش كيفاش يتلمو هاالصفات ( متحضّر و متربّي .... نولّي كلوشار كبير ... انا ولد بيران .. و ولد جبال .. و ولد عرك ..) في انسان واحد ومن بعد يحكيلي على العقد
انت مستاء انو سمعتك تشوهت عند هاذم؟
تشوهت عند شكون؟
عند الي انت تحل الميسانجر متاعك وهو يجيك يجري ويقلك ...اسمع انا راني وليت كيفك فلان نكرهو وطلع عندك الحق هاني معاك؟؟؟ ياولدي برى ابعدني .....فوتني منكره حد راني ومنعرف حد ...منحبش لعوج اكاهو
يجيك واحد اخر يقلك اسمع ريت فلان؟ يحكي على الحرية والفكر ونحالي تعليق؟ علاش يعمل هكة؟ يضهرلي وليت نكرهم كيفك؟ ياولدي برى ابعدني قيليني قالو هاني معاك شبيني نحارب في الاندوشين انا
يجيك الاخر يقلك اسمع ريت شسمو؟ سرقلي نص متاعي وحطو من غير حتى اشارة وراو بيه وعليه وووو ومن بعد نهار بركة تسمعو يمجد ويبارك ومتسيبناش ومين لينا غيرك
تشوهت عند شكون؟
عند الي عندها انفصام شخصية (تحكي في الدين كمفكرة واختصاص عربية مبعد مكة على بوحمار) وعاملة بالموازي مدونة تصف في المقاومة بالشغب ومحلاها فيهم وسخفت على العلوش مسيكن في العيد وماسخفتش على الاطفال الرضع قاتلك يستاهلو
تشوهت عند شكون؟
عند الي لبسلي مريول في غيفارا وسيب روحو شوية (قالك بوهييمي) وعيط شوية (حرية ودم ونفديك ونموتو نموتو ويحيا البشكوتو) ومن بعد كلى كف ومشطة متع حاكم وروح فرحا مسرورا قالك انا مناضل وانت تمثل الاختراق متع السلطة ويا صباب؟
تيتوف هاذوما ناس تخاف من ظلها كيف يتبعها وتشك في روحها وفي جارها وفي خوها وهو الساحر لكبير يضحك عليهم راكب عليهم عشرين سنة وهو يسخايبو رواحهم باش يحركولو شعرة بشوية هتافات ولا مدونة؟ هههه
ريت روحك كيفاش تغلط خويا
ناس هبلهم ابو العربي الي عل راي الاخ قالك حكاية ابو العربي اللي مانستغربوش يطلع انتي ولا تيتوف) هههههه
شوف خوية الي جبدنا عليهم لحديث الكل (اكيد عرفو رواحهم واحد واحد) راهم يقعد(احب من احب وكره من كره) يقعدو اصفار،ناس فارغة ، معندهم شيء في امخاخهم ، اللهم كعبة بيرة وصحن فول
احنا مشكلتنا مع الاعشار (الناس الي تحرك في الدمى) ناس يمثلو كتلة داخل و خارج السلطة ويلعبو وراء الستارة يقولو في العلن أنهم يحبو العلمانية و انهم مش ضد الدين... لكنهم عمليا يشجعو في الاسلاموفوبيا (كيما هاك الي قالك اسلامو لوبية ههه طباخ اش تحب تعمل كل واحد واختصاصو)هاذوما ناس من شيرة يعرفو أنهم اسلاموفوبيين و تلقاهم يتصرفو بطريقة المجراب تهمزو مرافقو و من شيرة أخرى يبداو يفرفطو لا ماناش اسلاموفوبيين... يعرفو أنها مشكلة كبيرة كيف يتكشف الجزء هذاكة
هذوكة مربط الفرس
موش بابوش بو مصة الي مكبش فيك ،بعدها قالك العياش الي يفهم في فن العيشة يدعوني انا باش نتناقش معاه
سالو الكبار قالولو اشبيك ديما تنبت في اعالي الجبال موش كيفنا اللوطة
قاللهم الي يعلي يعلي روحو ....
فامتنزلش للحضيض والتونسي نفحاوي عدكم بيهم قلقو من لوبانةواااه حليلي زحف الرمال
خويا الايام اثبتت لنا صحة اختيارنا ومن صار على الدرب وصل
فمتحط شيء في بالك وراجع معلوماتك بخصوص تشويه الصرة وثق اني معاك وهاني بحثاك كان استحقيت اي حاجة
دمت بخير خويا القرصان المقنع ههههه

زعمة انا عمروش وهو تيتوف
و الا هو عمروش و انا تيتوف

التيتوفوبيا

مكنتش نتصور اني باش نمثل عقدة لعديد و العديد من المدوين بشتى افكارهم و خنارهم و انو البعض منهم باش يولي يحلم بيا ناهيك عالمدونين الي تبعثلي في رسائل سبان الوالدين و تجي تحكي في مدوناتها عالاخلاق و الحوار و احترام الاخر
حكاية ها تيتوفوبيا بدات بجملة اتهامات رافقة حملة 15جوان اول اتهام كان من كلندو وعاشور الناجي الي اتهموني زوز اني انا صاحب مدونة لا لغباء متع صحافي الغلبة مندلا الي بالمناسبة نحب نوجهلو تحية عالطريحة الي كلاها من عند بعض الناشطين في قوى الامن الداخلي لتجلطيمو على مقدسات البنفسج ونقلو تكبر تنسى
ثاني اتهام كان من سفيان الشورابي اني انا صاحب بروفيل عمار404و صاحب شخصية ابو جهل تقولش الجماعة بايتا تحلم بيا
ثالث اتهام من الزبراط اني انا ابو العربي
و الاتهام الرابع و لو انو صاحبو اعتذر عليه و منشوففش فايدة في الاعتذار و قت التدوينة متتحينش اني انا عمروش ههههمزالش تو
هيا ملا انا نبشركم و نقللكم راني انا هو الي متخبي ورا مدونة البرباش و اللص رقم و احد والطابور الخامس و فري رايس و مطرقة وحتى مسلم سابق بخلاف العشرين مدونة الي متكتم عليها للاسباب امنية
بون كنت نحب انو التدوينة السابقة تكون هيا مسك الختام على خاطر ايام قليلة تفصلني على فراق هالخندق العفن الي اسمو تونزي بلوغ وان نشالله بلارجعة
المدونة الي فاتت حبيت نوصل بها رسالة معينة للاشخاص معينين يعني مسألة انو الانسان ينحدر من قرد او من بهيم او من اي حاجة اخرى تاكل لحسشيش و انو من بعد عمل تطور كيما سيبار ماريو كي ياكل الخسة و يضرب البونيس متعنينيش و حتى الوقوف عليها لمجرد دقايق هو بالنسبة ليا مضيعة للوقت
هاذي النقطة الاولى
النقطة الثانية حكاية الاسلاموفوبيا او الخوف من الاسلام و هات من اك اللاوي انا زادة المسألة هاذي متعنينيش برشة نظر لانها تسمية لحاجة من غير اسمها
يعني الكفر اسمو كفر و الردة اسمها ردة زايد باش لطفو العبارات و نحسنوها
ثالث نقطة
و الحكاية الي محبيتش نرجعلها نقطة اغبياء لو كانو يعقلون متع سي بخار انفاسي
تو يا بخار كي انتي عديتها على دكتور الطارق الكحلاوي و بلع الطعم حسب تعبيرك و شبعت انتي وياها عليه بالضحك ومن بعد قتلك كتب عليها الغباء بون منتصورش مزال عندها وجها بعد المؤامرة الرخيصة الي عملتها
ومن بعد جبدت عليك الساش علاش كل مرة تجبدها لحكاية و تقعد تفتخر بيها كينك كي شوهتلي الصورة متاعي جبت شارون من خشمو هاو طلعت ثمة تيتوفوبيا في لحكاية و ثمة ناس تحلم بيا

فاصل

زعمة كنا هكة ؟ياذنوبي

راو مثمة حتى نية لتمقعير هوما قالو رانا كنا قرود بون ممكن هذا يفسر سبب التهريج متاعهم

Il était une fois......3

مضت اربع سنوات على رحيلك
لكني ابد ا لم انسى
و جهك المشرق
المرتسم في صفاءكما يرتسم القمر في الليال الصافية على وجه المياه
رحلت للاربع سنوات
و ضللت انا انتظر كل صباح في ذاك المقهى المثقل بغبار المدينة ابحث في عبث عم من تشبهك
عن من تراقص بن الصباح و تغرس انفها في رئحته و ترتجف في لذة لعبقه
عمن تملىء مكانك و تمارس طقوسك الصباحية
و مضت اربع
و عدت ..
دونما موعد دونما سابق اعلام
عثرت عليك صدفة كما عثرت عليك اول مرة
كنت الى طاولتي اصافح الوجوه بنظري و مررت على طاولتك ..وكنت هناك
اكتفيت بأن ابتسم و اراقب في صمت
طلبت قهوتك كالعادة و مع قهوتك شعرت اني استرد شيئا ثمينا فقد مني منذ زمن
و غرقت في صمتي و حبست انفاسي انتظر ان تبدائي في طقوسك الصباحية
و رفعت القهوة عن طاولة وشعرت بتوتر يسري في جسدي و لكنك لم تغمس انفك في رائحة بنها الممتزجة بطيبة هذا الوطن و اكتفيت برشفة غبية كغباء انتظاري منذ اربع سنوات
و مضيت ترتشفين و سط ذهولي و انكماشي
و لم تمغضي عينيك و لم تسري تلك الرجفة الخفيفة في جسدك
و علمت ان شيئا ما قد تغير
و قمت متثاقلة على غير اخر مرة ر ايتك فيها
و استدرت نحوي
و شاهدت بطنك المنتفخة في هزيمة
و غادرت مسرعا لاختفي في صخب الزحام

Il était une fois......2

نظرت الي في دفىء غريب لم اعهده فيها من قبل و علت شفتاها ابتسامة متثاقلة كتثاقل برد الشتاء الزاحف الى اجسادنا في جنون
و للاول مرة اكتشف ان لها ابتسامة اسرة بهذه الروعة
اخبرتني انها ستترك المدينة و ربما تعود في الاسبوع المقبل او الذي يليه
حاولت ان انتفض رافضا لاخبرها اته لادع من وعود لن تتحقق فأنا ادرك كما هيا تدرك سر جمال ابتسامتها انها لن تعود

و اني لن اراقبها ثانية و هي تمارس طقوسها اليومية على قهوة الصباح

Il était une fois......

في ذاك المقهى المثقل بغبار المدينة
كم كان يحلو لي مراقبتها وهي تمارس طقوسها اليومية على قهوة صباح ...ترفع الفنجان في ثقة عن الطاولة و تغرس انفها في رائحة البن الممتزج بعطر طيبة هذا الوطن ومن ثم تغمض عينيها في تلذذ باهت و سرعان ما تسري رعشة خفيفة في كامل جسدها
وماتكاد تخفت عنها الرعشة حتى تنطلق مسرعة لتغادر المقهى و تختفي في صخب الزحام

حبولوجيا

وابتسمت له في دفىءو قالت له احبك وقدمت له قهوة (بدواء الفار

وشفط من الفنجان شفطتين وسقط على الارض يفرفت
وقال لها بحرارة الروح

الحبّ ليس رواية يا حلوتي, بختامها يتزوّج الأبطال
.......

انت فين و الحب فين

هيا ا سيدي ماو قالك احنا بلد الفرح الدائم يلزمنا ديما اعياد وديما كشخنا محلولة كشكارة الخيشة مبهللين بالفرحة و مزبهلين و المشكلة انو العرض عنا اقل من الطلب يعني ديما قد منعملو اعياد نلقاو رواحنا مونك على هاكة و في اطار كرسي غانا لحوار الحضارات و لينا نستوردو في الاعياد باش نسدو بيهم في نقص هذا و هكاكة نحافضو على سمعتنا و مصداقيتنا في كونا بلد الفرح الدائم بلامنازع
المرة هاذي موعدنا مع عيد الحب ايههههه و ما ادرك مالحب بجميع تجلياته الانبطاحية و الفسفورية و المحورية لكن التسمية هاذي متعكسش الممارسة على خاطر العيد هذا هو عيد عشاق و نظلموه الحب كان نحصروه في مفهوم العشق على خاطر الحب اشمل من حب كازي لفتاة و اما يتجاوز المفهوم الضيق هذا الى مفهوم اخر اوسع و اشمل ومنتصورش اصحاب العقول الضيقة باش تفهو خاصة الناس الي تخخص نهار للحب للانو وكل بساطة الحب ملزموش عيد وملزموش نهار نحتفلو بيه الحب حاجة ممتدة و عيب نحصروها في نهار ونحددوه بتاريخ يعني و احد تلقاه هازز وردة و الى محشي تحت كلتوسة لا لشيء للانو نهار هذاكة لازمو يعبر فيه عن الحب
تره خلوينا نحكيو على على عيد العشاق و نسميو الاشياء بأسمائها انا نتذكر عامين لتالي في عيد الحب قامت لقيامة بين زوز و قريب طيح لرواح و الحكاية هاذي حكيت فيها على خاطر و احد شد اختو تتمعشق مع كازي و كلالو القلب متاعو و هوما ديجا زوز فروخ مراهقين جايبلها وردة اطول منو و قامت القيامة و لينا كالصعيد و ضارب و مضروب لوجه الصباح
احنا ناس عنا تقاليدنا وعوايدنا يعني ناس تدخل من البيبان موش مالشبابك الي عندومشاعر نبيلة كيما هكة ميحصرهاش في وردة و ترنديفة في خربة وانما الطفلة الي حاشتو بيها يهز وردة و يدقدق على دارهم
و شوف باش تجبوهالي حسن نية و هات من اك اللاوي احنا راو شباب و نعرفو بعضنا مليح كش نخمو يعني اك الحب العذري زايد باش تحكيولي عليه اللهم ماحالة شاذة و الا زوز يتحفظو وميتقسوش عليهم
ثاني حاجة صيادة الماء العكر بدات تخدم قالك شنوة الاسلام محرم علينا الاحتفال بالعيد هذا اي صحيح الاسلام محرم يا بهايم على خاطر و يحب يعمللكم شخصية موش تعبو في الغرب كالهوايش و كينو درا فاش يوكلو فيكم
شبيهم هوما ميحتفلوش بأعيادنا
و الا احنا اعيادنا كل معاقة و اعيادهم هوما صحيحة
ثالث حاجة بالله شكون ينجم يحتفل و غزة مزالت تسيق في الثنايا من الدم الي تراق في شوارعها
على كل ربي يهدي و حبو بعضكم راو الحب باهي و النبي صلى الله عليه و سلم و صى على سابع جار

شباب صفاقس يطالب بالاستقلال

نتصور كان جا الحاج مارتن لوثر كنج حي و دقو ربي و دخل للفروم هذا راهو شرا لام و قطع عروقو و سلم في القضة متاعو
بعد الي ناس هاذم تلمون الي ضربهم التخلف وتفشى فيهم يحبو يردولنا لبلاد كالسودان و صفاقس تولي دارفور و علاش لا يجبولنا قوة متع قباعات زرق تراقب الحدود و اهوكة يولي عنا جدار عازل و الا شريط اخضر تماشيا مع موضة الحركات الانفاصلية الي خارجة هالمدة
وعلاش لا نزيدو نطورو من لحكاية و تولي ساعة كل حومة تتطلعلنا بفيديو تبعثو للجزيرة تعلن فيه الحكم الذاتي متاعها
و انفصالها و تعمللنا مليشيا
و اهوكة تولي عنا برشة امارات في تونس الفدرالية على غرار امارة المعز لدين الله بن ادريس في سوسة
و تبقى العاصمة منطقة متنازع عليها بين مليشية النادي الافريقي و عصابات الترجي الرياضي التونسي
الحاصل لين السفراء يولي اكثر من المواطنين و السكان بعد الي كل كعبتين يعملو دولة

نقابة الحراقة التونسية متضامنة مع المرحلين من لمبدوزة الفاضلة

منعرفش هالمدة سمعت انو ثمة 1200حارق تونسي موقفين في لمبدوزة الجزيرة الايطالية الي هيا في الاصل تونسية اما اهوكة في اطار عملية تقريب طالية الى سواحل التونسية قصد تسهيل عملية الحرقة تم التغاضي على هاذي الجزيرة و التفريط فيها
على كل هالعدد المهول متع الحارقين و الي كلهم من الشباب و الي في انتظار ترحيلهم من لمبدوزة الى تونس و لله اعلم اش باش يصير فيهم وخاصة مع تشديد العقوبات المسلطة على الحراقة و المتعاونين معاهم
ورغم التشديد الا انو عدد الحراقة في ارتفاع متواصل و كل مرة هاو نسمعو 40 حارق ببقبقو وسط البحر و كلاهم الحوت و هاو مرة حفنة شدوها الا ان وصل الامر ل1200يا بو قلب
1200حراق علاش ميملوش بعضهم الحراقة التوانسة مدامهم بها الاعداد المهولة و يعملو نقابة و الا جمعية اهوكة ساعة ساعة نقراو في اك البوند متع الاخبار متع الجزيرة
جمعية حراقة بلاحدود التونسية تتضامن مع حراقة المكسيك وتطالب اوبوما وحكومته بنزع الاسلاك الكهربائية من الحدود الامريكية
و الا نقابة الحراقة تصف العدوان على غزة بأنه عمل همجي و ترصد مجموعة من المساعدات لفائدة المنكوبين
اهوكة عل الاقل الحرقة تتهيكل و يولي عندها سياج سوسيال و حق الحراقين ميضيعش و علاش تصحح اتفاقيات شراكة و توأمة مع جمعيات مماثلة بهدف تطوير القطاع هذا
وتولي ثمة ايام مخصصة للحرقة ونلقاو بوندرولات في البلاد كيما البوندرلات متع المهرجنات و التظهرات الثقافية
الجمعية الوطنية للحراقة تحتفل بربيع الوطني للحرقة ايام15و16و17مارس
و الا تحي ذكرى شهداء الحرقة ماو باش يولي عندهم رموز فلوسة و جطلة و غيرو
و هكاكة عل الاقل نوليو نشوفو برشة ايطالين ملي يديهم مسخة بالدم التونسي اما م المحاكم خاصة و انو هناك شكون باش يدافعلهم على حقوقهم
بصراحة شيء مؤسف انو الشباب التونسي ولى يلوح في روحو للموت من اجل اوهام واحلام بالثروة
اما الغريب في الامر انو ضمن الحراقة ثمة ناس حاملة لشهايد اي نعم شهايد كنا نعرفو مفهوم هجرة الادمغة اما تو تقريبا في عصر تغير المفاهيم باش نولي نعرفو مفهوم حرقان الادمغة و علاش في تطور العنصر البشري الحارق من بطال متيقر الى حامل شهادة يزيد يطور الامر و بعد مديدة نسمعو بوزير حرق و الا مسؤول رفيع المستوى بون هيا العملية صايرة اما موش بالمفهوم المجرد متع الحرقة على خاطر وجهة الناس هاذم في الغالب مدينة البنوك و تذكرتهم ديما ذهاب بلا اياب
الامر هنا يخلينا بلحق ناقفو وقفة تأمل ونطرحو على انفسنا مجموعة اسألة ومنجمو نعالجو هالظاهرة او على الاقل نحدومنها الا منكونو صادقين مع انفسنا
علاش الشباب التونسي يحرق و هنا كي نحكي عالشباب نحكي عالشباب من مختلف الجنسين حتى البنات زادة و لات تحرق اي نعم البنات زادة
تصورو شمعناها بنية تحرق في الوقت الي موش هيا مطالبة فيها باش تحل دار بون ممكن حرقتهم عندها اسباب خاصة بعالم البنات منجموش نفهموها اما افهمو شمعناها طفلة وصلت تحرق
ملا خلي لولاد الي هوما مطالبين باش يحلو دار
على كل قلت انو الاسباب تتلخص في زوز محاور كبار
اسباب اقتصادية
غلاء المعيشة و تجاهل بعض الجهات و اغفالها من المخطاطات وكمل الازمة المالية بدات تبربش وهو ما ادى ببعض رؤوس الاموال من الحد من حجم استثمارتها
اسباب اجتماعية
انتشار البطالة ...الفقر...و الحاجة
بون انا متعمقتش فيهم زوز اسباب نظرا لانهم اسباب معروفة لدى الناس الكل
لكن الي باش يخيلنا نحدو من الظاهرة هاذي هو نشر الوعي والوعي الوطني
لازمنا نوعيو الشباب انو العملية الانتحارية هاذي و قوارب الموت متهزش لجنة واما لرحلة اخرى من التمرميد والعذاب هذا اولا ثانيا انو لازم زرع الروح الوطنية في الشباب انو نخليوهم يتشبثو ببلادهم مهما كانت الظروف تي احنا راس مالنا الشباب و الموارد البشرية
لعنا لانفط لا ذهب
على كل ربي يهدي ماخلق يفتحها في وجه كل حراق

عبد الناصر بطل من ورق

برشة اصوات تصر باش تجعللنا من عبد الناصر جمال العسكري سفاح بطل لا وتمشي للابعد من ذلك و توهم رواحها انو عبدو مزال حي و انو رغم موتو مزال يشكل تهديد و يخوف ههه
الراجل ردوه فومبير يقوم من قبرو في ليل و يعمل تسكسفة و يخوف المعارضين ماعو و يرجع لقبرو هههه
في الوقت الي نساو فيه انو عمو عبدو متع الكباب و الكفة و ضربان الطبل و الحنك مات مرتين مرة في 67عندما لوث تاريخنا العربي بهزيمة كنا في غنى عنها ومرة سنة70 وقت بلع زروسو

سياسة سي عبدو الي جايبهالنا على اساس انوالمهدي المنتظر ولا عيسى المخلص و اك الشكارة شعارات الي عمرها مقتلة ذبانة ساهم بشكل كبير في تدخيل مصر في حيط و العالم العربي معاها و التشوهات الي تعاني فيها مصر اليوم مردها عصر الظلام الناصري و ايدولوجيتو العميلة لسوفيات
نجيو ناخذو انعكسات الناصرية على الواقع السياسي في مصر في اك الوقت هاكة
رغم انو الواقع السياسي في مصر في عهد عم عبدو كان يشكو من الفساد و الاضطربات الا انو كان في بداياتو ومآلو بالطبيعة التطور و النضج
الا انو سي عبدو بنظرته الحكيمة و الراشدة حكم على التطور السياسي في مصر بالاعدام واحاله على التقاعد بخلق بديل
اسمو الاتحاد الاشتراكي هالكافيشنطة متع دعم الرقصات اي الاتحاد متنحجمش تكون بديل باي من الاحوال عن التعددية
يعني السيد اول مدخلها دخلها بلوغة القائد الواحد و الحزب الواحد و الهدف الواحد و هات من اك اللاوي
الله يرحمك يابورقيبة كي كنت تضحك من هل هوكش -برى هاي جاتك رحمة عشية احد-والضعف الي تعاني منو الحركة الحزبية ليوم في القاهرة مردو هالاستبداد الناصري
وكذلك فان السياسة الناصرية لم تنسى ان تمر على الاقتصاد المصري و ترفعو بمشطة وهو المروفوع من اصله يعني جا يطبها عماها
من خلال تدميريه لتجربة الرأسمالية الي كانت حديثة الولادة في الوقت هاكة تو بالله دولة تاعبة وامورها مرهدنة و العالم كان الله يجي فيها نظام اشتراكي تي هو لينين المعلم متع الاشتراكية قالك هالثورة المقحولة بثلاثة نقاط فوق القاف متجي كان بعد تجربة رأسمالية يعني كيما قال خطوتين الى الوراء بور بيان ديماري موش ساك بلوغة السكارجية تتصب على مجتمع نسب الفقر و الجهلوت فيه بأعداد مهولة
اضافة انوالسيد دار يأمم فيها فيها على بعضها قريب باش يأمم البشر وحط العسكر على اداراة التأميم يا بو قلب العسكر عوضو رجال الاعمال و حلت الصرامة و الاوامر مكان الليونة و التفكير و لم تصنع التجربة الناصرية لا صاروخ و لا حتى ابرة وصنعة كرهبة رمسيس الكرهبة المسخرة ههههه الي موبيلات بياع فريكاسي عالشط راقدة في فوريار عندها شهرين خير منها
و الطفرة المالية خلال الخماسية الاولى من عهد العاهر موش مردها السياسة الحكيمة و الا القاعدة الانتاجية الي تعتمد البحث العلمي و انما سياسة النهب الي تم اتباعها بقرارت التأميم
وكمل السيد جابها الارض للجميع و جاب مسطرة و بدى يقسم في الاراضي لين كل واحد خلالو حفرة و بالتالي الفلاحة و لات خدامة في اراضيها
ومن بديهيات الزراعة انو الانتاجية متتحقق كان في الملكيات الواسعة و الخاصة
سياسة عبد الناصر ساهمت في تردي الانتاج الفلاحي وتراجع المردودية و الكاليتي
واقوى مصيبة لعدو الليبرالية انو خفض في ايجار المساكن و حرم خلو الرجل علا هذاكة المستثمرين العقارين قطعو و خلاوهالو واسعة و لاو معاتش يأجرو و انما يبنيو لتمليك و الاسوام نار متع 40 سنا خدمة علا هذاكة عرف العهد الناصري ازمة سكن و ربما تصنف لدى بعض المراقيب بأنها الاعمق في تاريخ مصر
و على المستوى العسكري السيد يحط في القيادات العشوائية من منطلق الوفاء لثورة و هوكي تجي تشوف منطق الولاء لشخص عبد الناصر
علا هذاكة نلقاو عاكف زوج الرقاصة و اكبر مرتادد للحانات و الكفيشنطات على راس الجيش المصري و تحولت المراتب العسكرية الا مراتي مدنية بعد الي الجيش هو الامر الناطق و التف بهالة السلطة و النفوذ و هذا ضرب الجيش المصري في مقتل و بان ذلك بالكاشف في نكسة الناصرين و القومين عام67
وبالطبيعة القرارات هاذي الكل استت للازمة اجتماعية هزت كيان المجتمع المصري حيث اسس عم عبدو لفوضى طبقية ضربت الطبقة الوسطى المصرية في مقتل وبالطبيعة كما تحدث دور كايم فان تدمير طبقة معينة من المجتمع هو تدمير لجزء من ملامح مجتمع معين فما بالك انوالطبقة الي دمرت في مصر كان هي الطبقة المفكرة و المبدعة ففي المجتمع المصري و قتها لاصوت يعلو فوق صوت طبول الاشتراكية و لافكر مواز لغير عبد الناصر
و لعل حربه على الاسلامين و محاولته اجتثاث الاسلام من جذوره و استبداله باسلام ناصري من خلال استهداف الكزادر الفكرية و التنظرية اكبر دليل على الاستبداد الناصري
منحكيوش عالليبرالين اش صار فيهم
و على المستوى الخارجي اوجعت عنتريات عبد الناصر و التطرف القومي الذي لم يقترن بالفعل رؤوسنا بان العرب عرق سام ورمز للكرامة و العزة وهات من اك اللاوي وخوض حرب بمنطق الطبلة زادة في تعميق الجرح العربي
ومحاولة طمس سوريا و تحويلها الى ولاية ناصرية
وم يبقى لي ان اقول ما قاله القباني
لم يدخل اليهود من حدودنا
بل تسربو كالنمل من عيوبنا